Sofonías 1:3 - Biblia Dc en Mixe de Quetzaltepec

³ Nyajkutëkoyäämpyës yë naaxwiinyëtë ja'ay, joon jëyujk ets nëë jëyujk, npëjkta'akäämpyës mëti'ipë yë ëxëëkja'aytyëjk yajkëtaw yajkëpipëtëpën ets nyajkutëkoyä'änyës yë naaxwiinyëtë ja'ay.

Biblia Mixe de Quetzaltepec

³ Nyajkutëkoyäämpyës yë naaxwiinyëtë ja'ay, joon jëyujk ets nëë jëyujk, npëjkta'akäämpyës mëti'ipë yë ëxëëkja'aytyëjk yajkëtaw yajkëpipëtëpën ets nyajkutëkoyä'änyës yë naaxwiinyëtë ja'ay.

Sofonías 1:3 ပူးပေါင်းရင်းမြစ်များ

Génesis 6:7

ojts y'ënä'äny: Nyajkutëkoyëpës ënät yë ja'ay naaxwiinypë mëti'ipës të nyajkojyën ets näjyëtu'un yë jëyujkëty mëti'ipë jëën ëkë'ëy tëjk ëkë'ëy ijtëpën tsënaaytyëpën; näjyëtu'un yë mëti'ipë myox tyukye'eytyëpën ets joon jëyujk mëti'ipë kääkjëtijtëpën. Mëkës tyam njawë koos ojts kë'ëm nyajkojy.

Isaías 27:9

Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.

Isaías 6:11

Ënätës ja Wintsën të n'ënëëmë: Wintsën, ya'atë yam xynyikäjpxyën, ¿jekyën jëtu'un y'ita'anyë? Täätsës të xy'ëtsoy: Koonëm ja naax kajpn kyutëkooytya'atëty ets jäänëm ma ënety ka'ap nitu'uk ja ja'aynyën; tëë ënety ja jëën tëjk tyukwatsta'ay, ets tëë ënety ja kam tu'u y'awinpijta'ay anë'ëk tëëtsë'ëk,

Isaías 6:12

ko ënety ja kunaax kukajpn të yajmënëjkxta'atë wiink naax wiink kajpn tsumy matsy, ets ko ënety ja kajpn tukwa'ats të wyi'imy.

Jeremias 12:4

¿Jëna'a jyëjpkëxa'any ja xëëw jëmëjt ma ja naaxwiinyëtë ka'ap anë'ëk tëëtsë'ëk y'ëk'ijnëty ets ma ja aay ujts ka'ap y'ëktëtsnëty? O'kta'ajanëp yë aayjëyujk ujts jëyujknë ets joon jëyujk mëti'ipë kääkëtijtëpën, mëët ko ja naaxwiinyëtë ja'ay ëxëëk y'ëtë'ëtstë y'ëna'antë ets y'ëna'antë ko mijts ka'ap xy'ixy yë tyuuntëko'oy kyajpxtëko'oyënëty.

Jeremias 50:3

Jam anëkëjxmtsow tu'uk ja naax kajpn tsyoona'any mëti'ipë nëjkx tyaj'awinpityën ja kajpn aanë'ëk tëëtsë'ëk. Nitu'uk yë ja'ay nëjkx jam kya'ëktsënaaynyë, yë'ëpaat aayjëyujk ujtsjëyujk ka'ap nëjkx jam y'ëkyajpatnë, ni'ikyë ja ja'ay kyäkta'aja'antë.

Jeremias 7:20

Paaty ëjts maas nWintsën'atyën, tyamës n'ëna'any ko nyajkëta'akäämpyës yë ntsip n'äkë ma ya'atë kajpnën; ma ya'atë ja'ayëtyën, ma aayjëyujk ujtsjëyujkën, ma aay kepyën aay ujtsën ets ma pëjktä'äkyën. Jëtu'unës yë ntsip n'äkë nyajnaxa'any tä patoyë jëënën mëti'ipë ka'ap pën myäyëtëty tyajpi'itsëty.

Jeremias 9:10

Nimon nituktë ja tun kopk, nijë'ë niya'axtë ja aayjyot ujtsjot, jä'ä ko tëë tyëtsta'ay ets ni pën jam kya'ëknajxnë; ka'ap y'ëkyajmëtoownë ja tsajpkaa jam myu'utë, yë'ëpaat yë joon ets aayjëyujk ujtsjëyujk mëti'ipë tsu'tstëpën të kyäkta'atë.

Ezequiel 44:12

Jä'ä ko yë'ëjëty ojts ja Israel ja'ayëty tyuktunëtë ja ëxëëkpë ko ojts ja wiink tios t'ëwtatë ets jëtu'un yajpokytyuunëtë. Paatykyëjxm nëjkx tkumëtowtë ja nyëë pyokyëty. Ëjts Wintsën, ëjts ënaanp.

Ezequiel 7:19

Jëtu'unyë tko'owëtijta'aja'antë tu'ujoty ja poop pujxn mëti'ipë myëët'ajtëpën; tä pu'uxmën t'ixko'owa'antë ja pu'ts pujxn. Oy tjamëët'atëty ja pu'ts pujxn ets ja poop pujxn ka'ap yë'ë yajtso'oka'anëtë ko ënety ja Wintsën tyukjoot'anpëkëtë. Ka'ap nëjkx myäyëtë wi'ix ja yuu xëëw tyajnaxtëtyën ets ka'ap nëjkx myäyëtë wi'ix ja myox tyaj'utstëtyën, jä'ä ko ja pu'ts pujxn jä'ä ënety të yajkuka'anaxëtë jap pokyjoty.

Oseas 14:3

Yë Asiria ja'ayëty ka'ap tjëkyepy xyajtsokmëty ets ka'ap tjëkyepy kwaaykyijxy nkäkmëty. Ka'ap mëpaat n'ëkmëkäjxënë wintsën mëti'ipë kë'ëm nyajkojëmën, jämyë ma mijtsën Wintsën, jämyë yë ku'ooky u'unk tpaatë yë näpya'ëyow nänyajts'ëyowë.

Oseas 14:8

Ets Efraín nëjkx y'ënä'äny: ¿Tiijës nyajwa'anëty yë awinax? Kë'ëmës winë n'ixy ets kë'ëmës n'ijx'ity yë nnaax nkajpn. Jëtu'unës ëjts tä tu'uk yë tsiin kepyën xëmëpë tsyuxk'ityën, ma ëjtsën tpaata'any yë nnaax nkajpnës yë jyi'kxy pyiky.

Oseas 4:3

Paatykyëjxm yë naax kajpn jëtu'un yaj'ixy o'kën tëko'oyën yowë të y'ity; ets jëtu'un yaj'ixy ka'ap yowë pën mëk'ajtën t'ëkmëët'ajnë; ets y'o'ktaaynyë ja aayjëyujk ujtsjëyujk, joon jëyujk ets nëë jëyujkpaat y'o'knë.

Zacarías 13:2

Nyajkutëkoyäämpyës tëkokyë yë awinax mëti'ipë yajpatëpën ma naax kajpnën, këtiipë pën t'ëwtatëty. Njëpëkäämpyës näjyëtu'un yë käjpxynyajxpëtëjk ets ëxëëk poj. Ëjts Wintsën, ëjts ënaanp,

Mateo 13:41

Yë naaxwiinyëtë ja'ay y'U'unk kyäxäämpy ja y'anklëstëjk ets twoowmujkta'aja'any ma kyutujktaknën mëti'ipë ja myëku'uk yajpokytyuuntëpën ets mëti'ipë ja ëxëëkpë tyuunk'ajtëpën.

Mateo 23:39

Jëtu'un yam n'ënëëmëtë ko ka'ap miits xy'ëk'ijxnëtëtyës, jäänëm ko m'ëna'antëty: Kënu'kxy yë mëti'ipë miinpën Wintsën xyëëwkyëjxm.

Apocalipsis 2:14

E tam wäänë mëti'ipës ka'ap n'oyjyawën ma mijtsën: tam ma mijtsën jënaakën yë ja'ay mëti'ipë ka'ap t'ëxmatstën ja Balaam ja y'ijxpëjkën, mëti'ipë ojts t'akajpxën ja Balac ets ja Israel ja'ay pyokytyuntëty ets tjë'kxtëty ja mëti'ipë yajtukwintsë'këpën ka'apë Tyiosëty ets ko pyokytyuntëty mëët ja wiinkpë to'oxytyëjkëty.