Zacarías 11:14 - Biblia Dc en Mixe de Quetzaltepec

¹⁴ Ënet ja mëmäjtskpë ja tajk ojts ntuktëjës, mëti'ipë xyëëwajtypyën Tu'ukmukyëajtën, jëtu'un ojts y'atëkoy ja näyjiiky'at näymyëku'uk'atë ma ja Israel ja'ayëtyën mëët ja Judá ja'ayëtyën.

Biblia Mixe de Quetzaltepec

¹⁴ Ënät ja mëmäjtskpë ja tajk ojts ntuktëjës, mëti'ipë xyëëwajtypyën Tu'ukmukyëajtën, jëtu'un ojts y'atëkoy ja näyjiiky'at näymyëku'uk'atë ma ja Israel ja'ayëtyën mëët ja Judá ja'ayëtyën.

Zacarías 11:14 ပူးပေါင်းရင်းမြစ်များ

Isaías 9:21

Ja Manasés ja'ay nyipëtë'knëtëp ja Efraín ja'ay, ja Efraín ja'ay nän nyipëtë'knëtëp ja Manasés ja'ayëty ets yë'ëjëty tëë näjyëtu'un tnipëtë'ëktë ja Judá ja'ayëty. Ja Wintsën kä'äpyëm jyotxeemy, je'eyëm ja ëyo'on jotmay tyajkëtä'äky.

Santiago 3:16

Ko ja'ay tii nyätyukmëku''oy'ixëtë ets aak mëj nyäyajnaxa'anëtë, xit ko'ow je'eyë nyäyajjatëtë ko ëxëëk winë tuntë;

Santiago 3:14

E pën miitsëty je'eyë mnämyëtsip'atëtë, mnäyajjoot'anpëkëtë ets tsipkyëjxm winë xytyuntë; ko jëtu'un m'ëtë'ëtstëty tii mjanätyukmëjjawëtëp, ja tëyajtën ënety mkawinkutsëkëtyëp.

Gálatas 5:15

Ko aak miitsëty kë'ëm mnäykyäy mnätsyu'utsëtë ijxtëm ja tënë'k nyätsyu'uts nyäwyëtsëtën winpity atëjy, kë'ëm nëjkx mnäyajkutëkoyëtë.

Mateo 24:10

Nimay nëjkx ja ja'ay jää t'ëxmatstë ja myëpëjkën ets nyäkyë'ëyakëtëty ets nyämyëtsip'atëtëty nixim niyam.

Zacarías 11:9

Ets të n'ënëëmëtës ja kupixynyëty: Ëjts ka'apës miitsëty n'ëkëwent'atanëtë. Pën nitu'uk miits m'ooka'antë, oy m'ooktëty. Pën myaj'o'këtëp, wä'än myaj'ookëtë. E mëti'ipë juuky jaakwë'ëmtëpën, nixim niyam mjaak nätsyu'utsëtëty.

Zacarías 11:7

Ënätës ojts mëk nkëwent'aty ja kupixyny mëti'ipë ënety të yajtuknipëjktaakëtën y'ookëty. Yë'ëkyëjxmës jëtu'un të ntuny jä'ä ko ajuupyëtëjkëty ka'ap ënety t'ëkpa'ëyoownëtë ja kupixyny. Ënätës të n'ixta'ay mäjtsk yë tajk: Tu'uk nxëëwmooyës Oypyë Juukyajtën, ets tu'uk nxëëwmooyës Tu'ukmukyëajtën.

Isaías 11:13

Ka'ap nëjkx ja Efraín ja tsyip y'äkë t'ëkmëët'ajnë, ja Judá nëjkxëp ja jyoot'an xyä'ämnë; Efraín ka'ap nëjkx t'ëktukjoot'anpëjknë yë Judá, e yë Judá ka'ap nëjkx t'ëk'ëxëëk'ijxnë yë Efraín.

Zacarías 11:6

Näyjyëtu'unës ëjts ka'apës mpa'ëyowa'antë yë ja'ayëty mëti'ipë yaa tsënaaytyëpën ma ya'atë naax kajpnën, ni'ikyës nkë'ëyajkta'aja'antë ma jyiiky myëku'ukëtyën ets ma kyutujkpëtëjkëtyën. Ets yë'ëjëty tyajkutëkoya'antë yë naax kajpn ets ni pën nkayajtso'oka'anyës ma kyë'ë y'aawëtyën. Ëjts Wintsën, ëjts yam ënaanp.

Ezequiel 37:22

Mëët yë'ëjëty nyajkojäämpyës tu'uk yë naax kajpn ma ya'atë it naaxwiinyëtën, ma Israel kopkën ets nëjkxëp tmëët'atë tu'uk yë kyutujktakn. Ka'ap nëjkx y'ëknäwya'kxënëtë mäjtskpëky ets ka'ap nëjkx mäjtsk yë yajkutujkpë t'ëkmëët'ajnëtë.

Marcos 3:24

Ko tu'uk ja naax kajpn nyäpyëjkwa'kxëtëty, ka'ap oy ja mëk'ajtën tmëët'atëty,