Sofonías 1:12 - Biblia Dc en Mixe de Quetzaltepec

¹² Jä'ä xëëw jëtu'unës yë Jerusalén kajpn ntuk'ixëja'any ntukwoonëja'any tä ja'ay kutë'kxy akootstuuy y'ixy wyoonyën. Etsës ntëytyuna'any mëti'ipë jotkujk'ajtëpën ets tu'k'ityë yajpaatë tä yë tsatym nyëë nyimaanaxyën ets mëti'ipë kë'ëm nämyä'äy nätyajëpën: Yë Wintsën oy ka'oy winë tuny.

Biblia Mixe de Quetzaltepec

¹² Jä'ä xëëw jëtu'unës yë Jerusalén kajpn ntuk'ixëja'any ntukwoonëja'any tä ja'ay kutë'kxy akootstuuy y'ixy wyoonyën. Etsës ntëytyuna'any mëti'ipë jotkujk'ajtëpën ets tu'k'ityë yajpaatë tä yë tsatym nyëë nyimaanaxyën ets mëti'ipë kë'ëm nämyä'äy nätyajëpën: Yë Wintsën oy ka'oy winë tuny.

Sofonías 1:12 ပူးပေါင်းရင်းမြစ်များ

Job 21:15

¿Pën maaytyääyëp winë ets yë'ë nmëtu'unmëty? ¿Tii npëjkmëp npatmëp ko yë'ë nmënu'kxtakmëty?

Salmos 10:4

Yë ëxëëk ja'ay amëj akëjxm yë wyiin jyëjp tsajptijy ets y'ënä'äny: ko ka'ap ma Dios, pën xy'ëkyajtëwëpës tiis ntuunpy nkäjpxypën. Yi'iyë myääpy tyäjpy.

Salmos 14:1

Ja'ay mëti'ipë winma'anytyukën ënaanp ko ka'ap ma Dios, tëë wyinma'any tyëkooytya'atë, aakyë'ë të tuntë ëxëëkpë. Ka'ap ma pën mëti'ipë oypyë tyunëpën.

Salmos 94:7

Jëtu'un myäytyë tyajtë ko yë Wintsën ka'ap tii t'ixy, ko Dios mëti'ipë Jacob Tyios'ajtypyën, ka'ap tii tnijawë ets ka'ap tii tunyë këwentë.

Isaías 5:19

Miitsëty mëti'ipë ënantëpën: Wä'än yë Dios tsojkyë tuunkojy tii tyunäämpyën ets n'ijxmëty; wä'än tsojkyë tuunkojy mëti'ipë të tuknipëjktaakën, ets nija'awëmëty.

Jeremias 10:5

Yë y'awinaxëty jëtu'un yaj'ixy tä kamwintëyën ma melón ja'ay tyaj'ityën; ka'ap kyäjpxy ets ka'ap ye'ey, kë'ëm muum ja'ay tmënëjkxy.

Jeremias 48:11

Yë Moab ja'ayëty jotkujk xëmë të jyuuky'atë, nijëna'a muum të kyanëjkxtë tsum matsy wiink naax wiink kajpn. Jëtu'un tä tu'uk yë tsatym nyëë tëëpë nyimaanaxyën tu'tsjotypë y'ityën ets ka'ap ëpëky yajtäämnaxy wiink tu'tsjoty, xëmë xu'kx jyawë ets pa'ak xëmë y'ity.

Ezequiel 8:12

Etsës të xy'ënëëmë: ¿Ix wi'ix y'ëtë'ëtstën yë Israel mëjja'aytyëjk yu'utsy me'ty?, aaktam yë y'awinaxëty nitu'ukjaty. Yë'ë jëtu'un yë myäytyë tyajtë ko ëjts ka'apës yowë tii n'ixy, ko tëëjës yë kajpn nja'atyëkooynyë.

Ezequiel 9:4

ets të t'ënëëmë: Tukjëtijtëtya'a yë Jerusalén kajpn ets xypyëjkta'akëty tu'uk yë ijxpäjn ma wyimpokëtyën yë ja'ayëty mëti'ipë moontëp tujktëpën ko ja ja'ay ëxëëk y'ëtë'ëtstë y'ëna'antë jap kajpnjoty.

Ezequiel 9:9

Ënet ja Dios xy'ëtsooyës: Mëj këjää të pyokytyuntë Israel ja'ayëty ets Judá ja'ayëty. Ujts yë naax kajpn yajpaaty mëët yë o'kën tëko'oyën; ka'ap jyam'aty oypyë nipaye'eyën. Jëtu'un yë myäytyë tyajtë ko tëëjës nja'atyëkooynyë yë naax kajpn ets ka'apës n'ixy mëti'ipë tyuuntëpën kyajpxtëpën.

Amós 6:1

Janty mon janty tuk ja'ay yajpaatë mëti'ipë jotkujk'ajtëpën jam Sión. Janty mon janty tuk ja'ay yajpaatë mëti'ipë ka'ap tiijotmay tmëët'atën jam Samaria, ja kopktëjkëty mëj'äämpyë y'itën ma ja naax kajpnën, ma Israel ja'ayëty poj'am nyëjkxtën ko tiijotmay tpaatë.

Abdías 1:6

Mijts Esaú y'u'unk y'ok, tëë myajmä'tsta'ay, tëë yajmä'tsta'ay tëkokyë ja mwit mmeeny.

Malaquías 2:17

Tëë yë Wintsën y'ënu'kxënë ko je'eyë mtyäty nyä'ämtë; ets miitsëty ni'ikyë m'ëna'antë: ¿Maaxë nä'ämtës ko y'ënä'äny ko tëë y'ënu'kxënyë, ëkë wi'ixën të n'ënëëmëtës? Miitsëty jëtu'un të m'ëna'antë ko yë Wintsën yë'ë y'oyjya'ap yë ja'ay mëti'ipë winë tyuuntëkoopyën ets ko jotkujk nyäjyawëty ko jëtu'un y'ëtë'ëtstë y'ëna'antë. Miitsëty ka'ap xymyëpëktë ko yë Wintsën mëtëy winë tnipaye'ey.

2 Pedro 3:4

ets tyajtëwa'antë: ¿Wi'ix ko jëtu'un ja Dios ja y'aaw y'ayuk y'ënä'äny ko ja Kristë myina'any jatëkok, ka'ap maa yaj'ixy? Tëëyëp ja n'ap'ajt n'ok'ajtëm y'o'ktaaynyëtë ets je'eyëm winë yaj'ixy ijxtëm ja naaxwiinyëtë tsyo'ontäkyën.