Tito 1:3 - Biblia Dc en Mixe de Quetzaltepec

³ ets tyam, ko tiempo të tpatnë, tëë xytyuknija'awëmë ja y'aaw y'ayuk mëti'ipës nkajpxwä'kxypyën, mëti'ipës ja Dios yajnitsokpë ojts xytyuk'ëne'emyën.

Biblia Mixe de Quetzaltepec

³ ets tyam, ko tiempo të tpatnë, tëë xytyuknija'awëmë ja y'aaw y'ayuk mëti'ipës nkajpxwä'kxypyën, mëti'ipës ja Tios yajnitsokpë ojts xytyuk'ëne'emyën.

Tito 1:3 ပူးပေါင်းရင်းမြစ်များ

Isaías 12:2

Yë Dios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Isaías 45:15

E mijts Dios, ka'ap myaj'ixy, Dios mëti'ipë yajnitsokpyën yë Israel kajpn.

Isaías 45:21

Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Dios jëtu'unpë tä ëjtsën. Ka'ap maa wiinkpë Dios mëti'ipë mëtakpën tsipjoty ets mëti'ipë yajnitsokpën.

Daniel 11:27

Ënet ja yajkutujkpëtëjk, ja winma'any tpaata'antë wi'ix myëta'aktëtyën ets nëjkx tu'ukyë kyääymyuktë ma ja kaaypyäjnën, nixim niyam nëjkx jyanäwyin'ëëna'anëtë je'eyëp ni pën nëjkx kyayajwin'ëëny jä'ä ko ka'ap tpaatynyëm jëtu'un ja nyixëëw.

Daniel 8:23

Ko ya'atë yajkutujkpëtëjk nëjkx mëj'äämpy y'ijnëtë ma ja naaxwiinyëtën ets ënety ja nëë poky myëjënyë kyëjääjënë, tu'uk nëjkx yë yajkutujkpë pyëtsimy mëti'ipë nëjkx amëj akëjxm jyä'äy'ätyën ets wijy këpety nëjkx nyäyajnaxyë.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Habacuc 2:3

Ka'anëm tpaaty ja nyixëëw ets y'atëwëty ya'atë wiinkëma'ay; yë'ë koonëm yë y'atëwa'any. Mijts ëwxit oy pyo'oxëty, jä'ä ko jää y'atëwa'any ko ënety yajxon të tpaaty ja nyixëëw.

Marcos 1:15

ets y'ënäny: Tëë ja xëëw jëmëjt tpaaty, wiinkoonp ja Dios ja kyutujkën. Jootwinpitë ma Tiosën ets ëxajëtë mëët ja mëpëjkën ja oy aaw oy ayuk.

Marcos 13:10

Ets yajkajpxwa'kxëp jëyëjp ja oy aaw oy ayuk ka'anëm ënety kyukëxë ja naaxwiinyëtë.

Marcos 16:15

Ets yaj'ënëmaaytyë: Nëjkxtë naaxwiinyëtë apëtsëmy ets ja oy aaw oy ayuk xykyajpxwa'kxtëty.

Lucas 1:47

ets xoontakpës ja njot nja'awën mëët ja nTiosës mëti'ipës xyajnitsokpën.

Hechos 10:36

Dios ojts tmëkäjpxy ja Israel ja'ay ja y'u'unk y'okëty, tuk'ëwaanë ja jotkujk'ajtën mëët ja Jesukristë, ko yë'ë nyiwintsën'ajtääpy winë.

Hechos 17:26

Dios pyëjktak ja ye'etyëjk mëti'ipë ja naaxwiinyëtë ja'ay tyeety'at tyaak'atëpën, jëtu'unts tyajwintukëty tu'kë'ëyë ja naaxwiinyëtë, ets tëë tmo'oy ja xëëw jëmëjt mapaat tyajjuuky'ata'anyën,

Romanos 15:19

ets mëët yë myëk'ajtën ja Kënu'kxymyëkajtën ko yajtuny ja mëj'ajtën. Jëtu'unës të nkajpxwä'kxy ja oy aaw oy ayuk ma ënety ka'anëm ja Kristë yajnimëtyä'äkyën, jam Jerusalén ets Lirië y'itjotm.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

Romanos 16:26

je'eyëp ko tëë tyam yajnijawë ko ja y'aaw y'ayuk të tukjaaywyi'imy ja kyäjpxynyajxpëtëjk ijxtëm tni'ënä'ämën ja xëmëkyëjxmëpë Dios ets ja naaxwiinyëtë ja'ay ni'ëmukë yajtuknijawëtëty jëtu'un tmëpëktëty ets tmëmëtowtëty.

Romanos 5:6

Ko ënety ëëts'ajtëmë ka'ap tjëkyepy ëwaatsëtuuy nyajpatmëty, ënät ja Kristë myiiny ets ja pokyjyä'äy tni'o'ktuty.

1 Corintios 9:17

Pën kë'ëmtsojkën ya'atë ntunyës, njëjp'ixëpës ja nkuma'ayën; ets pën ka'ap, oy jyajëtu'unëty, kopkpëky koos ya'atë tuunk ntuny jä'ä ko Tiosës të xytyuknipëky.

Gálatas 4:4

E ko ja tiempo ojts tpaaty, tääts ja Dios ja y'u'unk ojts tkexy, to'oxytyëjk ojts yajminy yajja'tyë ko tyuuny ja Moisés ja y'ënä'ämën,

Efesios 1:10

Jatëp jëtu'un wi'ix të tuknipëjktaakën ko ja xëëw tpaatëty ets tukë'ëtëjkëtya'aja'any ja Kristë mëti'ipë tsajpjotm ijtpën ets mëti'ipëjaty ijtpën naaxwiiny.

Efesios 2:17

Kristë ojts tmëminy ja jotkujk'ajtën ets yajtuk'ëwaanëtë ni'ëmukë ja ja'ayëty; jëtu'un miitsëty pën ja Dios ijty myëjëkäm'ajtëpën ets pën ja Dios ijty myëwinkon'ajtëpën.

Filipenses 1:13

Koos yap jëtu'un tsumy n'ity tëë tyuny etsës nikajpx nimëtya'akëty ja Kristë mayjä'äyjoty ets näjyëtu'un ma ja kutuunktëjkëtyën ets ma oy pyënëtyën.

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

Colosenses 1:6

mëti'ipë jampaat të jyä'tyën ma miitsëtyën. Ni'ikyë myëjwiin kyëjääjë ya'atë aaw ayuk ets oy wyimpëtsëmy oy tyimmatsowëty naaxwiinyëtë apëtsëmy. Jëtu'un tä të jyäty të kyëpetyën ma miitsëtyën ko ojts ëka'any xymyëtowtë ja oy aaw oy ayuk ets xyjyä'äkyujkëtyë ja tëyajtën.

1 Tesalonicenses 2:4

Ni'ikyë ja Dios ojts t'oy'ixy ets xytyuknipëjktës etsës nkajpxwa'kxtëty ja oy aaw oy ayuk ets jëtu'unës nimëtya'aktë. Ka'apës yë'ëjëty ntsoktë etsës ja ja'ay xy'oyjyawëtëty, yë'ëjës ntsojktë etsës ja Dios xytyukjotkëta'aktëtyës, mëti'ipë tyuk'ijxnajxypyën Wi'ixës ja n'aaw njotëty.

1 Timoteo 1:1

Ëjts Pablo, Kristë Jesús ja y'ayuk kajpxwa'kxpë, mëti'ipës yë Dios Yajknitsokpë të xytyuk'ëne'emyën ets ja Kristë Jesús, mëti'ipë njëjp'ijxëmën,

1 Timoteo 1:11

Ya'atë mëtëypyë ijxpëjkën yë'ë mëët nyäpyäätyë ja oy aaw oy ayuk mëti'ipës të xytyuknipëkyën ja Dios kënu'kxypyë.

1 Timoteo 2:3

Ya'atë jëtu'unpë y'oyjya'ap yë Dios mëti'ipë xyajnitsokëmën,

1 Timoteo 4:10

Paaty ëëts ntuntë mëk, jä'ä ko yë Dios ntuk'ijxpätës juukpyë, mëti'ipë ni'ëmukë ja'ay yajnitsokpyën, yë'ë ni'ik mëti'ipë mëpëjktëpën.

2 Timoteo 4:17

E Ojtsës ja Wintsën Jesús xypyutëkë ets xymyooyës ja mëjaaw ets ja oy'aaw oy ayuk nkajpxwa'kxëtyës ets tmëtowtëty ja ja'ay mëti'ipë ka'ap jyutiis'atën. Jëtu'unës ja Dios xyaj'ëwa'atspëtseemy jam tsimptum o'këntum,

Tito 2:10

Ka'ap tii tontëty tmäätstëty, wintsë'ëkë mëjjawë y'itëty ets ja'ay ni'ëmukë t'ixtëty ko oy yë ijxpëjkën mëti'ipë Dios yajnitsokpë jyä'ä'ajtypyën.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

Apocalipsis 14:16

Tääts mëti'ipë u'unyääpyën jam yootsjotm tyajpëtë'ktaay ja pëjktä'äky naaxwiinyëtë apëtsëmy mëët ja tsujkn.