Sofonías 1:13 - Biblia Dc en Mixe de Quetzaltepec

¹³ Paaty yë'ëjëty wa'ats yajmä'tsta'aja'antë ma tyaj'itën yu'utsy kë'ëy yë wyit myeenyëty, yë jyëën tyëjkëty nëjkxëp kyutëkooytya'atë. Oy nëjkx jyatëjkkojtë, ka'ap nëjkx yë'ë tuktsëënëtë; oy nëjkx ja tsatsym kam tjanipëjktaakëtë, ka'ap nëjkx yë tsatym nyëë t'uuktë.

Biblia Mixe de Quetzaltepec

¹³ Paaty yë'ëjëty wa'ats yajmä'tsta'aja'antë ma tyaj'itën yu'utsy kë'ëy yë wyit myeenyëty, yë jyëën tyëjkëty nëjkxëp kyutëkooytya'atë. Oy nëjkx jyatëjkkojtë, ka'ap nëjkx yë'ë tuktsëënëtë; oy nëjkx ja tsatsym kam tjanipëjktaakëtë, ka'ap nëjkx yë tsatym nyëë t'uuktë.

Sofonías 1:13 ပူးပေါင်းရင်းမြစ်များ

Isaías 6:11

Ënätës ja Wintsën të n'ënëëmë: Wintsën, ya'atë yam xynyikäjpxyën, ¿jekyën jëtu'un y'ita'anyë? Täätsës të xy'ëtsoy: Koonëm ja naax kajpn kyutëkooytya'atëty ets jäänëm ma ënety ka'ap nitu'uk ja ja'aynyën; tëë ënety ja jëën tëjk tyukwatsta'ay, ets tëë ënety ja kam tu'u y'awinpijta'ay anë'ëk tëëtsë'ëk,

Jeremias 15:13

Mëëtkyëjxm ko mijts Israel tëë mtëkoy, paaty ja mmëtsiptëjk yë'ë nmo'oja'anyës ja mwit meeny ets tëkokyë mëti'ipë mmëët'ajtypyën jap pëjkë'ëky, tëkokyë mëti'ipë yajpatpën ma m'itjotm mnaaxjotmën, yë mëtsip yë'ë myënëjkxta'ajäämpy namëyajtën.

Jeremias 17:3

ets jam muum aayjyotm ujtsjotm. Mëët ja nëë poky mëti'ipë të xytyunyën, mijts mniminanëp yë mä'tspë ets tyajnëjkxta'aja'any ja mwit mmeeny ets mëti'ipë pëjkë'ëky myaj'ijtypyën, wa'ats tyajnëjkxta'aja'any, ja mpëjktä'äky mëti'ipë jam muum myaj'ijtypyën tunkëjxm kopkëjxm ets ma tëkokyë ja m'itjot mnaaxjotmën.

Jeremias 4:20

Aakyë'ë yajmëtoop ëyo'on jotmay tyunyë jyätyë; xit ko'ow ja naax kajpn yajpaaty. Ajotkumonë të mya'ta'ay ja ijtakn ma ja ntsiptuunpëtëjkës y'itën, ja ijtakn mëti'ipë witnikojyën.

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.

Jeremias 5:17

Nëjkxëp tjë'kxta'atë mëti'ipë të xynyiyu'u të xynyitunën, nëjkxëp tkaaytya'atë yë mtsajpkääky, yë'ëpaat yë m'u'unk m'ëna'k ye'etyëjkpë to'oxytyëjkpë nëjkx tsu'utstë. Ja mkupixyny ets ja mjëyujk mtsajpkaa wa'ats tsu'tsta'aja'antë, yë mtsatym kyam ets mxe'enky kyam wa'ats tyajpëtë'kta'aja'antë. Mëët yë tyi'pxnëty kyu'umënëty tyajkutëkoya'antë yë mnaax mkajpn mëti'ipë ënety mtijpyën ko tya'tspëkyëty ets kyëwent'atyëty.

Jeremias 9:11

Yë Jerusalén kajpn, tsaa jëtätjot ets wax ijtakn nyaj'awinpita'anyës; yë Judá kajpn aanë'ëk tëëtsë'ëkës nyaj'awinpita'any ets ni pën jam kyatsëënëja'any.

Jeremias 9:19

Jampaat Sión, tsyoony yë mëto'owën ko yë ja'ay tmëjë'ë tmëya'axtë ja pëjkën ijxën: Janty mon janty tuk ëëtsajtëm nyajpatëmë, jä'ä ko xit ko'ow të njajta'ayëmë. O'ktëy të njajtëmë. Koonëm ja nnaax'ajt nkajpn'ajtëm ënät n'ëxmajtsmëty, xit ko'ow të jyajta'ay ja ntëjk'ajtëmë.

Lamentaciones 5:2

Aak wiink naax wiink kajpn yajpaaty mëti'ipë ijty ëëts njä'ä'ajtëpën; ja njëën ntëjkëtyës wiink ja'ay ja tyam jyä'ä'ajnëtëp.

Ezequiel 22:31

Paatykyëjxmës të nyajkëtä'äky yë ëyo'on ma yë'ëjëtyën etsës të nyajtooytyëkoytyë mëët ja ntsip n'äkës, etsës të ntukëpätë mëët ko të tyuuntëkoytyë. Ëjts Wintsën, ëjts ënaanp.

Ezequiel 7:19

Jëtu'unyë tko'owëtijta'aja'antë tu'ujoty ja poop pujxn mëti'ipë myëët'ajtëpën; tä pu'uxmën t'ixko'owa'antë ja pu'ts pujxn. Oy tjamëët'atëty ja pu'ts pujxn ets ja poop pujxn ka'ap yë'ë yajtso'oka'anëtë ko ënety ja Wintsën tyukjoot'anpëkëtë. Ka'ap nëjkx myäyëtë wi'ix ja yuu xëëw tyajnaxtëtyën ets ka'ap nëjkx myäyëtë wi'ix ja myox tyaj'utstëtyën, jä'ä ko ja pu'ts pujxn jä'ä ënety të yajkuka'anaxëtë jap pokyjoty.

Ezequiel 7:21

Nyajminäämpyës yë ja'ay mëti'ipë wiink naaxwiinyëtë tso'onpën ets myä'tsta'ajëtëty, nyajminäämpyës yë ja'ay mëti'ipë ka'ap pën tsyokyën ets winë pyëjkëtya'ajëtëty ets yaj'awinpitëtëty ëxëëkëm tsaatsyëm.

Ezequiel 7:24

Ëjts nyajminäämpyës yë ja'ay mëti'ipë ëxëëkja'ayëtyën ets yë'ë tjä'ä'atëty yë tëjk mëti'ipë jam ma naax kajpnën. Nyajkëxäämpyës yë myëj'ajt kyëjxm'ajtën yë ja'ayëty mëti'ipë tyam ënä'ämtëpën; nyajkutukäämpyës ets kyutëkooytya'ajëty maajaty t'ëwtatën yë y'awinaxëty.

Amós 5:11

Tyam m'atä'än mtuktä'äntëp ja ëyoopëja'ay ets mtuk'ajuuytyujktëp ko jyi'kxy pyiky tpaaty; ko tpaatëty yë xëëw jëmëjt ka'ap nëjkx xytyuktsëënëtë yë mtsaatëjkëty mëti'ipë të xykyojtën ets nen ka'ap nëjkx xy'uuktë yë tsatym nyëë mëti'ipë të xynyiyu'ujëtën.

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Miqueas 6:15

Mjani'ip mjakojëp, je'eyëp ko ka'ap nëjkx ja pëjktä'äky xyajpëtë'ëky; mjanijëtsëp yë aceitunas, je'eyëp ko ka'ap nëjkx yë y'on xyajtuunë; mjawintäänëp yë tsatsym, je'eyëp ko ka'ap nëjkx xy'ukë yë nyëë.

Sofonías 1:9

Ntëytyunäämpyës näjyëtu'un jä'ä xëëw mëti'ipë tëjk'apu'uy nyiwa'knajxypyën ets mëti'ipë tëë tyajtuktuktën ja jëën tëjk mëti'ipë ja wyintsëntëjkëty jyä'ä'ajtëpën mëët ja näwyin'ë'ënën ets mëët ja tsiptuunk tsip käjpxy.

Deuteronomio 28:30

Nëjkxëp xyjyanijämyëët'aty yë to'oxytyëjk, e wiink ja'ay nëjkx myëët'atyë. Nëjkxëp ja mjëën mtëjk xyjyakojy, e yë'ë ka'ap nëjkx xytyuktsëënë, mjanipëjktaakëp ja mtsatym kyam, ka'ap nëjkx xyjyi'kxy. Jä'ä ko wiink ja'ay nëjkx tjë'kxta'ay.

Deuteronomio 28:39

May yë mtsatsym xyjyapänëty ets mëk xyjyakëwent'atëty, ko ja xëëw po'o tpaatëty ni tu'ktsuny yë tsatym nyëë xykyajawëty. Jä'ä ko ja tënë'k yë'ë ënety të tyajwintëkooytyä'äy.

Deuteronomio 28:51

Nëjkxëp tkutsu'tsta'atë ja mjëyujk mtsajpkaajëty ets tjë'kxta'atëty ja m'aaytyëëm m'ujts tëëm; jëtu'unyë nëjkx mnajtswitsëty, nitu'knuukyën yë tsajpmok, nitu'knu'unën yë on ets ni tu'ktsunyën yë tsatym nyëë, näjyëtu'un ja mjëyujkëty mtsajpkaajëty mtsajppaxëty mkupixynyëty mëti'ipë mëët'ajtypyën wa'ats nëjkx tyajnëjkxta'atë ets nëjkx mijts myuu'o'knë.