Tito 1:5 - Biblia Dc en Mixe de Quetzaltepec

⁵ Ko mijts ojts nyajwë'ëmy jam Creta, yë'ëkyëjxm ets xyaj'apaatëty ja tuunk mëti'ipë ënety jam apaatëjaanpën ets xypyëjkta'akëty mëti'ipë nyimëjja'ay'atëpën ja mëpëjkpëtëjk ma ye'eymyuktën, jëtu'un ijxtëm ënety të ntuknipëkyën.

Biblia Mixe de Quetzaltepec

⁵ Ko mijts ojts nyajwë'ëmy jam Creta, yë'ëkyëjxm ets xyaj'apaatëty ja tuunk mëti'ipë ënäty jam apaatëjaanpën ets xypyëjkta'akëty mëti'ipë nyimëjja'ay'atëpën ja mëpëjkpëtëjk ma ye'eymyuktën, jëtu'un ijxtëm ënäty të ntuknipëkyën.

Tito 1:5 ပူးပေါင်းရင်းမြစ်များ

1 Crónicas 6:32

Yë'ë ijty xëmë wyin'ëëp wyinyaxtëp ja Wintsën jap tsajptëkoty ma ja wit tëjkën ma näpyaatë y'ityën mëët ja Wintsën, koonëm ja Salomón ojts tkojy ja tsajptëjk jam Jerusalén, yë'ëjëty je'eyëm tyuuntë tä ënety të yajtuknipëktën.

Eclesiastés 12:9

Ko ja kë'ë ëmaaypyë tjak ni''ijxpëjkëy winë, ni'ik ojts winë tkajpxwä'kxy ma ja ja'ayën. Ojts näjyëtu'un may ja aaw ayuk tmä'kxy mëti'ipë juukyajtën nyimëtyäkpyën ets t'oytyuuntaay ijxtëm oy yajmëtowëtyën.

Isaías 44:7

¿Pënës xy'ëkmëpaatëp? Wä'än tkäjpxy ets wä'än xytyukmëmëtyä'äkyës. ¿Pën ëka'any të tnikäjpxy mëti'ipë tunan jatanëpën, mëti'ipë miimp këtakpën?

Hechos 11:30

Ojts tyajmuktë ja näypyutëkë ets ja Bernabé tmënëjkxëty ja putëjkën mëët ja Saulo ets tmo'otëty ja mëjja'aytyëjk jam Judea.

Hechos 14:23

Ojts ja Pablo ets ja Bernabé tnikajpxpätë ja mëjja'aytyëjk maajëty ja mëpëjkpëtëjk ye'eymyuktën, ets ja Dios tuknija'amyäjtsëtë ets y'ayuu'ajtë, ets tukë'ëtëjkëtyë ja Wintsën mëti'ipë ënety të tmëpëktën.

Hechos 2:11

Näy tam ënety yajpaatë mëti'ipë tso'ontëpën Creta ets Arabië. Ojts nmëtowtës ko tkajpxtë ja n'ayukëtyës ets tnikajpxtë mëti'ipë ja Dios të tuny të tkäjpxyën.

Hechos 27:12

Jam ma txëëwatyën Oyëtypë Ja'ajtakn, kä'äp jam y'oyëty ets ja potm jam pën tyajnaxëty, paaty nimay y'ënantë ko nikë oy ko nyëjkxtëty Fenice, Creta y'itjotm ma ja mejyën mëti'ipë kuye'eyëpën xëëwpëtsëmy ets jam ja potm tyajnaxtëty.

Hechos 27:13

Ko ja jëënpoj myiiny ënät myääytyë tyajtëy ko njaaknëjkxa'antë. Tääts ojts tsyoontë ets nyëjkxtë tu'kmejypya'a, Creta winkon.

Hechos 27:21

Kanaak xëëwës n'ayuu'ajtë, tääts ja Pablo ojts wya'kukë ja'ayjoty ets y'ënäny: Mëku'uktëjkëty, nikë tëëjës jeexyë xykyäjpxymyëpëktë, oyxyëp jam Creta të nkatso'onëmë, ka'ap jeexyë ëyo'on jëtu'un të npatëmë.

Hechos 27:7

Kanaak xëëwës ojts ëtyä'äkyë'äämpy nnëjkxtë, oy wi'ixës nja'ajtë jam Cnido awinm. Jä'ä ko tëkatsy ënety pyoj, ënätës ojts n'ëwtitë Salmona kyajpnpë'aay etsës nja'ajtë jam Creta;

1 Corintios 11:34

Ets pën jap pën yuu'ookyë, wä'än tkay jam ma tyëjkën ets ja Dios ka'ap tsyäätyunëtëty ko ënety kya'ëwxity ma ye'eymyuktën. Jäänëmës wiinkëtypë ja jotmay nyaj'oyëty ko ënety jam nëjkx nku'ixëtë.

1 Corintios 14:40

Tuntë tu'kë'ëyë winë oy tsuj, në'ëwitsy tu'uwitsy.

1 Corintios 4:17

Paaty ntuknikäxtë ja Timoteo, mëti'ipës ni'ik ntsojkpyën ets n'u'unkja'apën ma ja mëpënjkënën. Yë'ë nëjkx mtukja'amyätsëtë wi'ixës winë të ntunyën koos ja Kristë të nmëpëky, jëtu'un ijxtëmës të nyaj'ijxpëkyën maajatyës të nnaxyën.

Colosenses 2:5

Oyës kë'ëm nkatimjam'aty, tamës ja nja'awën y'ity ma miitsëtyën ets jotkujkës näjyawëtëty jä'ä ko oy yajxon xytyuntë ets ko tu'ukyë xymyëpëktë ja Kristë.

1 Timoteo 1:3

Ijxtëm ojts mijts nnëëmën koos nnëjkxany jam Macedonia y'itjotm, wë'ëm jam Éfeso ets xy'akajpxtukëty yë ja'ayëty këtiipë tëkatsy yaj'ijxpëktëty ets wiink ja winma'any tmëtëkëtëty,

2 Timoteo 2:2

Ja aaw ayuk mëti'ipë të xymyëtoyën maajës ja mayjyä'äy nyaj'ijxpëkyën, yë'ë mtuknipëkëp ja ja'ay ets jëtu'un ja myëku'uk tyaj'ijxpëktëty.

Tito 1:12

Ojts tu'uk yë ja'ay y'ity Creta ja'ay, yë'ë jyiiky myëku'uk nyimëtyäkpy ets y'ënäny: Yë Creta ja'ayëty, je'eyë y'anta'aktë, na'uk najëyujkën yë'ë jyä'äy'atë, käx ets nuuxëty.