Zacarías 11:5 - Biblia Dc en Mixe de Quetzaltepec

⁵ Yë ajuupyëtëjkëty ko tyaj'ooktë ja kupixyny nitiipa'ëyo'owën tkamëët'atë ets mëti'ipë ato'ktëpën jëtu'un y'ëna'antë: Yajkukajpxëp yë Wintsën ko xyajkumeenytyä'äkyës. Yë'ëpaat yë mëti'ipë kupixyny këwent'ajtëpën ninu'un tkapa'ëyowtë yë kyupixynyëty.

Biblia Mixe de Quetzaltepec

⁵ Yë ajuupyëtëjkëty ko tyaj'ooktë ja kupixyny nitiipa'ëyo'owën tkamëët'atë ets mëti'ipë ato'ktëpën jëtu'un y'ëna'antë: Yajkukajpxëp yë Wintsën ko xyajkumeenytyä'äkyës. Yë'ëpaat yë mëti'ipë kupixyny këwent'ajtëpën ninu'un tkapa'ëyowtë yë kyupixynyëty.

Zacarías 11:5 ပူးပေါင်းရင်းမြစ်များ

Jeremias 50:7

Ko ja myëtsip ijty pyaatëtë, poj'am yajkutëkoyëtë ets y'ëna'antë: Ka'ap ëëts npoky'ajtëmë, kë'ëm yë Wintsën të tmëtëtëkoytyë, mëti'ipë yajkaay yaj'ukëtëpën, mëti'ipë ojts ja y'aptëjk tuk'ijxpätën xëmë.

Oseas 12:8

Jëtu'un yë Efraín y'ënä'äny: Ëjts koos të nkumeenytyä'äky, jotkujk'ajtënës të npaaty; ka'ap tjëkyepy pën xytyuk'ojëtyës ets xy'ënëëmëtyës ko tëkatsyës winë të ntuny.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Ezequiel 34:21

Miitsëty mnajtstij mnajtskojtëtyëp ja mëti'ipë ëmaay paki'ixën, mwaj të xytyuknipëtë'ëktë ets të xyajkä'äktë.

Ezequiel 34:10

mëti'ipë yam ëjts Wintsën miitsëty ntukmëmëtya'akantëpën: Miitsëty kupixyny këwent'ajtpë, mmëtsipës yam näpyëjktä'äkyë ma miitsëtyën ets yë'ë yam ntukpatëkëjantëp ja nkupixynyës; mpëjkëjantëp yam ja tuunk ma mkupixynykyëwent'atën, këtiipë kë'ëm mtsyätynyäkyëwent'atëtëty; mpëjkëtya'ajantëp yam yë nkupixynyës këtiipë xytsyu'tsta'atëty.

Ezequiel 34:6

Jëtu'unyë jam aayjyotm ujtsjotm ets jam kopkëjxm të ye'eywya'kxta'atë, xiitsow yaatsow të kyuye'eyëtya'atë ets ka'ap pën të myëmay të myëtajëtë ets të y'ixta'ajëtë.

Jeremias 2:3

Israel wa'ats ijty yajpaaty ma ëjtsën, jëtu'unës ijty njawë tä ni'ik oypyë npëjktä'äkyënës. Ko ijty pën wi'ix tyunyë, pojënës ntukumëtoy ja pyoky mëti'ipë ëxaty tuunëpën ets ntuknikexyës ja ëyo'on jotmay. Ëjts Wintsën, ëjts ënaanp.

Nehemías 5:8

etsës n'ënëmaaytyë: Ëëtsëty oyës wi'ix të nmëwinjatë etsës të nyaj'ëwaatsë pëtsëmtë ja nmëku'uktëjkëtyës mëti'ipë ënety wiinkë'ëy wiink kajpn të yajmënëjkxnëtën tsumy matsy ets juy tooky; ¿e miitsëty tääts ënät ni'ikyë ja mjëëky mëku'uk xytyookan xyakanëtë ets ënät jatëkok ëëts nyaj'ëwaatsëpëtsëmtëtyësë? Amonyë ojts tyimwë'ëmta'atë ninu'un tkanijawëtë wi'ixëtën y'ëtsowtëty.

2 Reyes 4:1

Jam ijty tu'uk yë to'oxytyëjk, yë'ë tyo'oxytyëjk tu'uk ja käjpxynyajxpë mëti'ipë ënety të y'o'knën; ënät ojts tninëjkx yë Elisejë ets tmë'ëëna'any, tä t'ënëmaay: Mijts wa'ats xynyijawë ko niye'etyëjkës tëë y'o'knë ets ko yë'ë myëtuumpy ijty yë Wintsën. E tyam, jamts ja ja'ay xëmë myiny ma ëëtsëtyën, nmënu'kxy'ajtëpës, je'eyëp ko yë'ë nimäjtskës ja nmaank xytyim pëjkëjanë ets nyätyukmëtuna'anyë.

Apocalipsis 18:13

canela, tojkx tsooy, poom, mirra, wiink pa'akxu'kxpë nëë, tsatsym nyëë, olivë on, tsajpmokway, tsajpmokpajk, tsajpkaa, kupixyny, kwaay, kepy wintëkäämpë, mëtuunpë, jaaypyaat nëjkx tooktë.

Juan 10:1

Ënet ja Jesús y'ënäny: Tëy miits nëëmëtë, pën ka'ap tyëkën ma ja kemy aawën, mä'tspë ënety ets tu'u'ëtujkpë.

Apocalipsis 3:17

Jä'ä ko mijts m'ëna'any ko mkumeenyëty, ko akujk jotkujk mjuuky'äty ets ko ka'ap nitii xyaj'ëmaaytyä'äky; ka'ap kë'ëm mnäy'ixyë ko mijts o'ktëy myajpaaty, m'ëyoop, myajmëyäjtyp winë ets mniwa'ats m'ëxwa'ats.

Oseas 12:9

Ëjts, mëti'ipë Wintsën'ajtpën, mëti'ipë mijts mTios'ajtypyën maju'unëm jap Egiptë myajpaatyën, nyajkutukäämpyës jatëkok ets wit tëjk xytyuktsëënëty, jëtu'un tä jam ojts näpyatëmën wintë'ëtstum.

Amós 2:6

Jëtu'un yë Wintsën y'ënä'äny: Yë Israel ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty nyito'ktëp yë ja'ay ka'apë tii tuuntëkoyën ets mäjtsktä'änkën je'eyë kë'ëk yajtukwin'ëëntë këtiipë tnipaye'eytyëty ja oyoopë ja'ay.