Zacarías 12:8 - Biblia Dc en Mixe de Quetzaltepec

⁸ Ëjts Wintsën, nkuwa'anäämpyës yë Jerusalén ja'ayëty. Mëti'ipë ëmaay paki'ix yajpatëpën mëk nëjkx y'itë tä Davidjën ets David yë y'u'unk y'ok jëtu'un nëjkx yajpaatë Tiosën, jëtu'un tä yë Wintsën yë tsyajpjotmëtë kukäjpxyën mëti'ipë tu'uwinye'eyëtëpën.

Biblia Mixe de Quetzaltepec

⁸ Ëjts Wintsën, nkuwa'anäämpyës yë Jerusalén ja'ayëty. Mëti'ipë ëmaay paki'ix yajpatëpën mëk nëjkx y'itë tä Davidjën ets David yë y'u'unk y'ok jëtu'un nëjkx yajpaatë Tiosën, jëtu'un tä yë Wintsën yë tsyajpjotmëtë kukäjpxyën mëti'ipë tu'uwinye'eyëtëpën.

Zacarías 12:8 ပူးပေါင်းရင်းမြစ်များ

Zacarías 9:8

E ëjts a'ijxp jëjp'ijxp nyajpaata'anyës ets nkuwa'ana'anyës mëti'ipës njä'ä'ajtypyën, ka'apës yaa pën nyajnaxa'any. Yë ja'ay mëti'ipë tëytyunaanpën ka'ap nëjkx y'ëktëytyuunë, jä'ä ko ëjts nkëwent'atanëpës yë nja'aynyë.

Zacarías 2:5

E yë Wintsën yë'ë ënaanp: Ëjts jëtu'un wa'anaanp kajpnnapotsën jëënmëëtpë ma Jerusalén kajpn pa'ajën ets kajpn itkujky nyaj'ita'anyës yë nmëj'ajt n'oyajtënës.

Miqueas 7:16

Wä'än wiinkëtypë naax kajpn t'ixtë ets tsëtyu'unmëët wyë'ëmtëty ko ënety tnijawëtë ja mmëkajtën. Wä'än uum ets nat twë'ëmtë.

Miqueas 7:8

Naax kajpn mëti'ipës mëët nämyëtsip'atyën, këtii xytyukxoontä'äkyës koos o'ktëy njatëty, jä'ä ko tëëjës nkëtay je'eyëp ko pëtë'ëkaanpës jatëkok; oyës yë kootsajtën xyajnatuky, yë Wintsën yë'ëjës nkutë'kxën'ajtyp.

Joel 3:10

Wä'än yë pyujxn jä'pn tyajtëypyujxnkojtë ets wä'än yë y'ujts tsujkn tyajku'umnkojtë ets ja ja'ay mëti'ipë ëmaay paki'ix yajpatëpën wä'än t'ëna'antë: Ëjts mëkës.

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

Apocalipsis 22:16

Ëjts, Jesús, tëëjës ja n'anklës nkexy ets ya'atë tu'kë'ëyë tuk'ix tuknijawëtëty ja niwëxtujk pëkpyë mëpëjkpëtëjk ma ye'eymyuktën. Ëjts ja David xy'u'unk'ajtp xy'ok'ajtp. Ëjts jëtu'un të'kxp ijxtëm ja jaayxyëëwën mëti'ipë jopyëp yaj'ijxpën.

Apocalipsis 22:13

Ëjts tso'ontakp, ets ëjts jëjpkëjxp.

Hebreos 11:34

ko të tyajpi'itstë ja mëj jëën, ko të kyä'äktë ma yajpuxa'an yajpoota'antë, ko të jyotmëkpëktë oy ënety tsyë'ëkëtë ets ko të tmëmëta'aktë ja myëtsip mëti'ipë wiink it tso'ontëpën.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Romanos 9:5

Yë'ë y'u'unk y'ok ja y'aptëjkëty; yë'ë tsyikts'ajt y'aats'ajtëp, ma txëëwatën naaxwiinyëtë ja'ay, ma niTios'ajta'ayën winë, mëj'äämpy wintsë'ëkë y'itëty xëmëkyëjxm. Oy jyëtu'un'atëty.

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Dios ëëts mëët n'ijtëm.

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Miqueas 5:8

Ënet jam naaxwiinyëtë itkujky, ja Jacob ja y'u'unk y'ok mëti'ipë ënety të jyaakwë'ëmtën, nëjkx yajpëjkta'aktë tä tu'uk kaajën ma jëyujkëtyën, tä tu'uk kaajën kupixyny itkujky, ko tu'uk wyinnaxyë jëtu'unyë t'anuk tuknukë ets ka'ap nitu'uk juuky t'ëxmatsy.

Oseas 12:3

Ka'anëm ënety myëxu'unk'atynyëm ko yë Jacob tkunajxy yë y'äjty ets ko ojts myëjnë'ajnë tsiptuun mëët yë Dios.

Jeremias 27:10

Ijxtëm mja'ënë'ëmxëtën nëkoo je'eyë mwin'ëënëtë, je'eyëm nëjkx tsumy matsy myajmënëjkxtë wiink naax wiink kajpn ets xit ko'ow ntuunta'aja'antës ets jam m'ooktëty muum.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Isaías 30:26

Ja Wintsën yajtsooypyatäämpy ja nyaax kyajpn ja tsyëtyut ets yajxon tpita'any. Ënet ja po'o jëtu'un tyë'kxa'any tä xëëwën ets ja xëëw mëk nëjkx jyäjy tä jeexyë niwëxtujk tyë'kxtën.

Salmos 82:6

Täätsës të n'ëna'any, ko miitsëty jëtu'un mja'ay'atë tä tiosën, ets aakyë'ë m'u'unk'ajtëtëp Ni'ik Këjxmëpë.

Oseas 1:7

Yë'ë tëy yë Judá mpa'ëyowäämpyës yë'ë, ëjts Wintsën mëti'ipë Tyios'ajtëpën ëjts kë'ëm nyaj'ëwaatsëpëtsëmäämpyës. Je'eyëp ëjts ka'apës tsipkëjxm nyajtso'oka'antë, ka'apës nyajtuna'any yë ti'pxn, tëypyujxn, kwaay ets pujxnwintëkäämpë.

Éxodo 14:19

Ënet ja Dios ja kyukajpxpë ojts ënätyë kyëtä'äky ets ja yoots nyäpyëjktakë ix'am, mëti'ipë ja Israel ja'ayëty ënety jëyëjp winye'eyëtëpën.

Éxodo 33:2

Ëjts tyamës yë nkukäjpxy nkäxa'any mëti'ipë mtu'uwinye'eyëtëpën ets n'ëxwojpta'aja'anyës jam ma nyaaxëty kyajpnëtyën yë Canaán ja'ayëty, Amor ja'ayëty, Hit ja'ayëty, Ferez ja'ayëty, Heve ja'ayëty ets Jebús ja'ayëty.

Josue 23:10

Tu'ukpë ja ja'ay ma miitsëtyën, jyëkyejpy tyajkä'äkëty nitu'kmil ja myëtsip, jä'ä ko ja Dios mnitsiptuunëtëp jëtu'un tä të tnikäjpxyën.

Salmos 8:5

Jä'ä të xyajkojy jawäänë tkamëpaaty yë tios, tëë xymyo'oy ja mëj'ajt oyajtën ets wintsë'ëkë y'itëty,

Isaías 31:4

Jëtu'unës ja Wintsën të xy'ënëëmë: Jëtu'un tä tu'uk mëj kaajën mëti'ipë të tyaj'ookyën tu'uk yë kupixyny, oy jënu'un ja ja'ay jyamuktëty ets jya'ëtsë'ëkëja'anëtëty, yë'ë ka'ap tsyë'ëkë; nän timjëtu'un ja Wintsën mëti'ipë maaytyääyëpën winë, ko ënety myiny ets tniwaantu'uty ja nyaax kyajpn mëti'ipë jam tsënaaytyëpën ma Sión kopkën.

Zacarías 9:14

Yë Dios yë'ë nänyikëxë'ëkanëp ma nyaax kyajpnën; jëtu'un ti'pxë'ëka'any yë tyi'pxn wëtsukën. Dios mëti'ipë Wintsën'ajtpën yë'ë tyukxu'uxäämpy yë xyuxn ets mëët yë mëkpoj tyu'uye'eyä'äny mëti'ipë ëpa'tkë'ëytsyow tso'onpën.

Isaías 33:24

Ni pën nëjkx kya'ëna'any: Pëjkëpës. Yë Wintsën nëjkx tnime'kxy ja nyëë pyoky ja Sión ja'ayëty.

Zacarías 10:7

Yë Efraín jëtu'un tä tsiptuunpën nyaxa'any. Jotkujk yë jyot wyinma'any tjawëja'any tä jeexyë tsatym nyëë t'uukyën ets ko ënety ja y'u'unk y'ëna'k y'ixyë tääts näjyëtu'un jotkujk yajpaata'antë. Jotkujk yë jyot wyinma'any tjawëja'antë jä'ä ko yë Wintsën tsyokyë jyawëty.