Zacarías 11:17 - Biblia Dc en Mixe de Quetzaltepec

¹⁷ Janty mon janty tuk yajpaaty yë kupixyny këwent'ajtpë mëti'ipë nyikekpyën yë kyupixyny. Wä'än jam tka'ay yë tëypyujxn ma y'a'oykyë'ëjën ets ma a'oypyë wyiinën.

Biblia Mixe de Quetzaltepec

¹⁷ Janty mon janty tuk yajpaaty yë kupixyny këwent'ajtpë mëti'ipë nyikekpyën yë kyupixyny. Wä'än jam tka'ay yë tëypyujxn ma y'a'oykyë'ëjën ets ma a'oypyë wyiinën.

Zacarías 11:17 ပူးပေါင်းရင်းမြစ်များ

1 Reyes 13:4

Ko ja Jeroboam tmëtooy wi'ix ja käjpxynyajxpë y'ënä'änyën mëëtpë ja wintsë'këntyakn jampë Betel y'ityën, ënät ja kyë'ë nëkooyë txajë'ky jam tyänë ma ja wintsë'këntyaknën ets y'ënäny: Matstë. E ja kyë'ë mëti'ipë ënety të txajtëyën jëtu'unyë ojts wyi'imy ka'ap t'ëkjëkyäjpnë t'otsëty.

Isaías 29:10

Yë Wintsën tëë mtuknikäxëtë tsuu ma'ay. Yë käjpxynyajxpëtëjk yë'ë ja'ay tyukjotkujk'ajtëp je'eyëp ko jëtu'un yë Wintsën të tyunëtë tä jeexyë wit të yajtukwinkuwitsëtën.

Isaías 44:10

Mëti'ipë ja'ay awinax yajkojpyën ets yë'ë t'ëwtata'any tä jeexyë Tiosëtyën, nëkoopë xyëëw tsyuu tyajtëkoy.

Isaías 9:15

Ja këpajk, yë'ë ja mëjja'aytyëjk ets ja kopktëjkëty yaj'antijtëp, e ja pi'ixy yë'ë ja käjpxynyajxpëtëjk yaj'antijtëp mëti'ipë je'eyë antaktëpën.

Jeremias 22:1

Jëtu'unës yë Wintsën të xy'ënëëmë: Nëjkx jam ma yajkutujktaknën ets xynyikajpxëty ya'atë aaw ayuk

Jeremias 23:1

Jëtu'un yë Wintsën y'ënä'äny: Janty mon janty tuk yajpaatë yë kupixyny këwent'ajtpë mëti'ipë nyäy'ijxtëpën ko ye'eytyëkoy yë nkupixynyës.

Jeremias 23:32

Mëtsipës nnäpyëjktä'äkyë ma tääpë käjpxynyajxpëtëjkëtyën mëti'ipë nyimëtyaktëpën ja tsuu kuma'ay ka'apë myëtëyëtyën; mëti'ipë yajwa'kxtëpën ja nnaax nkajpnës ko je'eyë twin'ëëntë. Ëjts ka'apës wi'ix të n'ënëëmëtë ets ka'ap y'ëjtsëty të nkäxtë, paaty yë'ëjëty ka'ap tjëkyepy nnaax nkajpnës tputëkëtëty. Ëjts Wintsën, ëjts ënaanp.

Ezequiel 13:3

Janty mon janty tuk yajpaatë yë käjpxynyajxpëtëjkëty mëti'ipë kyë'ëm winma'any nyikajpx nyimëtyaktëpën nitsuu nipoj ets ka'ap tii twinkëma'atë.

Ezequiel 34:2

Mijts ye'etyëjk, mëmëtya'ak ëjts nxëëwkyëjxmës yë ja'ayëty mëti'ipë tu'uwinye'eytyëpën, tä kupixyny këwent'ajtpën ma Israel ja'ayëtyën, jëtu'un xy'ënëëmëty: Jëtu'un yë Wintsën y'ënä'äny: Janty mon janty tuk yajpaatë yë kupixyny këwent'ajtpëty mëti'ipë jamëtyën Israel, mëti'ipë kë'ëm näkyëwent'ajtëtëpën. Yë'ë jeexyë kyëwent'ajtëp yë kupixyny.

Zacarías 10:2

Tä yë ja'ay mëti'ipë ënantëpën ko tëë yë awinax myëkajpxëtë nëkoopë yë'ëjëty nëkoopë wyin'ëëntë, ka'ap myëtëyëty y'ëna'antë yë najtsja'apëtëjkëty ko winë t'ixtë. Ko tii t'akajpxtë nëkoopë je'eyë wyinkuma'atë, yë y'aaw y'ayukëty ka'ap tii jotkujk'ajtën tyäky. Paaty yë naax kajpn jëtu'un yajpaaty tä tu'uk yë kupixynyën ka'apë wyinye'epyën ets o'ktëy jyäty kyëpety mëët ko ka'ap pën tmëët'aty mëti'ipë tu'uwinwowëtëpën.

Zacarías 11:15

Tä ja Wintsën xy'ënëmaayës: E mijts jëtu'un tyam näpyëjkta'akët tä tu'uk yë kupixyny këwent'ajtpën mëti'ipë ka'ap oytyunyën.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Mateo 23:16

Mon tuk miitsëty myajpaatë, mëti'ipë jëtu'un ja'ay'ajtëpën tä wiints winye'epyën; mëti'ipë ënantëpën: ko pën nyäwyaantä'äkyë je'eyë ma tsajptëjkën, ka'ap yë jëtu'unpë tyuny; ënät tëy ko twaantä'äky yë pu'ts pujxn jap tsajptëkoty, ënät tëy tjanty xyëëwaty ko wyaantä'äkyëty.

Juan 12:40

Tëë ja Dios yajwë'ëmëtë winpi'its kukoots ets wyinma'anykyukëxëtëty, këtiipë y'ixtëty ets jyä'äkyukëtëty, ets jëtu'un ka'ap ja jyot wyinma'any tyajkwinpitëty ma ëjtsën, ets ka'ap nyajtso'oktëtyës.

Juan 9:39

Tääts ja Jesús y'ënëmaayë: Yë'ëjës të niminy naaxwiinyëtë etsës ja ja'ay mëtëy nipaye'eyëty; nyaj'ijxpëka'anyës mëti'ipë wiintsën ets nyajwiintsëja'anyës mëti'ipë ijxtëpën.

Romanos 11:7

¿Wi'ix ënät njaak'ëna'anmëty? Ja Israel ja'ayëty ka'ap të tpaatë mëti'ipë të tja'ixta'atën, yi'iyë mëti'ipë ja Dios të wyin'ixëtën të tpaatë. Ja wiinkëtypë je'eyë ojts kyujuunta'aktë,

1 Corintios 8:4

Mëëtpë ja winma'any ko ja kääky uuky yajjë'kxy mëti'ipë ënety të yajtukwintsë'ëkën ja awinax, ëëtsajtëm wa'ats nnija'awëmë ko ya'atë awinax ka'ap tii mëk'ajtën tmëëtëty yaa naaxwiiny ets nija'awëm ko tu'ukyë ja Dios je'eyë.

1 Samuel 2:31

Tim miimp jajëmëjt jëna'ajës nyaj'atëkoyä'änyën mijts ja mkutujkën ets ja m'ap m'okëty ja kyutujkënëty, yë m'u'unk mto'oxytyëjk nitu'uk nëjkx kyamëja'ayëtë.