Santiago 5:8 - Biblia Dc en Mixe de Quetzaltepec

⁸ Näyjyëtu'un miits mëët'atë ja mä'kxtujkën, tu'ukyë ja winma'any xyaj'itëty, jä'ä ko wiinkoonp ja xëëw ma ja Wintsën myina'anyën.

Biblia Mixe de Quetzaltepec

⁸ Näyjyëtu'un miits mëët'atë ja mä'kxtujkën, tu'ukyë ja winma'any xyaj'itëty, jä'ä ko wiinkoonp ja xëëw ma ja Wintsën myina'anyën.

Santiago 5:8 ပူးပေါင်းရင်းမြစ်များ

Génesis 49:18

Wintsën n'ëwxijtypyës ets mijts xyaj'ëwaatsëpëtsëmëtyës ets xyajtso'okëtyës.

Salmos 130:5

Yajxon ëmuumtu'ukjot n'ëwxityës yë Wintsën, n'ëwxityës jëtu'un yë nWintsënës, ets y'aaw y'ayuk yë'ëjës ntuk'ijxpejtyp.

Salmos 27:14

Tuk'ijxpät yi'iyë yë Wintsën. Jotmëk it. Këtii mmay mtajy. Tuk'ijxpät yë Wintsën.

Salmos 37:7

Ko myajpaatëty Wintsën wintuuy amonyë m'itëty; je'eyë ëwxit mä'kxtuk, xy'a'ix xyjyëjp'ixëty jëna'a mputëkëty. Këtii xy'ëxëëkjawëty ko yë ja'ay nyämyëmëta'akëtëty ma jyuuky'ajtënën, ets ko pën ëxëëk winë tuknipëjktaakëty.

Ezequiel 7:12

Tyam, tëë ja xëëw tpaaty. Ma ja to'kpë yajkpë ka'ap tii t'ëktukxoontaknëty, yë'ëpaat mëti'ipë ajuupyën ka'ap ja mëk'ajtën t'ëkmëët'ajnëty wi'ix myonëty tyukëty. Ëwa'an'ajtën yam mëët ntëytyuna'anyës yë Israel ja'ayëty ko amëj akëjxm nyäyjyawëtë.

Miqueas 7:7

E ëjts Wintsënës ntuk'ijxpejtyp; jamës yë n'ijxën mpëjktä'äky ma Tiosën mëti'ipë yajnitsokpën, jä'ä ko xymyëtoow'itaanpës yë'ë.

Habacuc 2:3

Ka'anëm tpaaty ja nyixëëw ets y'atëwëty ya'atë wiinkëma'ay; yë'ë koonëm yë y'atëwa'any. Mijts ëwxit oy pyo'oxëty, jä'ä ko jää y'atëwa'any ko ënety yajxon të tpaaty ja nyixëëw.

Lucas 21:19

Aamëk jotmëk näpyëjkta'akëtë ets ja nitsokën xypyaatëty.

Juan 21:22

Ënet ja Jesús y'ëtsoowë: Pën ntsojkpyës ets jyuuky'atëty jääpaat maajës ënety nwinpityën, ¿ka'ap kyopkpëkyëty ets mijts xynyijawëty? mijts pamiinkës.

Romanos 8:25

E mëti'ipë njëjp'ijxëmën ets ka'ap tii n'ijxëmë mëët ja nwiin'ajtëmë, ëyo'owmëp ko jeky n'ëwxijtëmë.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Filipenses 4:5

Wä'än ja ja'ay nijawëtë ko yujy naxym mja'ay'atë. Tää ja Wintsën tyimwiinkony.

1 Tesalonicenses 1:10

ets xyjyëjp'ixtë ko myina'any ja Jesús, ko tsyoona'any jam tsajpjotm ja Dios U'unk, mëti'ipë juukpyëjkën. Yë Jesús yë'ë xyajnitso'oka'anëm ma ja mëj ëyo'onën mëti'ipë miimp wiinkoonpën.

1 Tesalonicenses 2:19

Jä'ä ko ¿pën n'ëktukjotkujk'atëpës ets jotkujk xyajnäjyawëtëtyës, ëkë pën jëtää ëëts n'ëktukxoonta'aktëp ëkë mëj xyajnaxtëpës jam ma Wintsën Jesukristën ko ënety myiny? ¿Këtii myiits'atë, këtii tyiyëtyë?

1 Tesalonicenses 3:13

Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Dios wyintum ko ënety myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

2 Tesalonicenses 3:5

Ja Wintsën mputëkëtëp ets xymyëët'atëty ja nitsokën ijxtëm ja Dios tsokyën ets xymyëët'atëty ja jotmëk'ajtën mëti'ipë Kristë mmooyëtëpën.

Santiago 5:3

Tëë ja mpu'ts pujxn mpoop pujxn tyowëtyä'äy, ko jëtu'un të jyajta'ay ëxëëk mjata'antë ets jëtu'un mkutëkoya'antë jëtu'un tä tii tyooytyëkoyën. Tëë xynyipëjkpätë ja wit meeny ma ja xëëw kyëxanën.

Santiago 5:9

Mëku'uktëjkëty, ka'ap mnämyëkajpx mnäpya'tkajpxëtëty, këtiipë ja Dios mtëytyunëtëty ets mpaye'eyëtëty, jä'ä ko ja Dios, ja tëytyuunpë paye'epyë, tim winkon jä'änë.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

Apocalipsis 22:20

Mëti'ipë ya'atë nyikäjpxypën, jëtu'un y'ënä'äny: Tsojk mminëty. Min Wintsën Jesús, tsojk min.