Sofonías 3:18 - Biblia Dc en Mixe de Quetzaltepec

¹⁸ jëtu'un tä ja'ay jotkujk nyäjyawëtyën ko xëëw tyunyë jyätyë. Jëtu'un yë Wintsën y'ënä'äny: Ëjts mijts nyaj'ëwaatsëpëtsëmäämpy ëyo'onjoty jotmayjoty, ma ënety mtsëtyuny mjaaypyetyën.

Biblia Mixe de Quetzaltepec

¹⁸ jëtu'un tä ja'ay jotkujk nyäjyawëtyën ko xëëw tyunyë jyätyë. Jëtu'un yë Wintsën y'ënä'äny: Ëjts mijts nyaj'ëwaatsëpëtsëmäämpy ëyo'onjoty jotmayjoty, ma ënäty mtsëtyuny mjaaypyetyën.

Sofonías 3:18 ပူးပေါင်းရင်းမြစ်များ

Salmos 43:3

Käx yë mtë'kxën mjajën ets mtëyajtën maas ëjtsën etsës yë'ë nnätyuktu'uwinwowëtëty, etsës tëyë nja'tëty ma ja mkopkën kënu'kxypyë, ma ja it naaxwiinyëtën ma m'ity mtsëënën.

Salmos 79:4

Tyam je'eyë ënät ëëtsëty xynyëxi'ik xytyukxi'iktë ja naax kajpn mëti'ipë yajmëwinkon'ajtpën; tyam yajja'ayxyiktëpës je'eyë ma ja ja'ayëtyën mëti'ipës xywyinajx xywyintëjkëtyëpën.

Jeremias 23:3

Ëjts kë'ëm jatëkok nyajminäämpy yë n'u'unk n'ëna'kës mëti'ipës jëtu'un nmëët'ajtypyën tä kupixynyën ets jatëkok nyajmujkta'aja'anyës ma ja naax kajpnën ma ojts tsyoontën, jam nëjkx kyäytyë y'uuktë akujk jotkujk ets ja y'u'unk y'ëna'k tyajyääk tyajpatëty.

Lamentaciones 1:4

Mon tuk yaj'ixy yë Sión tu'u. Ka'ap pën y'ëkmiinë xëëw'ijxpë. Aanë'ëk tëëtsë'ëk yajpaaty ja tëjkëtyakn, jëëytyëp yaxtëp ja teetytyëjkëty, ëjtëp tu'ktëp ja ëna'ktëjkëty ets ja Jerusalén kajpn yajpaaty mon tuk.

Lamentaciones 1:7

Yë Jerusalén kajpn tja'amyejtsy ko ojts wyi'imy nätyu'uk mon tuk; jyä'ämyejtsyp ko ojts matsy wit meeny tmëët'aty; tja'amyejtsy ko ojts myëtsip myëmëtä'äkyë ets ka'ap pën pyutëjkëyë, ko ja myëtsip y'ijxëtë ets nyëxik tyukxikë ma ënety o'ktëy jyätyën.

Ezequiel 34:13

Nëjkxëpës jam nyajtsoontë wiink naax wiink kajpn, nyajtu'ukmukantëpës etsës nyajnëjkxa'antë ma kyë'ëm naax kyë'ëmkajpnëtyën. Jamës nyajnëjkxa'antë jë'kxpë pëjkpë jë'kxyotm ma Israel kopkën, ma wokjotmën ets maajaty yë Israel tnitänën yë naaxwiinyëtë.

Ezequiel 36:24

Nyajtso'onta'ajantëp yam ma tääpë naax kajpnëtyën; nyajtu'uk mujkta'ajantëp ets jatëkok nyajwinpita'antë ma mkë'ëmnaax mkë'ëmkajpnëtyën.

Ezequiel 9:4

ets të t'ënëëmë: Tukjëtijtëtya'a yë Jerusalén kajpn ets xypyëjkta'akëty tu'uk yë ijxpäjn ma wyimpokëtyën yë ja'ayëty mëti'ipë moontëp tujktëpën ko ja ja'ay ëxëëk y'ëtë'ëtstë y'ëna'antë jap kajpnjoty.

Oseas 1:11

Ënet nëjkx tyu'ukmuktë yë Judá ja'ayëty ets Israel ja'ayëty, tu'uk nëjkx tpëjkta'aktë mëti'ipë tu'uwinwotëpën ets jam Jerusalén nyëjkxta'aja'antë. Ja Jezreel mëj'äämpy nëjkx y'awinpity.

Oseas 9:5

¿Tii mtunantëp xëëwjoty, ma ënety ja Wintsën ja myëjxëëw yajtunyën?

Sofonías 3:20

Jä'ä xëëw miitsëty nyajmiina'antë ets nyajmuka'antë; ëjts nëjkx nyaj'oyës yë mjuukyajtënëty ets mëj'äämpy nyajnaxa'antë; nëjkxëp myaj'oyjyawëtë oymyaakajpnëty naaxwiinyëtë apëtsëmy.