Zacarías 10:8 - Biblia Dc en Mixe de Quetzaltepec

⁸ Nëjkxëpës nyaxtsowtë ets nyajtu'ukmuka'antës, jä'ä ko ëjtsës të nyajtso'oktë. Nimay nëjkx y'itë tä ijty tëëyëpën.

Biblia Mixe de Quetzaltepec

⁸ Nëjkxëpës nyaxtsowtë ets nyajtu'ukmuka'antës, jä'ä ko ëjtsës të nyajtso'oktë. Nimay nëjkx y'itë tä ijty tëëyëpën.

Zacarías 10:8 ပူးပေါင်းရင်းမြစ်များ

Isaías 5:26

Tëë ja Wintsën tu'uk ja wit wintëy tpëjktä'äky ets të tmëkajpxmuky ja naax kajpn ka'apë tkajpnëtyën; jëkäm të tyajtsoony ets të tyajminy. Poj'am myina'any, ka'ap pyo'oxa'any;

Isaías 7:18

Yë Wintsën jëtu'un tyajmina'any ja mayjyä'äy tä maypyujtpë ëkë may cerë jëyujk muum jyä'tyën, jap tyajtsoona'any Egiptë ets Asur.

Jeremias 33:22

Yë ntuunpës David yë y'u'unk y'ok ets Leví y'u'unk y'ok mëti'ipës xypyukë'ë xypyuwijtsëpën, yajxonës nyajnimayëja'antë tä mëtsa'a yaj'ixyën jam tsajpjotm ets tä yë nëë ajinën mejypyë'aaypyë kyëxë'ëkyën, mëti'ipë ni pën kyamayëtëty tmëtsyowëty.

Oseas 1:10

Pyatäämpy ja xëëw po'o ma Israel ja'ay nyimay'ata'antën jinën, ni pën kyamayëtëty tkijpxëty ets tmëtsyowëty. Ets ka'apës nëjkx n'ëk'ënëmaaynyëtë: Miitsëty ka'ap nkajpn'atë, jä'ä nëjkx yë Dios y'ënë'ëmxëtë: Miitsëty yë'ë Dios juukpyë m'u'unk'ajtëtëp.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Mateo 11:28

Nimiintëkës ni'ëmukë mëti'ipë të y'ënu'kxëtën mëët ja tuunk ets ja tsëmy kë'ëy, ëjts miits nyajpo'kxantëp.

Zacarías 9:11

Jëtu'un yë Wintsën y'ënä'äny: Jerusalén, mëët ja käjpxytyu'unën mëti'ipë ja ne'pny myë'ijtypyën, njuutäämpyës jap nëëjutjoty yë ja'ayëty mëti'ipë jap tsumy matsy ijtëpën.

Isaías 51:11

Jëtu'un nëjkx wyimpitë mëti'ipë ënety mijts të xyaj'ëwaatsëpëtsëmyën ets nëjkx kyajpntëkëtë xoontä'äky jam Sión, mëët ja ëy yä'äxy; jam nëjkx yaj'ixtë wyiinkëjxm jyëjpkëjxm ko ënety jotkujk yajpaatë; akujk jotkujk nëjkx y'itë, ka'ap yuu pa'am tmëët'ata'antë, ets ja jë'ëyën yaxën jëtu'unyë nëjkx tyëkooytyä'äy.

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

1 Reyes 4:20

Judá ets Israel, aak mëj aak këjääjëty ënety tmëët'atë ja nyaax kyajpnëty, ka'ap tjëkyepy nmëtsyo'owmëty; jëtu'un ja jyä'äyëty nyimay'ajtë tä nëë ajinën. Ma tääpë kajpnëtyën jë'kxy pëky ka'ap ënety y'ëmaaytyä'äky, aak akujk jotkujk ja ja'ay yajpaatë.

Éxodo 1:7

Yë Israel ja'ayëty janty nimayëty yë y'u'unk y'ëna'k myiintë naaxwiiny naaxkëjxy, jëtu'un'äämpy ojts yajxon nyimayëtë ets y'awinpijtë tu'uk mëj kajpn jap Egiptë ets mapaat yë Egiptë kajpn tnitänën yë naax kam, aakyë'ë ënety yë Israel ja'ayëty yajpatnëtë oymyaajëty.

Apocalipsis 7:9

Ko jëtu'un y'ëkjajty, ënätës n'ijxy ja nimayjyä'äy, mëti'ipë tso'ontëpën wiink naax wiink kajpn ets wiink aaw wiink ayuk kyajpxtëp. Jam tyänëtë ma ja kutujktaknën ets ma ja Kupixynyën, nimay yajxon ka'ap tjëkyepy nmëtyo'owmëty. Poop xoxyëty, kum aay myënëjkxtëp.

Isaías 7:19

Aak jap nëjkx kyukäkëtya'atë muum wokjoty, aankjoty, ujtsjoty, äpnyoty, ets jam muum ma aayjëyujk ujtsjëyujk nyëë'uuktën.

Isaías 48:20

Käkpëtsëmtë jam Babilonyë, kukä'äktë yë Babilonyë ja'ayëty. Mëk tukyaax tukjokëtë mëët ja jotkujk'ajtën, tuk'ëwaanëtë wä'än timpyënëty naaxwiinyëtë apëtsëmy: Ënëëmëtë ko ja Wintsën tëë tyaj'ëwaatsëpëtsëmy ja Jacob mëti'ipë tyuunpë'ajtypyën.

Miqueas 2:12

Nyajtu'ukmujkta'ajäämpyës yë Jacob yë nyaax kyajpn; njaakyajmukäämpyës yë Israel ja'ayëty mëti'ipë të wë'ëmtën. Jëtu'unës nyajye'eymyuka'any tä ye'eymyuktën yë kupixyny ma kemyjotmën, tä yë kupixyny ye'eymyuktën ma y'oktën ets yajmëtoy ko nyimay'atë.