Zacarías 10:2 - Biblia Dc en Mixe de Quetzaltepec

² Tä yë ja'ay mëti'ipë ënantëpën ko tëë yë awinax myëkajpxëtë nëkoopë yë'ëjëty nëkoopë wyin'ëëntë, ka'ap myëtëyëty y'ëna'antë yë najtsja'apëtëjkëty ko winë t'ixtë. Ko tii t'akajpxtë nëkoopë je'eyë wyinkuma'atë, yë y'aaw y'ayukëty ka'ap tii jotkujk'ajtën tyäky. Paaty yë naax kajpn jëtu'un yajpaaty tä tu'uk yë kupixynyën ka'apë wyinye'epyën ets o'ktëy jyäty kyëpety mëët ko ka'ap pën tmëët'aty mëti'ipë tu'uwinwowëtëpën.

Biblia Mixe de Quetzaltepec

² Tä yë ja'ay mëti'ipë ënantëpën ko tëë yë awinax myëkajpxëtë nëkoopë yë'ëjëty nëkoopë wyin'ëëntë, ka'ap myëtëyëty y'ëna'antë yë najtsja'apëtëjkëty ko winë t'ixtë. Ko tii t'akajpxtë nëkoopë je'eyë wyinkuma'atë, yë y'aaw y'ayukëty ka'ap tii jotkujk'ajtën tyäky. Paaty yë naax kajpn jëtu'un yajpaaty tä tu'uk yë kupixynyën ka'apë wyinye'epyën ets o'ktëy jyäty kyëpety mëët ko ka'ap pën tmëët'aty mëti'ipë tu'uwinwowëtëpën.

Zacarías 10:2 ပူးပေါင်းရင်းမြစ်များ

Mateo 9:36

Ko ja Jesús t'ijxy ja mayjyä'äy, tääts tpa'ëyooy ko tëë y'ënu'kxëtë ets ka'ap ja mëtakën t'ëkmëët'ajnëtë, jëtu'un tä may kupixynyën mëti'ipë ka'ap ja nyi''ijxpë nyikëwent'ajtpë.

Habacuc 2:18

¿Tii nyawa'anëty tu'uk yë awinax mëti'ipë tëë jyaa'apatëtyä'äyën? ¿Tii nyawa'anëty mëti'ipë ja'ay je'eyë tyuk'antäkpyën? Yë awinax ka'ap yë kyäjpxy; ¿wi'ix yë ja'ay tukjotkujk'atëty tääpë awinax mëti'ipë ja'ay tsyejtsypyën?

Oseas 3:4

Jä'ä ko yë Israel ja'ayëty jeky ka'ap tmëët'ata'antë yë kyutujkpëty ets mëti'ipë nikopk'atëtëp, ka'ap tyaka'antë wintsë'kën ets ka'ap t'ëwtata'antë ja tsaanipiy kënu'kxypyë, ka'ap tmëët'ata'antë yë teety wit ets awinax mëti'ipë tu'kjëën tu'ktëjk myëët'ajtëpën.

Ezequiel 34:5

Yë nkupixynyës jëtu'unyë të wyi'imy ka'ap pën kyëwent'ajtpë, tëë ye'eywya'kxta'atë ets të tsyu'tsta'ajëtë yë jëyujk.

Jeremias 27:9

Paaty n'ënëëmëtë këtii nëkoo xymyëpëjkëtëty yë y'aaw y'ayuk tääpë käjpxynyajxpëtëjkëty, najtsja'apëtëjkëty ets ja'ayëty mëti'ipë yajkuma'aynyiwijtëpën; yë'ëpaat mëti'ipë kajpxpojktëpën, mëti'ipë yajmëtoopën tii t'akajpxtën mëti'ipë tunan jatanëpën; mëti'ipë ënantëpën ets ka'ap mnäkyë'ëyakëtëty ma ja Babilonyë yajkutujkpën.

Génesis 31:19

Jä'ä ënety ja Labán të tninëjkxy ja kyupixyny ets ja nyijëmk tnëkääpanë, e jam ënety muum yajpaaty ko ja Raquel ojts tmeetsy ja naaxpotsy u'unk mëti'ipë ja tyeety ijty y'ëwtajtypyën.

Ezequiel 34:8

Ëjts Wintsën, njuukyajtënës yam ntukajpxpejtyp: Tëë jëyujk kanaakjëjp tmä'tsta'atë yë nkupixynyës ets të ttsu'utstë, jä'äkyëjxm ko ka'ap tmëët'atë këwent'ajtpë. Yë nkupixynykyëwent'ajtpës ka'ap të t'ixta'atë ja nkupixynyës. Yë kupixyny këwent'ajtpë kë'ëm tyäty nyäkyëwent'atëtë ets ka'ap tkëwent'atë yë nkupixynyës.

Miqueas 2:12

Nyajtu'ukmujkta'ajäämpyës yë Jacob yë nyaax kyajpn; njaakyajmukäämpyës yë Israel ja'ayëty mëti'ipë të wë'ëmtën. Jëtu'unës nyajye'eymyuka'any tä ye'eymyuktën yë kupixyny ma kemyjotmën, tä yë kupixyny ye'eymyuktën ma y'oktën ets yajmëtoy ko nyimay'atë.

Ezequiel 21:29

Mëti'ipë mjawin'ijxtëpën ka'ap tyiyëty ets mëti'ipë mkajpxtëpën ka'ap myëtëyëty. Jam ja tëypyujxn kyëxka'aja'any ma ja yo'knëtyën tääpë ëxëëk ja'ayëty mëti'ipë je'eyë të tyuuntëkoytyën. Tyimpatyp ja nyixëëw ma yajtëytyuna'antën tääpë ja'ayëty.

Ezequiel 21:21

Tëë ja Babilonyë yajkutujkpë nyäpyëjktä'äkyë jam ma mäjtskpë ja tu'u tsyoonyën, tam t'ijxpëtsëmy wi'ix winë tunëtyën, tam t'ixta'ay tuunta'ay yë tyi'pxn, tam näjyëtu'un tyajtëy yë tyios, tam t'ixy tuny wi'ixjaty ja jëyujk määts y'ixëtyën.

Lamentaciones 2:14

Ja wiinkëma'ay mëti'ipë ja mkäjpxynyajxpëtëjk ojts mtuk'ëwa'anxëtën nëkoo ojts je'eyë mwin'ëënyë. Ka'ap ojts tkajpxkëxë'ëktë ja mpoky këtiipë ja mjuukyajtënëty y'oyëtëty, nëkoo ojts mtukwinwanëty oypyë juukyajtën ets ojts mtukmëpëkyë.

Jeremias 51:23

Mëët miitskyëjxm nyajkutëkoopyës yë kupixyny këwent'ajtpë mëët yë kyupixyny. Mëët mijtskyëjxm nyajkutëkoopyës mëti'ipë naaxtuuntëpën ets jëyujk tsajpkaa, yajkutujkpëtëjk ets wintsëntëjkëty.

Jeremias 50:17

Yë Israel kajpn jëtu'un tä tu'uk yë kupixyny tyëkoy'ityën mëti'ipë kaa papooyëpën. Yë'ë jëyëjp të myätsyë tä kaajën yë yajkutujkpë, Asiria ja'ay; ok yë Nabucodonosor, yë Babilonyë yajkutujkpë, mëti'ipë jëtu'un tä kaajën të tsyu'utsyën.

Jeremias 37:19

¿Maa ënät tyam yajpaatë ja käjpxynyajxpëtëjkëty mëti'ipë ojts y'ëna'antën ko ka'ap yë Babilonyë yajkutujkpë tnitëkëja'any ya'atë kajpn?

Jeremias 29:8

Ëjts Wintsën mëti'ipë maaytyääyëpën winë, yë Israel ja'ay Tyiosëty, ëjts ënaanp: Këtii mnätyukwin'ëënëtëty yë ja'ay mëti'ipë nätyijëtëpën najtsja'apë ets käjpxynyajxpë, mëti'ipë jam yajpatëpën ma miitsëtyën; këtii xymyëpëktëty yë kyëma'ayëty mëti'ipë nyimëtyaktëpën.

Jeremias 28:15

Ënet ja Jeremías t'ënëmaay ja Hananías: Ëkmëtoow'it yajxon mijts Hananías. Mijts ka'ap Wyintsënëty të mkexyë, paaty yë naax kajpn wiinkjaty të xy'ënëëmë ets nëkoo je'eyë xyajjotkujk'aty.

Jeremias 23:17

Mëti'ipë y'ëxëëk'ijxtëpën yë n'aaw n'ayukës, jëtu'un yaj'ëëmëtë: Aak oy winë mwinpëtsëma'anxëtë. Mëti'ipë mëët tsuuwinma'any winë tyuuntëpën jëtu'un yaj'ënëëmëtë: Ka'ap wi'ix mjata'antë.

Jeremias 14:22

¿Wä'än jëtää tyajtu'ujëty tu'uk yë tios mëti'ipë ka'ap tyiosëtyënë? ¿Wä'än jëtää kë'ëmwinma'any tsyoony yë nëë tuu tsajpjotmë? Ka'ap Wintsën mëti'ipës nTios'ajtëpën, mijts yë nëë tuu mkejxyp, mijts winë mtuuntääpy, paatykyëjxm mijts myaj'ëwxity.

Jeremias 14:13

Ënätës n'ëtsooy: Wintsën, ¿wi'ixën ko jëtu'un m'ëna'any? Yë käjpxynyajxpëtëjkëty jëtu'un y'ëna'antë ko ka'ap jyää'ata'any yë tsip ets yuu, ko mijts myakäämpy ja jotkujk'ajtën mëti'ipë winë xëëw winë kyëjxm ijtpën.

Jeremias 10:8

Aak tsuu aak nëpap yë ja'ayëty, ni pën wijyajtën tkamëëtëty. Ijxkëm pën tu'kpuxyën tyukni''ixëtë kepy.

Jeremias 8:11

Ka'ap tmëmay tmëtajtë oyës ja nnaax nkajpn o'ktëy jyäty kyëpety, xëmë je'eyë y'ëna'antë ko oy tyu'uye'ey winë ets ëxëëk jyäty kyëpety ja naax kajpn.

Jeremias 6:14

Oyës ja nnaax nkajpn nitsëtyut kutsëtyut yajpaatëty, yë'ëjëty ka'ap tii tmay tajtë; je'eyë xëmë y'ëna'antë ko oy yajpaatë ets ëxëëk jyatë kyëpätë.

Isaías 46:5

¿Pën mëët xy'ëk'ijxkijpxtëtyës? ¿Pën maaytyëp mtajtëp jëtu'un y'ixëty tä ëjtsën?

Isaías 44:9

Ja'ay mëti'ipë yajkojpyën yë awinax ka'ap nijënu'un tsyowpaaty ets ja awinax mëti'ipë yajkojtëpën nijënu'un mëj'ajtën tkamëët'aty. Mëti'ipë ja'ay awinax y'ëwtajtëpën tsuu ets winma'anytyuk jëtu'unëty, nëxi'iky tukxi'iky wyë'ëma'antë.

Job 21:34

Nëkoopë mxëëw xyajtëkoytyë koos xyajjotkujkëja'antë. Jä'ä ko miitsëty je'eyë m'ëxëëk win'ëëntë.

Job 13:4

Miitsëty ni'ikyë xynyipä'äntë ja tëyajtën mëët ko je'eyë mwin'ëëntë; jëtu'un mnäyajnaxëtë tsooyëpën ets ka'ap nijëna'a pën xyajtso'oktë.

1 Reyes 22:17

Ënet ja Micaías y'ënäny: Tëës n'ixy wi'ix axit ako'owë yajpaatën yë Israel ja'ayëty jam tunkëjxm kopkkëjxm, jëtu'un tä yë kupixynyën ka'apë pën nyiwintsënën. Ets Wintsën të y'ënä'äny: Ya'atë ka'ap pën nyitu'uwinwoopë; nikë oy ko tyimwinpijta'atëty akujk jotkujk ma jyëën tyëjkëtyën.

Jueces 18:14

Ënet ja nimëkoxpë ja ja'ayëty y'ënantë mëti'ipë ënety ojts të y'ixtë tyuntën jam Lais: ¿Mnija'awëtyëpë? ma ya'atë tëjkën tap tu'uk yë Efod yajpaaty ets kanaak yë tios, nän tap tu'uk yë kepy tsye'ëts mëti'ipë nikoyën mëët yë poop pujxn ¿Wi'ix mëpaat n'ëktu'unëmë?

Marcos 6:34

Ko ja Jesús mëët ja y'ijxpëjkpëtëjk jam jyajtë, tääts ja Jesús pyëtsiimy kepy nëëwinye'epyëjoty. Ënet t'ijxy ja mayjyä'äy ets ojts tpa'ëyoy ko jam tyänëtë ijxtëm ja kupixynyën mëti'ipë ka'ap tii nyikëwent'ajtpën. Ënet tyaj'ijxpëjktso'ony kanaakjëjp.

Jeremias 23:32

Mëtsipës nnäpyëjktä'äkyë ma tääpë käjpxynyajxpëtëjkëtyën mëti'ipë nyimëtyaktëpën ja tsuu kuma'ay ka'apë myëtëyëtyën; mëti'ipë yajwa'kxtëpën ja nnaax nkajpnës ko je'eyë twin'ëëntë. Ëjts ka'apës wi'ix të n'ënëëmëtë ets ka'ap y'ëjtsëty të nkäxtë, paaty yë'ëjëty ka'ap tjëkyepy nnaax nkajpnës tputëkëtëty. Ëjts Wintsën, ëjts ënaanp.

Zacarías 11:17

Janty mon janty tuk yajpaaty yë kupixyny këwent'ajtpë mëti'ipë nyikekpyën yë kyupixyny. Wä'än jam tka'ay yë tëypyujxn ma y'a'oykyë'ëjën ets ma a'oypyë wyiinën.

Deuteronomio 13:2

Ets jyänty y'atëwëty mëti'ipë ënety të tnikäjpxyën ets y'ëna'anëty: Mintë, tsojk n'ëwtajtëm yë wiinkpë tios, mëti'ipë miits ka'ap xy'ixy'atën, tsojk nmëjja'aw njaantyjya'awëmë yë'ë.

Isaías 41:29

Nitii tkakëjxm'atë yë'ëjëty, oy jeexyë tu'ukën. Nitii kyamayëtë tuntëty; naaxpotsy yë je'eyë mëti'ipë tukwa'atsën.

Isaías 44:25

Ëjts ka'apës nyajkutuky ets tyunëtëty jyatëtëty ja aaw ayuk mëti'ipë ka'ap y'oyëtyën, mëti'ipë të t'akajpxtën ja käjpxnyajxpëtëjkëty ka'apë tii oy tnikajpxtën; Ëjts njo'ptaayëpës ja najtsja'apëtëjk ja y'aaw y'ayukëty. Ëjts nyajkutujkpy ets ja ixpëkyjyä'äytyëjk ka'ap nyäjyä'äkyukëtëty ets mëti'ipë jyanimëtyaktëpën tsuu poj yajja'akyukëty.

Jeremias 27:10

Ijxtëm mja'ënë'ëmxëtën nëkoo je'eyë mwin'ëënëtë, je'eyëm nëjkx tsumy matsy myajmënëjkxtë wiink naax wiink kajpn ets xit ko'ow ntuunta'aja'antës ets jam m'ooktëty muum.

Jeremias 27:14

Këtii xymyëpëkëty yë y'aaw y'ayukëty tääpë käjpxynyajxpëtëjkëty ko y'ëna'antëty ko ka'ap mnäkyë'ëyakëtëty ma Babilonyë yajkutujkpën, nëkoopë je'eyë y'anta'aktë.