Sofonías 2:15 - Biblia Dc en Mixe de Quetzaltepec

¹⁵ Jëtu'un jyata'any ja naax kajpn amëj akëjxmëpë ets jotkujkpë, mëti'ipë ja nyija'ay të y'ëna'antën ko ka'ap maa wiinkpë kajpn tä yë'ëjëtyën. O'ktëy ja naax kajpn të jyäty, aayjëyujk ujtsjëyujk jam ëtëtsp ënaanp. Ko ënety jam pën nyäxy je'eyë nëjkx myëkxejy y'o'kxejy ets ka'ap tsojkën'atëty jëtu'unpë ja kajpn.

Biblia Mixe de Quetzaltepec

¹⁵ Jëtu'un jyata'any ja naax kajpn amëj akëjxmëpë ets jotkujkpë, mëti'ipë ja nyija'ay të y'ëna'antën ko ka'ap maa wiinkpë kajpn tä yë'ëjëtyën. O'ktëy ja naax kajpn të jyäty, aayjëyujk ujtsjëyujk jam ëtëtsp ënaanp. Ko ënäty jam pën nyäxy je'eyë nëjkx myëkxejy y'o'kxejy ets ka'ap tsojkën'atëty jëtu'unpë ja kajpn.

Sofonías 2:15 ပူးပေါင်းရင်းမြစ်များ

Job 16:4

Ko jeexyë miits jëtu'un m'ëk jat m'ëk këpätë tääjës yamën, näjyëtu'unës jeexyë nkäjpxy tä mkajpxtën; je'eyës jeexyë nkëpajk njëpipy etsës jeexyë n'axiktu'uty, nëkooyës jeexyë n'ëëwnë nkajpxnë,

Job 27:23

Amuup nëjkx yë mëkpoj pyajëtityë ets ënääw wëtsuk.

Isaías 22:2

Ma ja kajpnën, ma ja'ay y'akujk'at jyotkujk'atën, ma ja ja'ay y'ëyë'ëktën kyëyätën. Ja mja'ay mëti'ipë të y'ooktën ka'ap jyamëty të y'ooktë tsipjotm ets ka'ap jyä'äyëty të yo'kpuxëtë;

Isaías 32:11

Mëti'ipë tyam ka'ap tii xymyëmay xymyëtajtën, je'eyë nëjkx mtsëyuytyë; miitsëty mëti'ipë tyam akujk jotkujk mnäjya'awëtëpën, mëët'atë ja amay jotmay, ijxpëktë ja mjemywyitëty, yë'ë këëtspë tuktëkëtë mëti'ipë kuumpën u'kxpën, mmontë tuktë jë'ëtë ya'axtë.

Isaías 32:14

Ja këmoontëjk tukwa'ats wyë'ëmta'aja'any; ja naax kajpn yajtuk'ye'eytyuta'ajaanp; ja itjot ma ja këwent'ajtpë y'itën ni pën jam kyapaata'any nijëna'a, yi'iyë nëjkx jam jyaak yajpaatë ëxëëkjëyujk, jëyujk, jëyujk tsajpkaa nëjkx jam jyaak jë'kxy jyaak pëktë.

Isaías 32:9

E miitsëty to'oxytyëjktëjkëty mëti'ipë ka'ap tii xymyëmay xymyëtajtën, mëtoow'itë mëti'ipë yam ntuk'ënëëmëjantëpën. Miitsëty to'oxytyëjktëjkëty mëti'ipë yi'iyë wit meeny mtuk'ijxpäjtëpën, ja'akyukëtë ya'atë aaw ayuk.

Isaías 47:10

Mijts yi'iyë të xymyëmay të xymyëtajy ja m'ëxëëktu'un m'ëxëëk kajpxën ets të m'ëna'any: Ni pën xykya'ixyës. Ja mwijyajtën ets ja m'ijxpëkyajtën yë'ë të mnätyukwin'ëënyë, ets të mmay të mtajy: Ëjtsyë jëtu'un tu'uk, ka'ap pën wiinkpë.

Jeremias 18:16

ets anë'ëk tëëtsë'ëk ja nyaax kyajpn të tyaj'awinpity, je'eyë yajnimony yajnituky. Ko ja'ay jam nyaxtë, je'eyë kyëpajk tjëpiptë jä'ä ko ka'ap tja'akyukëtë tii ko o'ktëy ja naax kajpn jyajnë.

Jeremias 19:8

Aanë'ëk tëëtsë'ëk nyaj'awinpita'anyës ya'atë kajpn, je'eyë ja'ay tsyë'ëkëtëty ko t'ixtëty. Yë ja'ay mëti'ipë jam najxtëpën je'eyë nëjkx tnimon tnituktë ets je'eyë nëjkx tsyë'ëkëtë ko t'ixtëty ëxëëk të jyäty ja naax kajpn.

Jeremias 50:13

Jä'ä ko ntukjoot'anpëkäämpyës yë'ë ets nitu'uk yë nyija'ay nkayajwë'ëma'anyës. Ko ënety jam pën nyäxy, je'eyë tsyë'ëkëty mëët ko ënety t'ixy wi'ix ja tëytyu'unën të t'ëxajën tääpë kajpn.

Lamentaciones 1:1

Tukwa'ats yë naax kajpn të wyi'imy ma ijty tëëyëp ja'ay may yajpaatën. Jëtu'un kyëxë'knë yë naax kajpn tä tu'uk ku'ooky to'oxytyëjkën. Atsip tyam myëtuun y'ëyoownë ja naax kajpn mëti'ipë mëk të yajtsoky të yajjawën jëtu'un tä to'oxytyëjkën yajkutujkpë.

Lamentaciones 2:1

Mëj'äämpy yë Wintsën yë tsyip y'äkë të tyaj'ity, mëti'ipë të tyajkukootsën yë Sión kajpn oypyë ënety yaj'ixyën. Tëë tyajma'ta'ay ja Israel kajpn oypyë tsujpë ets jëtu'un të tyajjaty tä jeexyë tsajp kyupojtsnaxyën naaxkëjxy; ko jyoot'anpëjky ka'ap tja'awëy ja tyekpya'tk.

Lamentaciones 2:15

Ko m'ixyë mëti'ipë jam najxtëpën tu'u'am je'eyë kyë'ë t'apo'kxmuktë ets mtukxi'ikyë; je'eyë kyëpajk tjëpiptë ets wyiin y'aaw tuntë ets y'ëna'antë, tää ënät, ixtë wi'ix yë Jerusalén kajpn jyätyën mëti'ipë ijty janty'oy näyajnajxëpën, mëti'ipë ijty ja'ay tyijtëpën y'oyëty tyujëty.

Ezequiel 27:36

Yë ajuupyëtëjkëty mëti'ipë tso'ontëpën wiink naax wiink kajpn je'eyë tsyë'kënëtë ko m'ixyë. Ëxëëkëm të mjajnë; jääpaat jëtu'un të mjuuky'äty ka'ap nijëna'a m'ëk yaj'ixanë.

Ezequiel 28:2

Mijts ye'etyëjk, ënëëmë yë Tirë yajkutujkpë: Jëtu'un yë Wintsën y'ënä'äny: Tëë mjot mwinma'any y'uty mëët yë amëj'ajt akëjxmajtën, tä tiosën të mnäjyawëty, jam m'u'unyë ma y'u'unyëtën ja tiostëjkëty ets mejy'akujk të myajpaaty. Je'eyëp ko mijts ka'ap mtiosëty, mijts mnaaxwinyëtë ja'ay mëti'ipë jëtu'un määpy tajpën tä tiosën.

Ezequiel 28:9

¿Jëtu'un je'eyëm m'ëna'ana'any ko mijts mjëtu'unëty tä tu'uk tiosën ko ënety jam ma mëtsipën myajpatnë?. Ko ënety myajpatnë ma ja'ayëtyën mëti'ipë myaj'ookanëpën mijts nitii mëk'ajtën xykyamëët'ata'any ma mnaaxwinyëtë ja'ay'ätyën.

Ezequiel 29:3

Jëtu'un xy'ënëëmëty: Jëtu'un yë Wintsën y'ënä'äny: Ëjts mmëtsipës yam n'awinpity ma mijtsën yajkutujkpë, mëti'ipë jap Egiptë ënä'ämpën, jëtu'un mijts tä tu'uk mëjnëë jëyujkën, jap mkë'ëmnëëjoty mko'knë ets m'ëna'any: Nilë, mëjnëë, ëjts yë njä'ä, ëjts të nyajkojy.

Daniel 4:27

Paaty n'ënëëmë mijts yajkutujkpë ets xypyatunëty tëkokyë mëti'ipë yam ntukwinjawëjäämpyën: mëtëy winë tun ets këtii m'ëk pokytyuunë; ëxmats yë ëxëëktu'un ëxëëk kajpxën ets putëkë yë ëyoopëja'aytyëjk. Jëtu'un jeky mjuuky'atëty ets akujk jotkujk myajpaatëty.

Nahúm 3:19

Ka'ap tii tsooy mëti'ipë myajtso'okëtëpën; yë mpu'uts ka'ap maa nyitsooy. Mëti'ipë nyija'awëtëpën ko ëxëëk mjajnë mkëpäjnë yajxon xyoontaknëtë, jä'ä ko yë'ë jyä'ämyäjtstëp wi'ix ojts ëxëëk xytyunyën.

Habacuc 1:7

Ëxëëkëm kyëxë'knëtë ets atsë'ëk ajawë yaj'ijxnëtë, yë'ëjëty kyë'ëmtëyajtën mëët myëta'aktë, ka'ap nimëti'ipë ënä'ämën kuttujkën t'ixkaptë.

Mateo 27:39

Ko ja ja'ay nyaxtë je'eyë nyëxi'ik tyukxi'ikëtë ets kyujëpiptë,