Zacarías 12:1 - Biblia Dc en Mixe de Quetzaltepec

¹ Ya'atë aaw ayuk yë'ë yë Wintsën tyuknikäjx yë Israel kajpn. Yë Wintsën mëti'ipë të twijtstëyën yë tsajp ets të tpëjktä'äky ma naaxwiinyëtë kyëxwäätsëtyën ets tjuukyajtënmo'oy yë ja'ay, yë'ë ënaanp:

Biblia Mixe de Quetzaltepec

¹ Ya'atë aaw ayuk yë'ë yë Wintsën tyuknikäjx yë Israel kajpn. Yë Wintsën mëti'ipë të twijtstëyën yë tsajp ets të tpëjktä'äky ma naaxwiinyëtë kyëxwäätsëtyën ets tjuukyajtënmo'oy yë ja'ay, yë'ë ënaanp:

Zacarías 12:1 ပူးပေါင်းရင်းမြစ်များ

Isaías 42:5

Ja Wintsën mëti'ipë ja tsajp yajkojën ets twijtstëëy, mëti'ipë ja naaxwiinyëtë yajkojën ets tëkokyë mëti'ipë juukyajtpën ma yë'ëjën, mëti'ipë yajjuuky'äjtypyën ja ja'ay mëti'ipë wyintsëna'ayëtyëpën yë naaxwiinyëtë, jëtu'un t'ënëëmë ja tyuunpë.

Jeremias 51:15

Yë Wintsën mëët yë myëk'ajtën ojts tyajkojy yë naaxwiinyëtë, mëët yë këpetyajtën ojts tyajta'tspëky yë naaxwiinyëtë ets mëët yë wyijy'ajtën ojts twijtstëy yë tsajp.

Isaías 57:16

Ëjts ka'apës xëmë nnaax nkajpn yë pyoky ntukwinmëtowa'any, ets ka'apës xëmë ntukjoot'anpëka'any; këtiipë ja'ay myontëty tyuktëty mëti'ipës të nyajkojyën.

Hebreos 12:9

Näyjyëtu'un ko të nmutsk'ajtëm, tëë ja nteety'ajtëm yaa naaxwiiny xywyijtswinpijtën ets tëë nwintsë'këm. ¿E tii ko nkawintsë'këmëty ja Dios, mëti'ipë tsajpjotmën? Wä'än xywyijtswinpijtën ets npatmëty ja juukyajtën.

Isaías 48:13

Mëëtës yë nkë'ë ojts nyajkojy yë naaxwiinyëtë, ets näjyëtu'un nwijtstëëyës yë tsajp; koos ojts ntukmëkajpxtë yë xyëëwëty, tääts yu'kxpëjktë.

Isaías 44:24

Jëtu'un yë Wintsën y'ënä'äny mëti'ipë të myajtso'okyën ets të myajkojyën ma ënety ka'anëm mminyën naaxwiiny: Ëjts mijts xyWyintsën'ajtp, mëti'ipë winë të tyajkojyën, ëjts nwijtstëëw yë tsajp ets ëjts ojts nyajkojy yë naaxwiinyëtë, ni pënës ojts xykyaputëkë.

Eclesiastés 12:7

Kom ok, naaxway jatëkok y'awinpity ja jot nini'kx, e ja jot ja'awën jam jatëkok wyimpity ma Tiosën, mëti'ipë jot ja'awën yäjkpyën.

Génesis 2:7

Paaty yë Wintsën ojts tu'uk yë naaxwiinyëtë ja'ay tyajkojy. Naax ojts yi'iyë t'oytyuunkojy, tä tjëjpmëpixëy ets tmooy jëtu'un ja jyuukyajtën. Jëtu'un ja naaxwiinyëtë ja'ay ojts jyuukpyiky.

Ezequiel 18:4

Aak ëjts njä'ä'ajtyp yë naaxwiinyëtë ja'ay, näjyëtu'un yë teety taak ets u'unk ëna'k. Mëti'ipë pokytyuunpën yë'ë ookaanp.

Jeremias 38:16

E ja Sedequías yajkutujkpë ame'tsyë ojts tatskmëkajpxë ja Jeremías ets t'ënëmaay: Yë Wintsënës yë xyëëw ntukkajpxypejtypyës ko ka'ap mijts ni'ënä'ämëja'any, ka'ap pën myaj'ookëtëty ets ka'ap nkë'ëyaka'any ma ja ja'ayëtyën mëti'ipë ënantëpën ko m'ookëty.

Jeremias 30:16

Je'eyëp tëy ko pën ëxaty mtunëtëty, ëxëëk jyata'any, tëkokyë yë mmëtsiptëjk nëjkxta'ajantëp tsumy matsy wiink naax wiink kajpn, yajpëjkëtya'ajantëp mëti'ipë të mpëjkëtyën ets yajmä'tsta'ajantë mëti'ipë të mmäätsëtën.

Job 26:7

Dios të twijtstëy yë tsajp ma ka'ap tiijën ets të tkëxjeny yë naaxwiinyëtë ma ka'ap tii yajpaatyën.

Jeremias 10:12

Yë Wintsën jä'ä ojts tyajkojy yë naaxwiinyëtë mëët yë myëk'ajtën, mëët yë wyijy'ajtën tyajta'tspëjky, mëët yë kyëpetyajtën twijtstëëy yë tsajp.

Isaías 51:13

¿Wä'än jëtää xyjyä'äytyëkoyëty ja mWintsën mëti'ipë të myajkojyën mëti'ipë ojts yë tsajp twijtstëyën ets tyajta'tspëjkyën ja naaxwiinyëtë? ¿Tii je'eyën xëmë mtsëyuyä'änyë janaam jatsojk, ko ëxëëk mtunyë ja kumeenyjyä'äytyëjk, mëti'ipë jëjp'ixy yajpatëpën ets myaj'ooka'anyë?, ¿Maajën të nyijkxy ja m'ëwa'an'at?

Isaías 45:18

Mëti'ipë ja tsajp yajkojën, mëti'ipë Tios'ajtpën ets Wintsën'atpën, mëti'ipë yajkojën yë naaxwiinyëtë ets yajxon tyaj'o'oyëtyääy ets tyajta'tspëjktaay, ojts tuknipëjktaakë këtiipë winwa'ats y'itëty, yë'ëkyëjxm të tyajkojy ets twin'it twintsëënëtëty mëti'ipë juuky'ajtëpën, tääts të y'ënä'äny: Ëjts jëtu'un nätyu'uk Wintsënajtp ets ka'ap maa wiinkpë.

Isaías 45:12

Ëjts të nyajkojta'ayës tëkokyë yë naaxwiinyëtë ets naaxwiinyëtë ja'ay. Nkë'ë n'aawës mëët të nwijtstëyës yë tsajp ets të n'ënä'ämta'ayës ja xëëw, po'o ets ja mëtsa'a.

Isaías 40:22

Yë Dios jam yë kyutujktakn tmëëtëty ma naaxwiinyëtë ja nyiwits nyijuuxën, yë'ë wa'ats t'ixy tuny yë naaxwiinyëtë ja'ay tä yaj'ixyën yë pujtpë. Jëtu'un yë tsajp tyä'ptëy tä ja'ay wit tyä'ptëyën, jëtu'un twijtstëy tä ja'ay tëjk nikäm twijtstëyën.

Isaías 40:12

¿Pën jëtää yë mëjmejy të t'ëk'atsa'tëpë, ëkë yë kyë'ëwa'axy mëët të t'ëkkijpxpë yë tsajp? ¿Pën jëtää yë naaxway të t'ëk akijpxnajxpë jënu'un jye'emtyëtyën, ëkë të t'ëk kijpxtääpyë jënu'un jye'emtyëtyën yë tun kopk?

Salmos 104:2

yë mtë'kxën mjajën këjääpaat tukjajëtyä'äy winë. Jëtu'un yë tsajp të xypyëjktä'äky tä ja'ay wit tyä'ptëyën.

Malaquías 1:1

Ya'atë aaw ayuk ojts yë Wintsën tukmëmëtyä'äky yë Israel kajpn, mëti'ipë tyukmëtoowën yë Malaquías, käjpxynyajxpë.

Zacarías 9:1

Ya'atë ojts tkäjpxy yë Wintsën, yë'ë yajtuknikäjxtë ja aaw ayuk yë Hadrac kajpn ets naax kajpnëty mëti'ipë yë Damasco nyitënääpyën: Yë naax kajpnëty mëti'ipë yë Sirië nyitënääpyën yë'ë yë Wintsën kyajpn niwäämpy, jëtu'un tä yë Israel kajpnën.

Joel 3:21

Yë'ë tëy yë mëti'ipë yë Judá ja'ayëty të tuuntëkoytyën ka'apës nimä'kxa'any.

Joel 3:19

Xit ko'ow yë Egiptë jyata'any e yë Edom anë'ëk tëëtsë'ëk y'awinpita'any, jä'ä ko ojts ëxëëk tuntë Judá ja'ayëty ets jam kyajpnjotmëty ojts tyaj'ooktë ja'ay mëti'ipë ka'ap tii poky tmëëtëtyën.

Lamentaciones 2:14

Ja wiinkëma'ay mëti'ipë ja mkäjpxynyajxpëtëjk ojts mtuk'ëwa'anxëtën nëkoo ojts je'eyë mwin'ëënyë. Ka'ap ojts tkajpxkëxë'ëktë ja mpoky këtiipë ja mjuukyajtënëty y'oyëtëty, nëkoo ojts mtukwinwanëty oypyë juukyajtën ets ojts mtukmëpëkyë.

Jeremias 50:34

E mëti'ipë yaj'ëwaatsëpëtsëëmpën, mëk yë'ë, jä'ä xyëëwajtyp Wintsën mëti'ipë maaytyääyëpën winë. Yë'ë paye'eyën tyunäämpy; yajminäämpy ja jotkujk'ajtën ma naax kajpnën ets tëytyuna'any ja Babilonyë kajpn.

Jeremias 30:10

Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Job 37:18

¿Mputëjkëp mijts yë Dios ko yë tsajp twijtstëyë ets ta'tspëky xyajwë'ëmëty tä jeexyë jam yë pujxn xykyëxwopyënë?

Génesis 1:8

Ja niwits nijuux jä'ä tyajxëëwpejty tsajp. Jëtu'un ojts ja mäjtsk xëëwpë kyä'pxy.

Salmos 134:3

Wä'än yë Wintsën mkënu'kxëtë jam ma Sión kopkën mëti'ipë yajkojën yë tsajp ets naaxwiinyëtë.