Zacarías 12:7 - Biblia Dc en Mixe de Quetzaltepec

⁷ Je'eyëp ko ëjts Wintsën, jëyëjpës yë Judá y'u'unk y'ëna'k nyajtso'okanë, këtiipë yë David yë y'u'unk y'ok nyämyëjawëtëty ets këtiipë yë Jerusalén ja'ayëty mëj këjxm nyäyajnaxëtëty ma ja myëku'uktëjkën mëti'ipë Judá ja'ayëtyën.

Biblia Mixe de Quetzaltepec

⁷ Je'eyëp ko ëjts Wintsën, jëyëjpës yë Judá y'u'unk y'ëna'k nyajtso'okanë, këtiipë yë David yë y'u'unk y'ok nyämyëjawëtëty ets këtiipë yë Jerusalén ja'ayëty mëj këjxm nyäyajnaxëtëty ma ja myëku'uktëjkën mëti'ipë Judá ja'ayëtyën.

Zacarías 12:7 ပူးပေါင်းရင်းမြစ်များ

Jeremias 30:18

Jëtu'un yë Wintsën y'ënä'äny: Nyajtëkatsanëpës yë Jacob yë nyaax kyajpn, npa'ëyowäämpyës jatëkok tääpë naax kajpn; nëjkxëp yaj'akojëtyä'äy yë potsykyutuk ets kutujkëntëjk, jam nëjkx jatëkok nyaaxkëtä'äky ma ënety të y'ityën.

Romanos 3:27

¿Ko jëtu'un, maa ja ja'ay ja myëj'ajt kyëjxm'ajtën nyatunëty Dios wintum? Tëkooytyääpy jä'ä. ¿E tii ko? Jä'ä ko mëpëjkën mëët ja ja'ay oy wyë'ëmtë Dios wintum ets ka'ap yë'ëkyëjxmëty ko tpatuntë ja ënä'ämën.

Zacarías 11:11

Jä'ä xëëw ojts tyëkoy ja käjpxytyu'unën ets ja ajuupyëtëjkëty mëti'ipës ënety jam xy'ijxtëpën, ojts tja'akyukëtë, ko ja Wintsën jä'ä jyanikäjpxyp mëti'ipë tyunäämpyën maas ënety jam winë ntunyën nkäjpxyën.

Zacarías 4:6

Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

Amós 9:11

Pyätyp ja xëëw jëmëjt ma ja David nkoj'oyëja'anyënës yë tyëjkxo'omy mëti'ipë ojts kyëtäyën. Nyaj'ëtujkta'ajäämpyës yë jut, nyajpëtë'kta'ajäämpyës yë potsy maajaty të jyutyën ets nkoj'o'oyëtya'aja'anyës mëti'ipëjaty të jyityën ets jëtu'un nyaj'awinpita'anyës tä ijty tëëyëpën ma ënety jyotkujk'atyën,

Isaías 23:9

Yë Wintsën mëti'ipë maaytyääyëpën winë yë'ë të tyajkutuky ets tyaj'amoonta'aja'any ja ja'ay mëti'ipë näjya'awëyëpën amëj akëjxm ets o'ktëy tyajjata'any ja ja'ay mëti'ipë mëj'äämpy ijtpën.

Salmos 55:12

Koos yë nmëtsip xyajjoot'anpëky këtii myëmëtaknëty, koos yë nmëtsip xynyipëtë'ëky wi'ixës n'ëknäyu'utsëtëty.

Salmos 38:16

Yi'iyës n'amëtoopy këtiipës xynyëxi'ik xytyukxi'iktëty ets ka'ap xyoonta'aktëty koos ënety tii xyjäty xykyëpety.

Salmos 35:26

Wä'än twë'ëmtë tsëtyu'unmëët ets wä'än tkumon tkutukëtë mëti'ipës xytyukxoontaktëpën koos n'ëyo'onpaaty; wä'än twë'ëmtë tsëtyu'unmëët mëti'ipë mëj këjxm näjya'awëtëpën këtiinëm ëjts.

Job 19:5

Miitsëty jä'ä mnäyjyawëtë ni'ik yowë mtimwya'ats'atë ets yi'iyës xëmë xytyukwinmëtoowtëp koos npëkyë n'ixyë.

Santiago 4:6

Ets ka'ap yi'iyëty ya'atë, wäänëni'ik ja Dios ja mëyajtën tuny ma ëëtsajtëmën ets xypyutëjkëmë, paaty ja Dios ja y'aaw y'ayuk këxja'aypyë y'ënä'äny: Dios tyukjoot'anpëjkpy ja ja'ay mëti'ipë mëj këjxm nnäyjya'awëyëpën ets pyutëjkëp mëti'ipë yujy tëtä'äky ja'ay'ajtpën.

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

Lucas 10:21

Näy jää it ma ja Jesús ënety jotkujk nyäjyawëtyën mëët ko ja Kënu'kxymyëkajtën ënety të tyuktëkëty, ënät y'ënäny: Dios Teety, Wintsën tsajpjotmëpë ets naaxwiinypë, nmëjja'ap njaantyjya'ap mijts, jä'äkyëjxm ko ja ja'ay mëti'ipë yu'unk naxym ja'ay'ajtëpën, tëë xytyuk'ixy xytyuknijawë mëti'ipë të xytyukwinkuyu'tsyën ja wijyjyä'äytyëjk. Jëtu'un, Dios Teety, jä'ä ko jëtu'un mijts të xytsyoky.