Tito 2:15 - Biblia Dc en Mixe de Quetzaltepec

¹⁵ Ya'atë ja mëpëjkpëtëjk mtuk'ijxpëkëp, jotmëkwinkajpxë ets amëk jotmëk tkajpxëty mëtya'akëty mëët tu'kë'ëyë ja mkutujkën këtiipë pën mpäxëtëty.

Biblia Mixe de Quetzaltepec

¹⁵ Ya'atë ja mëpëjkpëtëjk mtuk'ijxpëkëp, jotmëkwinkajpxë ets amëk jotmëk tkajpxëty mëtya'akëty mëët tu'kë'ëyë ja mkutujkën këtiipë pën mpäxëtëty.

Tito 2:15 ပူးပေါင်းရင်းမြစ်များ

Mateo 7:29

jä'ä ko kuttujkën mëët yaj'ixpëky ets ka'ap jyëtu'unëty ijxtëm ja tsajptëkotyëtë yaj'ijxpëjkpëtëjkëtyën.

Marcos 1:22

Mëj'äämpy ja ja'ay t'ijxtë ko ja Jesús oy yaj'ixpëky, jä'ä ko yaj'ixpëky kuttujkën mëët, ka'ap jyëtu'unëty ijxtëm ja tsajptëkotyëtë yaj'ijxpëjkpëtëjkën.

Marcos 1:27

Mëj'ixy ja mayjyä'äy t'ijxtë ets jaxim jayam nyäyajtëëwëtë: ¿Tii jëtää ya'atë? Jempyë ijxpëjkën ya'atë ets kuttujkën mëët, ku'oypyë paat t'ëne'emy ets myëmëtoyë.

Lucas 4:36

Mëj'ixy ja mayjyä'äy t'ijxtë, ënät nyäyajtëëwëtë nixim niyam: ¿Pën tëy ya'atënë? Mëk ja ku'oypyë timmyëkäjpxy ets t'ëxmatsëty yë ja'ay, e yë ku'oypyë ënätyë jyëwä'äky ma ja'ayën.

1 Corintios 16:11

Jëtu'unts ka'ap pën xypyäxtëty. Putëkëtë miits wäänëni'ik etsës yam xynyiminëty mëët ja myëku'uktëjk, maas yam njëjp'ixtën.

1 Timoteo 5:20

Pën pokytyuuntëpën, tuknëëmë ma ja mayjyä'äyën ets ja ja'ay tsyë'ëkëtëty.

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Tito 1:13

Ets tëy ojts y'ënä'äny, paaty xywyinkukajpxëty mëk'äämpy ets tu'ukyë tmëpëktëty ja Wintsën,

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Dios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Dios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Dios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.