Zacarías 10:11 - Biblia Dc en Mixe de Quetzaltepec

¹¹ Nëjkxëp tuknaxtë yë Egiptë juukymyejy, ko ënety ja nëë o'pky n'apëjktukyës. Nyajtë'ëtsäämpyës yë Nilë nëë këkpaat; nyajma'atäämpyës tëkokyë mëti'ipë yë Asiria ja'ayëty nätyukmëjja'awëtëpën ets nyajkutëkooytya'aja'anyës yë Egiptë kyutujkën.

Biblia Mixe de Quetzaltepec

¹¹ Nëjkxëp tuknaxtë yë Egiptë juukymyejy, ko ënäty ja nëë o'pky n'apëjktukyës. Nyajtë'ëtsäämpyës yë Nilë nëë këkpaat; nyajma'atäämpyës tëkokyë mëti'ipë yë Asiria ja'ayëty nätyukmëjja'awëtëpën ets nyajkutëkooytya'aja'anyës yë Egiptë kyutujkën.

Zacarías 10:11 ပူးပေါင်းရင်းမြစ်များ

Génesis 8:1

Ënet yë Dios ojts tja'amyetsy ja Noé ets ja jëyujkëty jënu'un ënety jap yajpaatën mëët ja Noé ma kepy nëëwinye'epyën. Tääts tyajpëtsëëmy yë jëënpoj naaxwiiny ets ojts ëka'any ja nëë jyënajktsoony.

2 Reyes 2:14

Tä ojts twojpyu'kxy yë nëë mëët ja nyijän ets mëk yujk'ënany: ¿Maatën ënät ja Wintsën, mëti'ipë y'ëwtajtypyën yë Elías? Je'eyë ënety jam të twojpyu'kxta'ay, ko ja nëë nyäwya'kxë mäjtskpëky, jëtu'un ja Elisejë ojts jatëkok tuknaxy ja mëjnëë.

2 Reyes 2:8

Ënet ja Elías nyätyuknijääntutë ja nyijän ets t'axa'tsy, tääts yë'ë mëët ojts ja mëjnëë twojpyu'kxy, ënätyë ja nëëjot nyäwya'kxë mäjtskpëky ets jëtu'un tuknajxtë të'ëts wa'ats, tä jeexyë nëëwintë'ëtstuuy ye'eytyën.

Esdras 6:22

Wëxtujk xëëw tnixëëwtuuntë ja tsajpkääky ka'apë tsyooymyëëtëtyën, jä'ä ko mëjwiin ojts tja'awëkyëta'aktë ko Persië yajkutujkpë pyutëjkëy ma ja Wintsën ja tsyajptëjk ënety të kyojyën, mëti'ipë ja Israel ja'ay y'ëwtajtëpën.

Salmos 114:3

Ko ja Israel ja'ay jam myiintë ma ja mëjmejyën ojts ja mëjmejy nyäwyä'kxyë, ets Jordán mëjnëë, ixtëkë ojts nyijkxy.

Salmos 114:5

¿Tiitën të mjaty të mkëpetyë mijts mëjmejy ko nëkooyë të mkäk të mpujnë? ¿Tiitën të mjaty të mkëpetyë mijts Jordán mëjnëë, ko të m'ixtëkënëjkxy?

Isaías 14:25

Nyajkutëkoyäämpyës yë Asiria ja'ay maas ja nnaax nkajpnën ets maas yë ntun nkopkën; jëtu'unyës n'atääna'any ntuktääna'any. Yë y'ënä'ämën kyutujkën ka'ap tjëkyepy o'ktëy tunëty yë nnaax nkajpnës, yë myëk'ajtën ka'ap tjëkyepy ëxëëk tmë''ëtë'ëtsëty.

Isaías 19:16

Ja Egiptë ja'ayëty wintse'kny nëjkx y'awinpitë, tsyë'kënëtëp oytyiijëty ets tsyë'ëkëjantëp ko ja Wintsën ënety ja kyë'ë t'akojxmuky.

Isaías 43:2

Pën nëë muum mtuknaxäämpy, ëjts tam'ataanpës mëët mijts; pën mëjnëë mninaxäämpy, ka'ap mnëëji'kxa'any; pën jëën mtuknaxäämpy, ka'ap mtsa'aja'anyë; oy jënu'un ja jëën jyayäänëty, mijts ka'ap nitii mjata'anyë.

Isaías 44:27

Ëjts xymyäyëpës ntuknipëjktaakëty ets ja mëjmejy tyëtsta'ajëty ets mëjnëë wyë'ëmta'atëty nëëtuk.

Isaías 51:10

Ko ojts jëtu'un xyajjaty tä ja mëj jëyujkën mëti'ipë jap nëëjotyën ets ojts xyajnëëkutëëtsë ma ënety jap këknëëjoty y'ityën. Tu'ujën jap xyaj'awinpijty ets nyaxtëty të'ëts wa'ats ja mëti'ipë të y'ëwaatsë pëtsëmtën.

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënety jëtu'unën tä tu'uk mëj jëyujkën nëëjotypë.

Ezequiel 30:13

Ëjts Wintsën, jëtu'unës n'ëna'any: Nyajkutëkoyäämpyës yë awinax ets nyajkëxäämpyës ka'apë tiosëty jampë Menfis yajpaatën. Ka'ap nëjkx yë Egiptë t'ëkmëët'ajnë pën ënä'ämëtëpën ets tsë'ëkë mëët nëjkx xëmë yajpaaty ja naax kajpn.

Sofonías 2:13

Nyixajë'ëkäämpy yë Asiria ja'ayëty mëti'ipë jam anëkëxmtsow yajpatëpën, mon tuk tyajwë'ëma'any yë Nínive kajpn ets nëjkx anë'ëk tëëtsë'ëk tyaj'awinpity.

Apocalipsis 16:12

Tääts ja mëtëtujkpë ja tsajpjotmëtë kukäjpxy tyajtukwatsy ja y'a'ukën ma ja Efrates mëjnëëjën ets ja nëë tyitsy ets nyaxtëty ja yajkutujkpë mëti'ipë xëëwpëtsëmy tso'ontëpën.