Sofonías 3:15 - Biblia Dc en Mixe de Quetzaltepec

¹⁵ Tëë yë Wintsën tjëpëky ja tëytyu'unën ma mijtsën ets tëë ja mmëtsip tyajjëwa'kta'ay. Yë Wintsën, mëti'ipë jam Israel yajkutujkpën, itkujky yajpaaty ma mijtsën: Mijts ka'ap tii ëxëëkpë xy'ëktsë'kënëty.

Biblia Mixe de Quetzaltepec

¹⁵ Tëë yë Wintsën tjëpëky ja tëytyu'unën ma mijtsën ets tëë ja mmëtsip tyajjëwa'kta'ay. Yë Wintsën, mëti'ipë jam Israel yajkutujkpën, itkujky yajpaaty ma mijtsën: Mijts ka'ap tii ëxëëkpë xy'ëktsë'kënëty.

Sofonías 3:15 ပူးပေါင်းရင်းမြစ်များ

Génesis 30:23

Ko ojts ëka'any mëët tu'uk yë u'unk tyajminy naaxwiiny, ënät ojts y'ënä'äny: Tiosës të xytyukniwa'atsy ja tsëtyu'unën, koos ka'ap yë u'unk nmëëtëty.

Salmos 149:2

Xoonta'aktë miitsëty Israel ja'ayëty, miitsëty naax kajpn jampë myajpaatën Sión, jä'ä ko Dios yë'ë yajkojpë ets yë'ë yajkutujkpë ma miitsëtyën.

Salmos 19:9

Yë näwyinkutsë'ëkë mëti'ipë yajmëët'ajtpën ma Wintsënën ka'ap nyätyuktëkëty mëët yë ëxëëkpë. Yë Wintsën yë y'aaw y'ayuk tëyajtën yë'ë, ets tëkokyë aak mëtëy.

Salmos 85:3

tëë mjotxeemy jatëkok ets tëë mjoot'an xyajnaxy.

Isaías 12:6

Xi'iktë xontë miitsëty naax kajpnëty mëti'ipë tsënaaytyëpën jam Sión, jä'ä ko yë Wintsën, wa'atspë, mëti'ipë yajpatpën ma Israel kajpnën tam yajpaaty ma miitsëtyën mëët tu'kë'ëyë ja myëj'ajtën.

Isaías 25:8

Nëjkxëp ja Wintsën tyajjëwä'äky ja o'kën tëko'oyën xëmëkyëjxm, pyo'ta'ajäämpy yë wyiin nëë mëti'ipë jëëytyëp yaxtëpën ets jyëpëjkta'ajäämpy naaxwiinyëtë apëtsëmy ja nänyëxi'ik nätyukxi'ikë ma nyaax kyajpnën. Yë Wintsën jëtu'un të y'ënä'äny.

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Isaías 35:10

Ja ja'ayëty mëti'ipë ënety ja Wintsën të yajtso'okëtën ëëp yaxp jam jya'ta'antë Sión, ets xoontä'äky yajpaata'antë winë xëëw winë jëmëjt. Pyaatantëp ja jotkujk'ajtën ets ja xoontakën ets ja jë'ëyën yaxën nëjkxëp y'atëkoy.

Isaías 51:22

Yë mWintsën mëti'ipë mTios'ajtypyën, mëti'ipë pyaye'epyën ja nyëë pyoky ja nyaax kyajpn, jëtu'un y'ënä'äny: Njëpëkäämpyës yam tääpë a'ukën mëti'ipë të mtsaatsy tyunyën, mëti'ipë të myajjatyën amu'ukyë ja'ayën; ka'ap nijëna'a xy'ëk'uknëty tääpë nëë mëti'ipë ja ntsip n'äkës myëët'ajtypyën.

Isaías 52:9

Tukyaax tukjokëtë ko të mmëta'aktë, mijts Jerusalén kajpn ma axit ako'owë të myajpaatyën, jä'ä ko tëë yë Wintsën tpa'ëyoy yë nyaax kyajpn ets tëë tyaj'ëwaatsëpëtsëmy yë Jerusalén kajpn.

Isaías 54:14

Ja mëtëypyë ja nipaye'eyën yë'ë nëjkx myajjotmëktä'äkyë, ka'ap nëjkx ëxëëk mjaty mkëpety ets ka'ap nëjkx mtsë'ëkë mjawë, ja tsë'ëkë ets ja amay jotmay nëjkxëp mkukäkta'ayë.

Isaías 60:18

Ma mnaax mkajpnën ka'ap nëjkx nijëna'a y'ëkyajmëtoownë jëën tsip, ka'ap nëjkx naax kajpn y'ëkkutëkooynyë ets xit ko'ow y'ëkjajnë; jä'ä nëjkx ja mpotsy yajtijy yajnitsokpë ets ja mtëjk'aaw mëjpëjktakën.

Isaías 65:19

Ëjts jotkujkës nnäjyawëja'anyë mëët yë Jerusalén, ets xoonta'akaanpës mëëtës yë nnaax nkajpn, ka'ap nëjkx nijëna'a pën jyi'iy yä'äxy, ets ka'ap nëjkx nijëna'a pën myony tyuky.

Jeremias 8:19

Xiitsow yaatsow yajmëtoy jyi'iy yä'äxy ja nnaax nkajpnës: ¿Këtii jëtäätën jam Sión, yë Wintsën y'ëkyajpatnë? ¿Ti këtiitën jam y'ëkyajpatnë ja mëti'ipë yajkutujkpën? Tää ja Wintsën y'ëtsoy: ¿Tiijës ko të xyajjoot'anpëktë, ko wiink tios xy'ëwtatë, ja tios ka'apë tii mëj'ajtën tmëëtëtyën ets mëti'ipë wiink naax wiink kajpn ja'ay y'ëwtajtëpën?

Ezequiel 35:10

Mijts jëtu'un ojts m'ëna'any: Yë Israel yë y'it nyaaxwiinyëtë, ma yajpaatyën mäjtskpëky yë yajkutujkpë ëjts njä'ä'atäämpy; ëjts nëjkx xywyintsën'atë oy ënety jam jyayajpaaty yë Wintsën.

Ezequiel 36:15

Ka'apës n'ëkyajkutukanë ets wiinkpë naax kajpn m'ojëtëty mya'axëtëty; ka'ap tjëkyepy tääpë naax kajpn jatëkok je'eyë ëxaty m'ëk tijënëtëty jä'ä ko miitsëty ka'ap yë naax kajpn u'unktuk xy'ëkyajwë'ëmanëtë. Ëjts Wintsën, ëjts ënaanp.

Ezequiel 39:29

Ka'apës nëjkx njëxk n'ëkja'atyëkooyëtë, jä'ä ko tëëjës yë nmëjajtën nyajnaaxkëtä'äky ma Israel kajpnën. Ëjts Wintsën, ëjts ënaanp.

Ezequiel 48:35

Ja kajpn ja nyapots na'ëwtity jä'ä y'ayeny'atëty tëtujk mil xajpk ets ja naax kajpn jä'ä txëëwajnëty: Yaa yë Wintsën yajpaaty.

Joel 3:17

Ënet nëjkx miits xynyijawëtë ko jamës ntsëënë Sión, ma ja kopkën kënu'kxypyë. Yë Jerusalén kënu'kxykyajpn y'ita'any: Ka'ap nëjkx nijëna'a yë myëtsip y'ëkmëmëtakënë.

Amós 9:15

Jä'ä ko jam nëjkx nyajtsëënëja'antë kyë'ëm naaxjotmëty ets ka'ap nëjkx nijëna'a jam pën y'ëkyajtso'onënëtë ma ja naaxwiinyëtën mëti'ipës ënety të nmo'otën. Dios, mëti'ipë Wintsën'ajtpën yë'ë jëtu'un ënaanp.

Miqueas 7:10

Y'ixäämpy näjyëtu'un yë nmëtsipës ets tsëtyu'unmëët wyë'ëma'any. Jëtu'unës ijty xy'ënëëmë: ¿Maa ja mWintsën, mëti'ipë mTios'ajtypyën?, e tyam n'ijxypyës ko jëtu'un jyajnë tä mo'onts yajtukteenyën tu'ujoty.

Habacuc 2:17

Jëtu'un tä ëxëëk të xytyunyën yë Líbano ja'ayëty nëjkxëp näjyëtu'un ëxëëk mjaty mkëpety ets nëjkxëp mtsë'ëkë ko ënety ja jëyujk të xyaj'ooky. Yë'ë nëjkx jëtu'unpë ëyo'on xypyääty ko ënety ëxëëk të m'ëtë'ëtsy ets ko ënety ëxëëk ja naax kajpn të xytyuny.

Habacuc 2:8

Nëjkxëp yë naax kajpn nyäkyäjpxyë ets myajnimay myajnitajë wi'ix ëxëëk myajtunëtyën, näjyëtu'un nëjkx myajmä'tsta'ay tä ënety të meetsyën. Nëjkxëp myajtukëpäjta'ay jënu'un ënety ja'ay të xyaj'ookyën ets wi'ix ënety ëxëëk të m'ëtë'ëtsyën ma ja naax kajpnën ets ma ja ja'ayëtyën mëti'ipë ënety jam tsënaaytyëpën ma naax kajpnën.

Sofonías 3:17

Yë Wintsën, mëti'ipë mTios'ajtypyën, itkujky yajpaaty ma mijtsën, yë'ë maaytyääyëp winë ets myajtso'okanëp. Mtukxoontakëp yë Wintsën. Yë tsyojkën jya'awën yë'ë mjuukyajtën yaj'ajämëjäämpy; ets tyukxoonta'akäämpy ko ënety jotkujk yajpaaty

Sofonías 3:5

E ja Wintsën tamts ja yajpaaty kajpntum, ja oypyë jam tyuunpy ka'ap y'ëxëëkpëty. Jopy jopy tpaye'eykyojy ja mëtëypyë. Ja'ay mëti'ipë ëxëëk ja'ay'ajtpën ka'ap tmëmay tmëtajy yë tsëtyu'un.

Zacarías 12:3

Ënet yë Jerusalén kajpn nyaj'awinpita'anyës tä tu'uk yë juuntsaajën ma ja naax kajpnëtyën. Yajtsëtyutäämpy ja ja'ay mëti'ipë ënety ja këëyë'ëkanëpën. Nëjkxëp tu'kë'ëyë ja naax kajpn nyäkyäjpxyë ets nëjkx tyajnatuktë ja Jerusalén kajpn,

Zacarías 14:11

Jëtu'un, tsëënëjantëp yë ja'ay jam ma Jerusalén kajpnën ets ka'ap nëjkx nijëna'a y'ëkkutëkooynyë. Jotkujk ja ja'ay nëjkx jam jyuuky'ajnëtë.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Juan 1:49

Ënet ja Natanael y'ënëmaayë: Wintsën, mijts ja Dios m'u'unk'ajtëp, mijts ja Israel ja'ay yajkutujkpë.

Juan 12:15

Këtii mtsë'ëkëtë, Sión ja'ayëty; ix yë myajkutujkpë myiny yë'ë tyuk'u'unyääpy ëna'k krukts.

Juan 19:19

Ets ja Pilato tni'ënä'ämëy ets ja ayuk jam yajkëxja'ajëty kruuts këpäjky mëti'ipë ënaanp: Jesús Nazaretëtë ja'ay, jutiis ja'ay yajkutujkpë.

Juan 5:30

Ka'ap tjëkyepy etsës tii kë'ëmwinma'any ntunëty. Jëtu'unës winë npaye'ey ijxtëm ja Dios Teety të xy'ëne'emyënës; ets npaye'eyënës, mëtëy yë'ë; jä'ä ko ka'apës tii npaye'ey mëëtës yë nkë'ëmjot nkë'ëmwinma'any, yë'ëjës nTeety yë jyä'ä nyajtuunëp, mëti'ipës të xykexyën.

Apocalipsis 12:10

Ënätës nmëtooy ja ayuk janty mëk jam tsajpjotm mëti'ipë ënaanpën: Tëë ja tiempo tpaaty ko ja Dios ja naaxwiinyëtë ja'ay tyajnitso'oka'any ets ja myëk'ajtën ets ja kyutujkën tyaj'ixëtëty ets ko Kristë yajkutukëty, jä'ä ko tëë ja mëjku'u yaj'ixkäjxnë mëti'ipë ja nmëku'uk'ajtëm ijty xëëny koots nyi'ë'ën nyipëjktso'owëpën jam Dios wintum.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Dios tuny ja paye'eyën ko të tyajkutëkoy tääpë kajpn.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.

Apocalipsis 7:15

Paaty jam y'itë ma ja kutujktaknën ma ja Dios y'u'unyën, xëënaxy tsunaxy ja Dios tmëtuntë ma ja Dios ja tyëjkën. Yë'ë ijx'ijtëtëp këwent'ajtëtëp mëti'ipë u'unyääpyën ma kutujktaknën.