Sofonías 3:13 - Biblia Dc en Mixe de Quetzaltepec

¹³ Ja Israel ja'ayëty mëti'ipë ënety juuky të wyë'ëmtën ka'ap nëjkx ja tëyajtën t'ëkninajxnëtë, ka'ap nëjkx y'ëkwin'ë'ënëtë ets ka'ap nëjkx y'ëk'ëxëëk kajpxnëtë. Jotkujk kyäya'an y'uuka'antë ets pyo'kxa'an pyëka'antë, ka'ap nitii tsë'ëkëja'antë.

Biblia Mixe de Quetzaltepec

¹³ Ja Israel ja'ayëty mëti'ipë ënäty juuky të wyë'ëmtën ka'ap nëjkx ja tëyajtën t'ëkninajxnëtë, ka'ap nëjkx y'ëkwin'ë'ënëtë ets ka'ap nëjkx y'ëk'ëxëëk kajpxnëtë. Jotkujk kyäya'an y'uuka'antë ets pyo'kxa'an pyëka'antë, ka'ap nitii tsë'ëkëja'antë.

Sofonías 3:13 ပူးပေါင်းရင်းမြစ်များ

2 Crónicas 20:30

Jëtu'un'äämpy ja Josafat ojts akujk jotkujk tyuny kyäjpxy ma ojts y'ëne'emyën, jä'ä ko ja Wintsën tëë ënety myo'ojëtë ja akujkajtën jotkujk'ajtën mëët ja naax kajpn mëti'ipë mëët nyäpyaatëtën.

Job 11:19

Nitii nëjkx mka'ëtsë'ëkëty, jotkujk nëjkx mpo'kxy mpëky. May nëjkx ja'ay mniminyë ets m'amëtowëtëty yë näypyutëkë.

Salmos 119:3

mëti'ipë ka'ap tii tuuntëkoy tkajpxtëkoytyën, mëti'ipë yi'iyë pyanëjkxtëpën ja Wintsën ja nyë'ë aaw tyu'u aaw.

Salmos 120:2

Wintsën, këtii xy'ëwa'atsëty etsës nkajpxëty ja mëti'ipë ka'ap tyiyajtënëtyën, ka'apës mëpaat ja ëxëëkpë aaw ayuk nyajpëtsëmy.

Salmos 120:3

¿Tii mnapaatëp mijts aaw yä'än ko je'eyë m'anta'akëty?

Salmos 23:2

Akujk jotkujkës xyajpo'kxy ma jë'kxy pëky ka'ap y'ëmaaytyä'äkyën, yë'ëjës xytyu'uwinwoop xytyu'uwinwijtsp maas yë wa'ats nëë npaatëtyën.

Isaías 17:2

Mon tuk nëjkx wyi'imy, mëëyjot y'awinpita'any; jëyujk tënaaytyakn nëjkx y'awinpity.

Isaías 35:8

Jam ja Wintsën tu'uk ja mëjtu'u tyajnaxa'any mëti'ipë yajtijaanpën, Kënu'kxytyu'u. Mëti'ipë ënety ka'ap wya'ats'atën ka'ap nëjkx jam tyëkëtë, yë tsuuja'aytyëjk ka'ap nëjkx jam nyaxtë, yi'iyë nëjkx jam nyaxtë mëti'ipë mëtëy juuky'ajtëpën.

Isaías 54:14

Ja mëtëypyë ja nipaye'eyën yë'ë nëjkx myajjotmëktä'äkyë, ka'ap nëjkx ëxëëk mjaty mkëpety ets ka'ap nëjkx mtsë'ëkë mjawë, ja tsë'ëkë ets ja amay jotmay nëjkxëp mkukäkta'ayë.

Isaías 6:13

Oy ja ja'ay ënety jyaak wë'ëmtë jam kajpntum, nëjkxëp ja kyutëkoytyë näjyëtu'un, nëjkxëp jëtu'un jyäty tä tu'uk ja kepy yajwinpujxta'ayën yë y'ääy xye'enty tääts yi'iyë kepy kyopk jyaak wë'ëmy. E ma tääpë kepykyopkën, jamts ja jyi'tsk ok pyëtsëma'any.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 63:8

Jëtu'un të y'ënä'äny: Yë'ës nkajpn'ajtyp, ka'ap nijëna'a xy'ëxmatsa'antës. Ets ojts tyajtso'oky

Isaías 65:10

Ma ja Sarón itjotmën, mëti'ipë Joytyuuyën, nëjkxëp wyintujkta'ay mëët yë kupixyny ets tsajppax; näjyëtu'un jam ma Acor itjotmën, Joytyuuypyë, jam nëjkx y'oktë wyëtstë yë nkajpnës yë tsyajpkaa.

Jeremias 23:4

Ets kupixyny këwent'ajtpë jam npëjkta'aka'anyës ets yë'ë kyëwent'atëtëty, këtiipë tsyë'ëkëtëty ets këtiipë tii tyëkoy'ajtxëtëty. Ëjts Wintsën, ëjts ënaanp.

Jeremias 30:10

Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Ezequiel 39:26

Nëjkxëpës nyajtso'onta'atë ma wiink naax wiink kajpn yajpaatën ets ma myëtsip yë nyaax kyajpnëtyën, ënät nëjkx jyuuky'atë jotkujk kyë'ëm naaxjoty kyë'ëmkajpnjotyëty ma ka'ap pën y'ëtsë'ëkëtëty. Jëtu'un nyaj'ixëtëtyës ja nwa'ats'ajtënës ets may ja naax kajpn t'ixtëty. Yë Israel ja'ayëty myëtänëjantëp yë ëyo'on ko ënety të xykyäjpxy kumëtoownaxtës.

Joel 3:17

Ënet nëjkx miits xynyijawëtë ko jamës ntsëënë Sión, ma ja kopkën kënu'kxypyë. Yë Jerusalén kënu'kxykyajpn y'ita'any: Ka'ap nëjkx nijëna'a yë myëtsip y'ëkmëmëtakënë.

Joel 3:21

Yë'ë tëy yë mëti'ipë yë Judá ja'ayëty të tuuntëkoytyën ka'apës nimä'kxa'any.

Miqueas 4:4

Oy nëjkx jyuuky'atë yë ja'ayëty ets ka'ap nëjkx tsyë'ëkëtë jyawëtë; nëjkxëp yë ja'ayëty pyo'kxtë pyëktë kepypya'tkë'ëy ma higos pa'tkën ëkë ma tsatym kyepy nyinikën. Yë Wintsën, yë'ë kë'ëm të y'ënä'äny, mëti'ipë maaytyääyëpën winë.

Miqueas 7:14

Wintsën, këwent'at ja mnaax mkajpn, ja mkupixyny mëti'ipë mjä'ä'ajtypyën, ma aakyë'ë yajpaatën yuukjotm; jë'kxynyaaxjotm jam Basán ets Galaad. Jëtu'un yajnëjkx jam jë'kxyotm tä ijty tëëyëpën.

Sofonías 2:7

Yë Judá ja'ayëty mëti'ipë ënety të jyaak tso'oktën, yë'ë nëjkx tääpë naax kajpn tjä'ä'atë ko ënety ja Wintsën nyiminëtë ets pyutëkëja'anëtë ets jotkujk jyuuky'atëty. Jam nëjkx ja kyupixyny tkëwent'atë ets koots nëjkx pyo'kxtë pyëktë ma ja jyëën tyëjkëtyën jam Ascalón.

Sofonías 3:5

E ja Wintsën tamts ja yajpaaty kajpntum, ja oypyë jam tyuunpy ka'ap y'ëxëëkpëty. Jopy jopy tpaye'eykyojy ja mëtëypyë. Ja'ay mëti'ipë ëxëëk ja'ay'ajtpën ka'ap tmëmay tmëtajy yë tsëtyu'un.

Zacarías 8:12

Jä'ä ko yajpaataanp ja jotkujk'ajtën ma yë'ëjëtyën. Nëjkxëp tyëëm'aty ja tsatym; nëjkxëp y'ity wyintëy winë kamwinm; ets nëjkxëp myaaniky. Ets nmooytya'aja'antës ya'atë naax kam ja ja'ayëty mëti'ipë ënety të jyaakwë'ëmtën.

Zacarías 8:16

Ya'atë mëpaat xëmë xytyuntë: Mëtëy winë xynyikajpx xynyimëtya'aktëty ma miitsëtyën nixim niyam, mëtëy tii xynyipaye'eytyëty ets yë'ë xëmë mmaytyëp mtajtëp yë oyajtën jotkujk'ajtën miitsëty yajkutujkpëtëjkëty;

Zacarías 8:3

Wimpitaanpës jam Jerusalén, etsës jam ntsëënëja'any. Ënet nëjkx yë Jerusalén kajpn yajtijy kajpn mëti'ipë wyintsë'këpën ja Dios, e ja kopk mëti'ipë jyä'ä'ajtypyën ja Wintsën mëti'ipë maaytyääyëpën winë, jä'ä nëjkx txëëwaty wa'ats kopk.

Mateo 13:41

Yë naaxwiinyëtë ja'ay y'U'unk kyäxäämpy ja y'anklëstëjk ets twoowmujkta'aja'any ma kyutujktaknën mëti'ipë ja myëku'uk yajpokytyuuntëpën ets mëti'ipë ja ëxëëkpë tyuunk'ajtëpën.

Juan 1:47

Ko ja Jesús t'ijxy ko ja Natanael myëwinkonyë ënät y'ënäny: Tyaa tu'uk ja Israel ja'ay mëtëypyë mëti'ipë ka'ap y'antä'äkyën.

Colosenses 3:9

Këtii mnäwyin'ëënëtëty nixim niyam, jä'ä ko tëë xy'ëxmajtsnëtë jëtu'unpë ja juukyajtën ets ja ëxëëkpë mëti'ipë ijty mtuuntëpën,

1 Pedro 3:14

E pën jamts xykyu'ëyowëtë ko ja oypyë xytyuntë, akujk jotkujk itë. Këtii mtsë'ëkëtëty mjawëtëty, ni mkatsëtyuytyëty.

1 Juan 5:18

Nnija'awëm pën ja Dios tyeety'äjtypyën, ka'ap ja pyokytyuny, jä'ä ko Dios U'unk këwent'ajtëp ets ka'ap ja ëxëëkpë pyäätyë.

Apocalipsis 14:5

Ka'ap të wyin'ëëntë, nitii poky të tkamëët'atë.

Apocalipsis 21:27

Nijëna'a jam kyatëkëty ja ëxëëkpë ku'oypyë ets ni ja ja'ay jam kyawin'ëëntëty ets tii ëxëëk tuntëty. Yi'iyë jam tëkëjaanp mëti'ipë ja xyëëw miintëpën kuja'ay ma ja nokyën juukyajtën mëëtpë mëti'ipë myëët'ajtypyën ja Kupixyny U'unk.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.