Zacarías 11:9 - Biblia Dc en Mixe de Quetzaltepec

⁹ Ets të n'ënëëmëtës ja kupixynyëty: Ëjts ka'apës miitsëty n'ëkëwent'atanëtë. Pën nitu'uk miits m'ooka'antë, oy m'ooktëty. Pën myaj'o'këtëp, wä'än myaj'ookëtë. E mëti'ipë juuky jaakwë'ëmtëpën, nixim niyam mjaak nätsyu'utsëtëty.

Biblia Mixe de Quetzaltepec

⁹ Ets të n'ënëëmëtës ja kupixynyëty: Ëjts ka'apës miitsëty n'ëkëwent'atanëtë. Pën nitu'uk miits m'ooka'antë, oy m'ooktëty. Pën myaj'o'këtëp, wä'än myaj'ookëtë. E mëti'ipë juuky jaakwë'ëmtëpën, nixim niyam mjaak nätsyu'utsëtëty.

Zacarías 11:9 ပူးပေါင်းရင်းမြစ်များ

Jeremias 19:9

Ëjts nyajkutukäämpy ets ja ja'ay tsu'utstëty ja kyë'ëm u'unk kyë'ëm ëna'k, ye'etyëjkpë to'oxytyëjkpë; nixim niyam nëjkx nyätsyu'tsënëtë ko ënety o'ktëy jyajnëtë ets kyëjxtaaynyë ja jë'kxy pëky mëët ko ja myëtsip të yajnatukëtë.

Jeremias 23:33

Mijts Jeremías, pën tu'uk kukajpn ëkë tu'uk käjpxynyajxpë ëkë tu'uk teety myajtëyë: ¿Tii yë Wintsën të t'akäjpxy? Jëtu'un xy'ënëëmëty: Yë Wintsën jëtu'un y'ënä'äny ko miitsëty jëtu'un ma Wintsënën mnaxtë tä jeexyë mtsëëm'itëtën, je'eyëp ko yë'ë tëë tuknipëjktaakë ko tääpë tsëmy t'ixjëpipa'any.

Jeremias 23:39

jëtu'un miitsëty nyajpëtë'ëka'antë tä tu'uk yë tsëmy kë'ëyën, mëët ja naax kajpn mëti'ipës ja m'aptëjk njamooytyën ets jëkäm nnajtsjëpipëja'antë.

Jeremias 43:11

Ko ënety yë'ë myiny, nëjkxëp tyajkutëkooytyä'äy yë Egiptë kajpn. Mëti'ipë të nyitukëtën y'ooktëty, nëjkxëp y'ooktë; mëti'ipë të nyitukëtën yajmënëjkxtëty tsumy matsy wiink naax wiink kajpn, nëjkxëp yajmënëjkxtë tsumy matsy wiink naax wiink kajpn ets mëti'ipë ënety të nyitukëtën y'ooktëty tsipjoty, tsipjoty nëjkx y'ooktë.

Ezequiel 5:10

Ma miitsëtyën nëjkxëp yë taak teety yë y'u'unk y'ëna'k tsu'utstë, yë u'unk ëna'k nëjkxëp yë tyaak tyeety tsu'utstë. Ntukumëtowäämpy yë mpoky ets mëti'ipë juuky jaakwë'ëmtëpën taxkpëkyës nyajye'eywya'kxa'any.

Oseas 4:6

Yë nnaax nkajpnës ka'apës xy'ix'aty paaty të kyutëkoy. Ets mijts teety, mëët ko të xy'ixtijy ja nija'awënës ntëyajtënës, n'ixtijpy yam näjyëtu'un ma teety'ajtkën. Mijts, mëët ko të xyjyä'äytyëkoy oypyë n'ijxpëjkënës mëti'ipë Dios jyä'ä'ajtypyën, nja'atyëkoyäämpyës yë m'u'unk m'ok näjyëtu'un.

Zacarías 13:8

Jawäänkakujkxwä'kxy nëjkx y'ooktë mëti'ipë yajpatëpën ma ya'atë naax kajpnën: Je'eyë nëjkx wyë'ëmtë juuky nän jawäänë kyakujkwä'kxyëty. E tääpë ënety juuky jyaakwë'ëmtën jëënjotyës nyajnaxa'antë; jëtu'unës nyajwintooywya'atsa'antë tä yë poop pujxn wyintooywyä'ätsyën, etsës nyajwa'atsa'any tä yë ja'ay pu'ts pujxn tyajwa'atsyën. Ënet nëjkx xymyëkajpxtës etsës nëjkx n'ëtsowtë. Ets nëjkx ntijtës Kajpn mëti'ipës nKajpn'ajtypyën, ets nëjkx xy'ëtsowtës: Yë Wintsën, yë'ë ëëts nTios'ajtëp. Ëjts Wintsën, ëjts ënaanp.

Mateo 15:14

Paaty n'ënëëmëtë, ëxmatstë. Jä'ä ko yë'ëjëty jëtu'un ijxtëm ja ja'ay wiintspë tu'uwinwoy ja myëwiints. Ko tu'uk ja ja'ay wiintspë tu'uwinwoy ja myëwiints, nimäjtsk muum jyutkukëtawtë.

Mateo 21:19

Ënet ojts t'ijxpaaty tu'uk ja higo kepy jam tu'upë'am ets tmëwinkoony. Nitu'uk ja tyëëm kyaka'ty, ujts aay je'eyë jam. Ënet t'ënëmaay ja higo kepy: Nijëna'a mkanäkytyëëm'atëty. E ja higo kepy ënätyë ja tyitsy.

Mateo 21:43

Paaty miits n'ënëëmëtë: Myajpëjkëjantëp ja tsajpjotmëtë kuttujkën ets yë'ë yajmo'oja'antë ja kajpn mëti'ipë ja pëjktä'äky oy yajpëtë'ëkëpën.

Juan 12:35

Ënet ja Jesús y'ënëmaayëtë: Jaakyajpaataanp jawäänë ja të'kxën jajën ma miitsëtyën. Naxtë tëkëtë jaaktäänëm ja të'kxën jajën xymyëët'atë ets këtiipë ajotkumonë mkukootsëtëty. Mëti'ipë tu'uye'epyën akootstum ka'ap nijawë maa nyijkx.

Juan 8:21

Ënet ja Jesús t'ënëmaaykyojnëpë ja mayjyä'äy: Nëjkxpës ets miits xy'ixta'aja'antës, je'eyëp ko mku'ookëjantëp miits ja mpokyëty. Maas nnëjkxyën, ka'ap tjëkyepy jam mnëjkxtëty.

Juan 8:24

Paaty miits nëëmëtë ko mku'ookëjantëp ja mpokyëty; jä'ä ko, pën ka'ap miits xymyëpëktës, më'ookëjantëp ja mpokyëty.

Apocalipsis 22:11

Pënjaty ëxëëk ja'ay'ajtëpën, wä'än tjaaktimtyuntë ja ëxëëkpë; mëti'ipë ja ëxëëk winma'any myëët'ajtëpën, wä'än tjaaktimyëët'atë ja y'ëxëëk winma'any; ets mëti'ipë ja oypyë tyuuntëpën, wä'än tjaaktimtyuntë ja oypyë; mëti'ipë ja wa'ats jot wa'ats winma'any myëët'ajtëpën, wä'än wa'ats ja jyot wyinma'any tjaaktimyëët'atë ma Tiosën.