Zacarías 13:2 - Biblia Dc en Mixe de Quetzaltepec

² Nyajkutëkoyäämpyës tëkokyë yë awinax mëti'ipë yajpatëpën ma naax kajpnën, këtiipë pën t'ëwtatëty. Njëpëkäämpyës näjyëtu'un yë käjpxynyajxpëtëjk ets ëxëëk poj. Ëjts Wintsën, ëjts ënaanp,

Biblia Mixe de Quetzaltepec

² Nyajkutëkoyäämpyës tëkokyë yë awinax mëti'ipë yajpatëpën ma naax kajpnën, këtiipë pën t'ëwtatëty. Njëpëkäämpyës näjyëtu'un yë käjpxynyajxpëtëjk ets ëxëëk poj. Ëjts Wintsën, ëjts ënaanp,

Zacarías 13:2 ပူးပေါင်းရင်းမြစ်များ

1 Reyes 22:22

ets të y'ëtsoy ko jä'ä ja käjpxynyajxpëtëjk tyuktëkëjäämpy ja jampë tyuntën ma ja yajkutujkpën ets jä'ä tkajpxtëty ja ka'apë myëtëyëtyën. Ënet ja Wintsën të y'ëtsoyë: oy tääpë winma'any, nëjkx jëtu'un tun.

Salmos 16:4

ni'ikyë tyajmayëtë y'awinax ets t'ëwtatë. Ëjts nijëna'ajës jam nkayajpaata'any ma jëyujk ne'pyny tämtë tjä'ätstën. Nijëna'ajës nkaxëëwkuuykyajpxa'any.

Éxodo 22:13

Pën tääpë jëyujk ëwa'anjëyujk ënety të yaj'ookyë ets të tsyu'utsyë, ets ka'ap tkujuyä'äny ja jëyujk'ooky, yë'ë myënëjkxëp ja jëyujk tsu'tstuk jam ma ja kujëyujkën.

Éxodo 23:13

Tuntë jëtu'un ya'atë mëti'ipë të ntuk'ënëëmëtën ets nijëna'a kyapëtsëmëty ma m'aaw myä'änëtyën yë xyëëw yë wiink tios.

Isaías 2:18

ets nëjkx tyajkutëkooytyä'äy ja awinax.

Isaías 2:20

Ko ënety ja xëëw jëmëjt tpaaty, nëjkxëp ja ja'ay ja y'awinax t'ixjëpijpta'atë ma ja teptsy yunën ets ma ja tëëxy pyä'änën, mëti'ipë ënety të t'oytyuntën mëët ja pu'ts pujxn ets poop pujxn.

Jeremias 29:23

Jëtu'un nëjkx mjatë mkëpätë ko ënety ëxëëk winë të xytyuntë jam Israel: ko ojts ka'ap ja mto'oxytyëjk xywyintsë'ëkëtë ets xymyëët'ajnëtë ja mjëëky mmëku'uk ja tyo'oxytyëjkëty ets ojts winë xynyikajpxtë ëjts nxëëwkyëjxmës ka'apë myëtëyëtyën mëti'ipë ënety ka'ap të ntuk'ënä'ämtën. Ëjts nija'apës yë'ë yajxon ko jëtu'un m'ëtëtstë m'ënantë. Ëjts Wintsën, ëjts ënaanp.

Ezequiel 12:24

Ka'ap tii y'ëkyajwin'ixanë ma Israel kajpnën ka'apë myëtëyëtyën ets käjpxynyajxën ka'apë jyääntyëtyën.

Ezequiel 13:23

Paaty miitsëty ka'ap tii xy'ëkwin'ijxnëtëty ka'apë myëtëyëtyën ets ka'ap m'ëk win'ë'ënëtëty ma tii xykyajpxnaxtën. Ëjts nyajtso'okäänpyës yë nkajpnës ma miitsëty o'ktëy xytyuntën ets jëtu'un nëjkx xynyijawëtë ko ëjts Wintsën.

Ezequiel 14:9

E ko tu'uk yë käjpxynyajxpë tëkatsy winë tkajpxnaxëty, ëjts Wintsën, ëjts ënety të nwin'ëëny tääpë käjpxynyajxpë; nëjkxëpës nixajë'ëky ets ntëytyunyës ets njo'otsa'anyës maas yë nnaax nkajpnën, Israel kajpn.

Ezequiel 30:13

Ëjts Wintsën, jëtu'unës n'ëna'any: Nyajkutëkoyäämpyës yë awinax ets nyajkëxäämpyës ka'apë tiosëty jampë Menfis yajpaatën. Ka'ap nëjkx yë Egiptë t'ëkmëët'ajnë pën ënä'ämëtëpën ets tsë'ëkë mëët nëjkx xëmë yajpaaty ja naax kajpn.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Ezequiel 36:29

Nëjkxëp jap njuutë ma ënety ka'ap oy mjuuky'atën. Nëjkxëp nmo'otë nkäxtë may'äämpy yë tsajpmok ets ka'ap nëjkx nijëna'a yuu xëëw xy'ëkyajnajxnëtë.

Ezequiel 37:23

Näy ka'ap nëjkx y'ëknätyukyaj'ëxë'kënëtë ja awinax ëkë wiinkëtypë ja tios, ka'ap nëjkx nëkoo ja nëë poky t'ëk tuuntëkooynyëtë. Nëjkxëpës npokymyä'kxtë oy ënety tiijaty të tuntë ets nëjkxëpës nyajpokywya'atstë. Yë'ë nëjkx nkajpniwa'antës ets ëjts nëjkx xyTyios'atës.

Ezequiel 43:7

ets xy'ënëmaayës: Ya'atë jëtu'un mpo'kxtakn'ajtypyës maas nyajkutukyën, maas ja nteky mpëjktä'äkyën; yaajës njuuky'ata'any mëët yë Israel ja'ayëty xëmëkyëjxm. Yë Israel ja'ayëty ets kyutujkpëtëjkëty ka'ap nëjkx t'ëkyajnipäxëtëjkënëtë ja nxëëwës wa'atspë mëët ja y'ëxëëktu'un y'ëxëëk kajpxënëty: ka'ap nëjkx t'ëkojnëtë ja potsy ma tyajkëxkojtëtyën ja yajkutujkpë mëti'ipë ënety të y'o'knën,

Ezequiel 6:6

Maajaty mjuuky'atën, nyajkutëkoyäämpyës yë wintsë'këntyakn ma xy'ëwtatën yë wiink tios ets xit ko'ow jyajta'ajëty. Yë mwintsë'këntyaknëty xit ko'ow nëjkx jyajta'ay ets y'awinaxëty piw nuuk jyajta'aja'any; yë wintsë'këntyakn ma poom tyoyën nëjkxëp yajijtë'kta'ay; tëkokyë mëti'ipë të xy'oytyuntën nëjkxëp kyutëkooytyä'äy.

Oseas 14:8

Ets Efraín nëjkx y'ënä'äny: ¿Tiijës nyajwa'anëty yë awinax? Kë'ëmës winë n'ixy ets kë'ëmës n'ijx'ity yë nnaax nkajpn. Jëtu'unës ëjts tä tu'uk yë tsiin kepyën xëmëpë tsyuxk'ityën, ma ëjtsën tpaata'any yë nnaax nkajpnës yë jyi'kxy pyiky.

Oseas 2:17

Njëpëjkta'ajäämpyës ma wyiin y'aawën yë Baal yë xyëëw ets ka'ap nëjkx nijëna'a yë Baal y'ëkyajkajpxpatnë.

Oseas 2:19

Israel, mijts nto'oxytyëjk'atäämpy xëmëkyëjxm, mpëkäämpy n'uukäämpy tëy jaanty tä kyutukyëtyën ënä'ämënjoty, jä'ä ko ntsojky nja'ap ëmuumtu'ukjot.

Miqueas 2:11

Ko ja ja'ay tu'uk wyin'ëënëty ets y'ëna'anëty: Ëjts yë'ëjës yam nnikäjpxyp nimëtyäkpy yë tsatym nyëë tëëpë nyimaanaxyën ets nëë mëti'ipë mukpën, jëtu'unpë ja'ay yë'ë ja naax kajpn oy tsyojkpy ets kyäjpxynyajxpë'atëty.

Sofonías 2:11

Atsë'ëk ajawë yë Dios tyuna'anëtë. Yajkutëkooytya'ajäämpyë yë tios mëti'ipë ja'ay y'ëwtajtëpën ets yë'ë nëjkx tu'ukyë yaj'ëwtaty oymyaajëty.

Mateo 12:43

Ko tu'uk ja ku'oypyë t'ëxmatsy ja ja'ay ets nëjkx jyëtity të'ëts'itjotm, t'ixta'ay ja po'kxtakn, ets ko tkapaaty tä myäy tyäjy:

Mateo 7:15

Näkyëwent'atëtë ma tääpë win'ë'ëmpëtëjkëtyën mëti'ipë nätyijëtëp ko Dios myëtuuntëp. Jëtu'un janty yujy janty tëtä'äky mniminëtë kupixynyën, e jap jyootjoty jëtu'un jyä'äy'atë pa'ukën.

Lucas 11:20

Näyjyëtu'unës ëjts, Dios yë myëk'ajtën mëët n'ixkexyës yë ku'oypyë, jëtu'un xyjyä'äkyukëtëty ko ja Dios ja kyutujkën të tyajtso'ontä'äky ma miitsëtyën.

Deuteronomio 12:3

Mjijtë'ktaayëtëp yë pyotsyëty ma ja wintsë'kën tyaktën, piw nuuk tuunta'atë yë tsaa ets nino'oktë yë kepy tsyetsy ets yajkutëkooytya'atë tëkokyë mëti'ipë y'ëwtajtëpën. Nitii xykyayajwë'ëmtëty mëti'ipë y'ëwtajtëpën ets jëtu'un ka'ap nijëna'a y'ëkyajja'amyäjtsnëtëty.

Deuteronomio 18:20

E ja käjpxynyajxpë mëti'ipë kë'ëmwinma'any kajpxp mëtyakpën mëët nxëëwkyëjxmës ets tnikajpx tnimëtya'akëty mëti'ipës ka'ap të ntuk'ëne'emyën ets wiink tios tnikajpx tnimëtya'akëty, tääpë ja'ay nëjkxëp y'ooky tyëkoy.

Josue 23:7

Këtii ja mjot mwinma'anyëty nëkoo xyajjo'optëty mëët ja ja'ayëty yaapë tsyëënëtën. Këtii yë tyios xy'ëwtajtëtëty, këtii xymyëmëtowtëty, këtii xyëëw xykyajpxpatëtëty ets ni jää xykyakajpxpaatëty ko tii xyajtëytyëkëtëty.

Apocalipsis 18:2

Mëk yyä'äxy jyoky: Tëë kyuka'anaxy, të kyuka'anaxy ja mëj Babilonyë kajpn. Tëë y'awinpity ku'oypyë tsënaaytyakn ets jëyujk tsënaaytyakn; ja jëyujk mëti'ipë ka'ap wya'atsëtyën, ja ëxëëkpë yaj'ixyën.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.