Zacarías 10:3 - Biblia Dc en Mixe de Quetzaltepec

³ Paaty yë Wintsën y'ënä'äny: Tëës ntukjoot'anpëky yë kupixyny këwent'ajtpë, ntukumëtowantëpës yam yë ja'ayëty yë nyëë pyokyëty mëti'ipë tyu'uwinwoowtëpën yë nnaax nkajpnës. Yë Wintsën mëti'ipë maaytyääyëpën winë, mëti'ipë kyëwent'ajtypyën yë kyupixyny, yë Judá yë y'u'unk y'ok, yë'ë yaj'awinpitäämpy tä tu'uk mëk kwaayën mëti'ipë tsiptuunpën.

Biblia Mixe de Quetzaltepec

³ Paaty yë Wintsën y'ënä'äny: Tëës ntukjoot'anpëky yë kupixyny këwent'ajtpë, ntukumëtowantëpës yam yë ja'ayëty yë nyëë pyokyëty mëti'ipë tyu'uwinwoowtëpën yë nnaax nkajpnës. Yë Wintsën mëti'ipë maaytyääyëpën winë, mëti'ipë kyëwent'ajtypyën yë kyupixyny, yë Judá yë y'u'unk y'ok, yë'ë yaj'awinpitäämpy tä tu'uk mëk kwaayën mëti'ipë tsiptuunpën.

Zacarías 10:3 ပူးပေါင်းရင်းမြစ်များ

Ezequiel 34:2

Mijts ye'etyëjk, mëmëtya'ak ëjts nxëëwkyëjxmës yë ja'ayëty mëti'ipë tu'uwinye'eytyëpën, tä kupixyny këwent'ajtpën ma Israel ja'ayëtyën, jëtu'un xy'ënëëmëty: Jëtu'un yë Wintsën y'ënä'äny: Janty mon janty tuk yajpaatë yë kupixyny këwent'ajtpëty mëti'ipë jamëtyën Israel, mëti'ipë kë'ëm näkyëwent'ajtëtëpën. Yë'ë jeexyë kyëwent'ajtëp yë kupixyny.

Zacarías 11:17

Janty mon janty tuk yajpaaty yë kupixyny këwent'ajtpë mëti'ipë nyikekpyën yë kyupixyny. Wä'än jam tka'ay yë tëypyujxn ma y'a'oykyë'ëjën ets ma a'oypyë wyiinën.

Sofonías 2:7

Yë Judá ja'ayëty mëti'ipë ënety të jyaak tso'oktën, yë'ë nëjkx tääpë naax kajpn tjä'ä'atë ko ënety ja Wintsën nyiminëtë ets pyutëkëja'anëtë ets jotkujk jyuuky'atëty. Jam nëjkx ja kyupixyny tkëwent'atë ets koots nëjkx pyo'kxtë pyëktë ma ja jyëën tyëjkëtyën jam Ascalón.

Jeremias 25:34

Ya'axtë kupixyny këwent'ajtpë, ya'axtë joktë mëët ja pëjkën ijxën. Jä'ä ko tëë tpaaty ja nyixëëw ma ja o'kën tëko'oyën y'ita'anyën ets miitsëty jëtu'un mmëtsip myaj'ooka'anëtë tä ja'ay tyaj'ookyën yë kupixyny.

Proverbios 21:31

Yë ja'ay ko nyëjkxa'any tsiptuunpë jëyëjp tnipëjktaakë yë kwaay; e yë Dios yë'ë y'ëwatsyp ko ja'ay myëtä'äky tsipjoty.

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

Lucas 1:68

Kënu'kxy mëjjawë yë Wintsën nyäxy, mëti'ipë ja Israel ja'ay Tyios'ajtëpën, Jä'ä ko tëë tniminy ja nyaax kyajpn ets tyajnitso'oka'any.

Rut 1:6

Kom ok ja Noemi ojts nijawë jam Moab, ko ma ja kyajpnën tëë ënety ja yuu xëëw nyajxnë.

Éxodo 4:31

Ja ja'ayëty ojts jëtu'un tmëpëktë ja käjpxy mëtyä'äky ets tnija'awëtyë ko ënety ja Dios myëmay myëtajëtë ets ko ënety tëë t'ixy tnijawë wi'ix y'ëyowtë jyotëkoytyën, tä tyaj'ijxëtë ja näywyinkutsë'kën ko nyaaxkoowtë jëtu'un tä jeexyë yë Dios t'ëwtatën.

Sofonías 1:8

Jëtu'un yë Wintsën y'ënä'äny: Ma ënety ja wintsë'kën yajyäkyën jääjës ntëytyuna'any ja wintsëntëjk, yë yajkutujkpë y'u'unk y'ëna'k ets tëkokyë mëti'ipë tëkatsyjyäty yë wyit pyëjktaktëpën

Jeremias 50:6

Yë nnaaxës nkajpnës jëtu'un ënety yajpaatë tä maykyupixynyën mëti'ipë të tyu'utëkoytyën, mëti'ipë ka'ap këwent'ajtpë oy të kyëwent'atëtën ets të ye'eywya'kxta'atë jam ujtsjotm. Ko jyatsoontë ma jam yajpaatën, wiinktsow nyëjkxtë ets ka'ap jya'të ma y'ijtaknëtyën.

Jeremias 25:12

Ko ënety kyä'pxy tëkë'px majk jëmëjt, jääjës yë Babilonyë yajkutujkpë yë nyaax kyajpn mpatëkëjanë yë tyëko'oyën, yë Caldeo ja'ayëty wa'atsës mpaye'eyä'äny yë nyëë pyoky ets nëjkxëpës xëmëkyëjxm nyajkutëkoy. Ëjts Wintsën, ëjts ënaanp.

Jeremias 11:22

jëtu'un y'ënë'ëmxëtë ja Wintsën mëti'ipë maaytyääyëpën winë: Mëk'äämpyës ja nëë poky npaye'eyä'äny mëti'ipë miitsëty të xytyuuntëkoytyën: yë ëna'ktëjkëty mëti'ipë yajpatëpën ma miitsëtyën, tsipjotm y'o'kta'aja'antë, e yë y'u'unk y'ëna'këty ye'etyëjkpë to'oxytyëjkpë yuu xëëw nëjkx yaj'o'kta'ajëtë.

Jeremias 10:21

Ja wintsëntëjkëty ka'ap ja Wintsën t'ixta'atë. Paaty ka'ap tii oy wyimpëtsë'ëmxëtë ets paaty jëtu'unyë të ye'eywya'kxta'atë ja kyupixynyëty, tsyajppaxëty.

Isaías 24:21

Jä'ä xëëw nëjkx ja Wintsën tëytyuny ja tsajpkëjxmëpë y'ënä'ämtën, ets ja naaxwiinypë yajkutuktën;

Isaías 10:12

Ko ënety ja Wintsën të tyajnaxy ja tsyip y'äkë ma ja Jerusalén ja'ayëtyën, tääts tëytyu'una'any ja Asiria yajkutujkpë, mëët ko ënety amëj akëjxm të jyuuky'äty.

Cantares 1:9

Mijts mëti'ipë ntsojkpyën nja'apën, jëtu'un mijts maas ëjtsën tä yë kwaayën mëti'ipë faraón yë kyepy wintëkäämpë tyukyajye'epyën.

Ezequiel 34:12

Jëtu'un tä tu'uk yë kupixyny këwent'ajtpën mëti'ipë myëmääpy myëtäjpyën yë kyupixyny ko tyëkoy'ity; jëtu'unës nmëmayä'äny nmëtaja'any yë nkupixynyës; etsës jam nyajpëtsëma'antë ma ojts nyajtskääkëtën ko kyoots'ajty ets ko jyää'ajty ja ëyo'on jotmay.

Daniel 11:32

Yë yajkutujkpë yajjotukäämpy ja ja'ayëty mëët ja oy aaw oy ayuk mëti'ipë ka'ap tmëjpëjkta'aktën ja käjpxytyu'unën, je'eyëp ko ja Dios ja nyaax kyajpn ka'ap nëjkx nyäkyë'ëyäkyë ma ënety të jyayajtsuu'ixa'antën.

Job 39:25

Je'eyë y'ëjëjy ko yë xuxn yajtukxu'uxy mëti'ipë tsip nyikäjpxypën, jëkämnëm tmëtoowpaaty ko yë tsip tyuna'anyë ets myëtoopy wi'ix yë ja'ay ënä'ämën tyäkyën ets wi'ix yya'axtën jyoktën.

Ezequiel 34:11

Ëjts Wintsën, jëtu'unës n'ëna'any: Ëjts yam kë'ëm nkëwent'atäämpy yë nkupixynyës.