Zacarías 12:11 - Biblia Dc en Mixe de Quetzaltepec

¹¹ Mëj këjää nëjkx yajnimony yajnituky mëti'ipë ënety të y'ookyën, jëtu'un tä mëj këjää yajnimony yajnitukyën yë tios Hadad-rimón, jampë Meguido joyjotm yajpaatyën.

Biblia Mixe de Quetzaltepec

¹¹ Mëj këjää nëjkx yajnimony yajnituky mëti'ipë ënäty të y'ookyën, jëtu'un tä mëj këjää yajnimony yajnitukyën yë tios Hadad-rimón, jampë Meguido joyjotm yajpaatyën.

Zacarías 12:11 ပူးပေါင်းရင်းမြစ်များ

2 Crónicas 35:24

Ja tyuunpëtëjk ënätyë jam myëpëtsëëmë tsipjotm ma ja keypywyintëkäämpën mëti'ipë ënety myëtsiptuunpyën ets yajnajxë ma wiinkpë kepy wintëkäämpën ets poj'am yajnëjkxë jam Jerusalén ma ojts y'o'kyën. Jam nyaaxtëjkëy ma ja y'aptëjk ënety të nyaaxtëkëtën. Ja Judá ja'ayëty ets ja Jerusalén ja'ayëty jeky nyijëëy nyiyaxëtë.

2 Reyes 23:29

Jää jëmëjt ma ënety yë'ë jyaak tunyën, jää ojts nyipëtë'ëkyë yë yajkutujkpë japë y'ëne'emyën Egiptë; jä'ä xyëëwajtyp Necao ets jam myiiny Éufrates ma tputëkëja'anyën ja Asiria yajkutujkpë. E ja Josías ojts tnitsoony ja myëtsip ets tjëjpkuwa'akëja'any; ko ja Necao y'ijxpatë jam Meguido, ënätyë tyimnäyaj'o'kë.

Mateo 24:30

Ets yaj'ixa'any jam tsajpwinm ja ijxpäjtën ko ja naaxwiinyëtë ja'ay ja y'U'unk myina'any yootsjoty, mëët ja mëk'ajtën kuttujkën ets oy'ajt mëj'ajtën,

Apocalipsis 1:7

Nijawëtë. Ko yë Kristë jam myina'any yootsjotm. Ni'ëmukë ja ja'ay t'ixa'antë, yë'ëpaat mëti'ipë ojts tyajkruutspätën. Jë'ëjan ya'axantëp ja naaxwiinyëtë ja'ayëty ko ënety t'ixtë. Tëy jëtu'un, jëtu'un y'itëty.

Apocalipsis 16:16

E ja yajkutujkpëtëjk ojts ja myuktë ma tu'uk ja it txëëwatyën hebreo ayuk'äämpy Armagedón.

Zacarías 12:12

Nitu'ukjaty nëjkx yë ja'ay tnimony tnituky yë jyiiky myëku'uk ma ja naax kajpnën: Yë David yë y'u'unk y'ok ets tyo'oxytyëjktëjk yë y'u'unk y'okëty; yë Natán yë y'u'unk y'ok ets tyo'oxytyëjktëjkëty;

2 Crónicas 35:22

E yë Josías ka'ap kyäjpxyjyä'äykyujkëy, ni'ikyë ojts jyotmëktä'äky ets koonëm tsyiptuna'any oy jëtu'un jyayaj'ënëmaay, mëti'ipë ënety ja Wintsën kë'ëm të kyexyën, tääts tyëjkëy mëët tsiptuunpë jam Meguido,