Zacarías 12:4 - Biblia Dc en Mixe de Quetzaltepec

⁴ je'eyëp koos nëjkx n'ëtsë'këtyä'äyës ja kwaay ets tsuu poj nyajjajta'aja'anyës ja ja'ayëty mëti'ipë ënety ja kwaay tyuk'u'unyääytyëpën. Nkëwent'atäämpyës yë Judá y'u'unk y'ok ets nyajwiintsëtya'ajäämpyës yë kwaay ma ja naax kajpnëtyën.

Biblia Mixe de Quetzaltepec

⁴ je'eyëp koos nëjkx n'ëtsë'këtyä'äyës ja kwaay ets tsuu poj nyajjajta'aja'anyës ja ja'ayëty mëti'ipë ënäty ja kwaay tyuk'u'unyääytyëpën. Nkëwent'atäämpyës yë Judá y'u'unk y'ok ets nyajwiintsëtya'ajäämpyës yë kwaay ma ja naax kajpnëtyën.

Zacarías 12:4 ပူးပေါင်းရင်းမြစ်များ

1 Reyes 8:29

Ni''ijxkëta'ak ya'atë tsajptëjk xëëny koots ma të xynyikäjpxyën ko jap myajpata'any. Mëtoow'it ja jëëytyak nu'kxtakën mëti'ipë ya'atë mtuunpë yam yajnajxypyën.

2 Reyes 6:14

ënät tkejxy ja maytsyiptuunpë jam Dotán, nimay ojts nyëjkxtë pyujxnwintëkäämpëjoty, nimay kwaaykyijxy ets nimay tekyye'epy, tääts tyajnatujktë ja naax kajpn.

2 Reyes 6:18

Tam ënety ja sirië ja'ayëty tim nyipëtë'ëkanëtë ja Elisejë, ko ja Elisejë tyëjkëy kajpxtakpë ma Wyintsënën: Wintsën tyam n'amëtoy ets wyiintsëtya'atëty ya'atë tsiptuunpëtëjkëty. Ets ja Wintsën tjanty yajwiintsëtyääy, jëtu'un tä ënety ja Elisejë të t'amëtoyën.

2 Crónicas 6:20

Këtii xy'ëxmatsëty ya'atë mjëën mtëjk xëëny koots, ma të m'ëna'anyën ko m'ita'any jap xëmë. Mëtoow'it ya'atë jëëytyak nu'kxtakën mëti'ipë ya'atë mtuunpë yam yajnajxypyën.

2 Crónicas 6:40

E mijts Wintsën, mëti'ipës n'ëwtajtëpën, mëtoow'itëp ja n'aaw n'ayukëtyës mëti'ipë yaa yajyajkpën ma mjëën mtëjkën.

2 Crónicas 7:15

Tyam nmëtowanëpës ja ëëwtak kajpxtakën mëti'ipë ënety yaa yajtuunpën ma ya'atë itën,

Nehemías 1:6

tyam nmënu'kxtä'äky ets xytyunëty ja mëyajtën xymyëtoow'itëty ja nu'kxtakën mëti'ipë xëëny koots ntukmëtoopyën maas nijëëytyä'äky ninu'kxtä'äkyën ja mtuunpë, Israel ja'ayëty. Nja'awëy'ijtypës ko tëëjës mpokytyuntë ma mijtsën; yë'ëpaat yë nteety ntaakës yë y'u'unk y'okëty.

Isaías 24:21

Jä'ä xëëw nëjkx ja Wintsën tëytyuny ja tsajpkëjxmëpë y'ënä'ämtën, ets ja naaxwiinypë yajkutuktën;

Isaías 37:17

Wintsën, tun mëyajtën, mëtoow'it ya'atë aaw ayuk, ja'akyukë mëti'ipës yam nikajpxäämpyën. Yaj'ëwa'ats yë mwiin ets xy'ixëty. Mëtoow'it wi'ix ja Senaquerib mnikäjpxy mnimëtyä'äkyën, tsaatsy ma'at ja aaw ayuk të mtuknipëtsëmyë, mijts Dios mëti'ipë juukyën.

Jeremias 24:6

ëjts n'ijx'itäämpy nkëwent'atäämpy ets nyajwinpitantëpës jatëkok ma ya'atë naax kajpnën. Yaajës nyajjotkujkëja'antë ets ka'ap nijëna'a n'ëkyajkutëkoyanës; ni'ikyës nkoja'an npäna'antë ets ka'ap nëjkx n'ëkwijxë'knëtës.

Ezequiel 38:4

Tyam nyajwinpita'any, xu'unyës yam mpëjkta'akäämpy ma m'aawën, mijts yam nyajpëtsëmäämpy mëët yë mtsiptuunpëtëjk mëti'ipë këwaaytyuk'ënyääytyëpën, mëët yë maykyëwaay ets tsiptuunpëtëjkëty mëët yë wyit tyujkxyëty mëti'ipë myëtsiptuuntëpën, tääpë maytsyiptuunpëtëjkëty mëët yë tyiypyujxnëty ets y'akëëytyukëty ets tu'kë'ëyë mëti'ipë myëtsiptuuntëpën.

Ezequiel 39:20

Nëjkxëpës nyajtsu'uts nyajjë'kxtë mëët yë këwaaytsyu'utsy ets mëët yë nyija'ay, mëët yë tsiptuunpëtëjk ets yaja'ay o'kpëtëjk yë xyixyëty, koonëm kyu'uxëtëty. Ëjts Wintsën, ëjts ënaanp.

Daniel 9:18

Wintsën, mëtoow'it; ets ni'ijkëtaktëk ëëtsëty ma o'ktëy njatës nkëpätës ets wi'ix o'ktëy jyäty kyëpetyën yë mnaax mkajpn ma yaja'amyetsyën yë mxëëw. Ëëtsëty yë'ëkyëjxm mijts nmëmëtya'aktë mëët ko xymyëët'aty ja pa'ëyo'owën najts'ëyo'owën ets ka'ap yë'ëkyëjxmëty koos xypyaat xynyitëkëtë ets miits nmëkajpxtëty.

Zacarías 10:5

Jëtu'un nëjkx nyaxtë tä yë tsiptuunpëtëjkëtyën mëti'ipë mo'onts y'atä'än tyuktä'äntëpën tu'ujoty; tsiptunantëp yë'ëjëty jä'ä ko Wintsën mëët yajpaatë ets tsëtyu'unmëët tyajwë'ëma'antë ja këwaaytyuk'u'unyääpyëty.

Zacarías 12:11

Mëj këjää nëjkx yajnimony yajnituky mëti'ipë ënety të y'ookyën, jëtu'un tä mëj këjää yajnimony yajnitukyën yë tios Hadad-rimón, jampë Meguido joyjotm yajpaatyën.

Zacarías 12:3

Ënet yë Jerusalén kajpn nyaj'awinpita'anyës tä tu'uk yë juuntsaajën ma ja naax kajpnëtyën. Yajtsëtyutäämpy ja ja'ay mëti'ipë ënety ja këëyë'ëkanëpën. Nëjkxëp tu'kë'ëyë ja naax kajpn nyäkyäjpxyë ets nëjkx tyajnatuktë ja Jerusalén kajpn,

Zacarías 12:5

Ko ënety jëtu'un t'ixtë, ënät ja wintsëntëjkëty jampë Judá yajpaatën nëjkx y'ëna'antë: Yë Wintsën mëti'ipë maaytyääyëpën winë, yë'ë jam Jerusalén Tios'ajtp ets yë'ë të tjotmëkmo'oy.

Zacarías 12:6

Jä'ä xëëw, jëtu'un tä jëënpajkën nyaj'awinpijta'aja'anyës yë wintsëntëjkëty mëti'ipë jam Judá yajpatëpën, ëkë jëtu'un tä jëënyä'änkën mëti'ipë akëxë'këpën ajktsjoty. Anajny aka'any nëjkx tyajtooytyëkoytyë yë naax kajpn mëti'ipë mëët tyu'kmëtsëpa'an'atën, e yë Jerusalén ja'ayëty jotkujk nëjkx jam kyajpnjotm jyuuky'ajtëpë.

Zacarías 14:15

Ja ëyo'on mëti'ipë ënety këtakpën ma ja ja'ayëtyën nän yë'ë jëtu'unpë këta'akaanp ma jëyujk tsajpkaajën, ma jëyujk jëku'uxën, ma kruktsën ets maajaty ja jëyujkëtyën mëti'ipë ja mëtsip myëët'ajtëpën.

Zacarías 9:8

E ëjts a'ijxp jëjp'ijxp nyajpaata'anyës ets nkuwa'ana'anyës mëti'ipës njä'ä'ajtypyën, ka'apës yaa pën nyajnaxa'any. Yë ja'ay mëti'ipë tëytyunaanpën ka'ap nëjkx y'ëktëytyuunë, jä'ä ko ëjts nkëwent'atanëpës yë nja'aynyë.

Hechos 17:30

Dios ka'ap ojts tëëyëp tmëjpëjktä'äky oy ja ja'ay ka'ap oy myäytyë tyajtë, tyam yë'ë tsyojkpy, ets tëkokyë ja ja'ay wyimpijta'atëty ma yë'ëjën

Deuteronomio 28:28

Tsuu poj nëjkx ya'atë pa'am myaj'awinpityë, nëjkxëp myajwiintsëty ets ka'ap tii oy xy'ëkmëmaay xy'ëkmët'ajnë,