Sofonías 1:11 - Biblia Dc en Mixe de Quetzaltepec

¹¹ Jë'ëtë ya'axtë miitsëty mëti'ipë jam Kajpnpë'am tsënaaytyëpën, ma kumeenyjyä'äytyëjk tsyëënëtën, jä'ä ko o'kta'ajantëp yë ja'ayëty mëti'ipë ajuuy ato'ktëpën ets y'o'kta'aja'antë yë ja'ayëty mëti'ipë wit meeny tsyoontëpën myajtstëpën.

Biblia Mixe de Quetzaltepec

¹¹ Jë'ëtë ya'axtë miitsëty mëti'ipë jam Kajpnpë'am tsënaaytyëpën, ma kumeenyjyä'äytyëjk tsyëënëtën, jä'ä ko o'kta'ajantëp yë ja'ayëty mëti'ipë ajuuy ato'ktëpën ets y'o'kta'aja'antë yë ja'ayëty mëti'ipë wit meeny tsyoontëpën myajtstëpën.

Sofonías 1:11 ပူးပေါင်းရင်းမြစ်များ

Santiago 5:1

Mëtowtë miits, kumeenyjyä'äyëty. Mëjë'ë mëya'axtë ja m'ëyo'on mjotmayëty mëti'ipë mpaatantëpën.

Ezequiel 21:12

Mijts ye'etyëjk, ya'ax jok, jë'ë ya'ax, jä'ä ko tëë kajpn nyitukë ets ja ja'ay y'o'kta'atëty, tëkokyë Israel yajkutujkpëtëjk. Tëë nyitujkëtya'atë ets y'o'kta'atëty mëët tu'kë'ëyë yë naax nkajpnës, paaty jotëkoy ets näkyätsykyoxët.

Jeremias 25:34

Ya'axtë kupixyny këwent'ajtpë, ya'axtë joktë mëët ja pëjkën ijxën. Jä'ä ko tëë tpaaty ja nyixëëw ma ja o'kën tëko'oyën y'ita'anyën ets miitsëty jëtu'un mmëtsip myaj'ooka'anëtë tä ja'ay tyaj'ookyën yë kupixyny.

Juan 2:16

Ënet ja pak to'kpë yaj'ënëmaaytyë: Yajpëtsëmtë ya'atë yaa, ka'ap tjëkyepy miits maaytyëjkën xywa'antëty ja nTeetyës ja tyëjk.

Joel 1:13

Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Joel 1:5

Miitsëty, ëmu'ukyëjyä'äytyëjkëty, ëkwijtë. Jë'ëtë ya'axtë mëti'ipë tyukjajtëpën y'uuktëty myu'ukëtëty, miimp ja xëëw jëmëjt jëna'a nëjkx myajpëjkëtë yë tsatym nyëë tëëpë nyimaanaxyën.

Oseas 9:6

Yë'ëjëty tëë tkukakta'atë ja kutëko'oyën; Egiptë ja'ay nëjkx yajmukëtë ets nëjkx yajnaaxtëkëyëtë jam Menfis. Nëjkxëp yë pyoop pujxnmeeny nyi'ëëxyoonta'ay ets ma ënety jam yë myëtsip tna'ityën äpny nëjkx jam yoontäkta'ay.

Jeremias 4:8

Paaty miitsëty, tuktëkëtë ja mwit mëti'ipë kuumpën u'kxpën ets jë'ëtë ya'axtë tä jeexyë mpëkëtën, jä'ä ko yë Wintsën yë y'äkë ka'ap tu'ukyë të xytyim'ëxmajtsëmë.

Job 27:16

Oy yë ëxëëkja'aytyëjk tjanipëjkpätëty may yë wit meeny tä naaxwayën ets may'äämpy yë wyit tyujkxy tmëët'atëty,

Job 27:17

oyjyä'äy nëjkx tääpë wit tyajtuny ets oyjyä'äy nëjkx tääpë wit meeny tjä'ä'aty.

Sofonías 2:5

Mon tuk miitsëty myajpaatë, Creta ja'ayëty, mejypyë'aaypyë tsyëënëtën. Tëë yë Dios myajnitukëtë: Mijts Canaán kajpn, ma filistejë ja'ay tsyëënëtën, nyajkutëkoyäämpy yam ets ni tu'ukës ja'ay nkayajwë'ëma'any ma mnaax mkajpnën.

Zacarías 14:21

Tu'kë'ëyë yë jëënpajk jä'pn, mëti'ipë jam Jerusalén ets Judá yajpatpën, nëjkxëp yajtuknikënu'kxëtyä'äy ja Wintsën, mëti'ipë maaytyääyëpën winë. Mëti'ipë ënety yakantëpën ja wyintsë'kën, yë'ë nëjkx tyajtuntë ets yë'ë nëjkx mëët tsa'atë tno'oktë ja jëyujk ooky. Jä'ä xëëw ka'ap nëjkx jam y'ëk'ijnëtë ja'ayëty mëti'ipë ajuuy ato'ktëpën.