Santiago 5:5 - Biblia Dc en Mixe de Quetzaltepec

⁵ Akujk jotkujk miits yaa naaxwiiny të myajpaatë, tä tsajpkaajën të mni'kxëtë, tëë timpyääty jëna'a ja tsajpkaani'kx y'ooka'antën.

Biblia Mixe de Quetzaltepec

⁵ Akujk jotkujk miits yaa naaxwiiny të myajpaatë, tä tsajpkaajën të mni'kxëtë, tëë timpyääty jëna'a ja tsajpkaani'kx y'ooka'antën.

Santiago 5:5 ပူးပေါင်းရင်းမြစ်များ

Salmos 17:14

Mëët yë mëk'ajtën, Wintsën, yajpëtsëëmkës jap ma yë'ëjëtyën. Wä'än yaa tyajpaatë naaxwiiny ma kyuma'ayën të yajmo'otën. Wä'än näyajkumeenytya'akëtë ets wä'än yë y'u'unk tkaytyë t'uuktë ku'uxyë koonëm pyëjwa'kxtëty ets jyaak natëkëty mëti'ipë y'ok'u'unk y'ok'ëna'k tyukjë'kxëpën.

Salmos 73:7

je'eyë janty ni'kxëty kyëxë'knëtë, mëpaatëp wyiintsaa pyëtsëëmnëtë; kanaak yajxon mëti'ipë ëxëëk myëmaay myëët'ajtëpën.

Proverbios 17:1

Jaak'oy ko ja'ay kääky tsyë'ëts tkay ets jotkujk nyäjyawëty, këtiinëm ko ja'ay xëmë xyëëwtuny ets tsiptuump jyuuky'äty.

Proverbios 7:14

Ëjts tëëjës tu'uk yë waantakën mpëjktä'äky, wintsë'kën nyakäämpyës, maas ja nay'ëëw'oy näykyajpx'oyë ntuna'anyën, e tyam të tpaaty maas ja jëtu'unpë ntunëtyën,

Eclesiastés 11:9

Miitsëty ëna'ktëjkëty, tukxoonta'aktë mjuukyajtënëty ma tyam ëna'knëm myajpaatën; tukxoontä'äky oypyë jaantypë ma tyam tjëkyepyën. Tun winë jëtu'un ijxtëm mwinma'anypyäatyën ets mëmay mëtaj winë ijxtëm yë m'aaw mjot y'ënä'änyën ets ix tii mtimy'ixäämpyën, je'eyëp yë'ë mnijawëp ko tëkokyë mëti'ipë mtuumpy mkäjpxypën ets mëti'ipë mëmääpy mëtäjpyën ets mëti'ipë m'ijxypyën, yë Wintsën nëjkxëp m'amëtoowta'ayë ets myajtëëwta'ayë.

Isaías 22:13

Tyam xoontaktëp ja ja'ayëty ets äjtstëp pujtëp, janaam jatsojk tjantyaj'ooktë tsajpkaa ets kupixyny, kyäytyë jyë'kxtë ënät ets y'uuktë pyëktë.

Isaías 3:16

Näyjyëtu'un yë Wintsën y'ënä'äny: Ja to'oxytyëjkëty mëti'ipë jam Sión kukajpnajtëpën, ja amëj akëjxmëpë jyuuky'atën; ja në'ix pa'at'ijxpë jyä'äy'atën, ja wiinkonjatypë nyajtswa'akëtën ets mëti'ipë yaj'ënantëpën ja tyekytsyum,

Isaías 47:8

Paaty tyam n'ënëëmë ets xymyëtoow'itëty yajxon mëti'ipë yam ntuk'ënëëmëjäämpyën, mijts to'oxytyëjk mëti'ipë wit meeny y'atsojkpyën ets ka'ap nijënu'un mkumay mkutajë jam ma mkutujktaknën, ets mnämyä'äy mnätyajxëty: Ëjts, ëjts nätyu'uk; ka'apës nijëna'a nku'ookëtëty ets ka'apës nijëna'a u'unktuk nwë'ëmëty.

Isaías 56:12

ets y'ëna'antë: Ja'am nëë n'ixta'ayëmë ets aakyë'ë mëknëë mëti'ipë mukpën, yajxon nmuktëko'oyëmëty. Näyjyëtu'un jëpom jatëkok tä tyamën, ëkë wä'än jaakni'ik.

Jeremias 12:3

E mijts Wintsën wa'atsës xy'ixy'äty; mnija'ap wi'ixës nmay ntajyën ma mijtsën. Mënëjkxta'a tääpë ja'ayëty jëtu'un tä yë ja'ay tmënëjkxyën yë kupixyny ma y'o'ktaknën; tuknikä'tsta'a jëna'a tyuka'ajëtë o'kën.

Jeremias 25:34

Ya'axtë kupixyny këwent'ajtpë, ya'axtë joktë mëët ja pëjkën ijxën. Jä'ä ko tëë tpaaty ja nyixëëw ma ja o'kën tëko'oyën y'ita'anyën ets miitsëty jëtu'un mmëtsip myaj'ooka'anëtë tä ja'ay tyaj'ookyën yë kupixyny.

Ezequiel 16:49

Jä'ä ko yë m'uty Sodomë, mëët yë mutskëtypë nyaax kyajpn, paaty ijty mëj këjxm nyäyajnaxëtë jä'ä ko tam may tmëët'atë jyi'kxy pyikyëty ets jotkujk yajpaatë, je'eyë ko ka'ap ojts nijëna'a tputëkëtë yë ëyoopëja'ay ets mëti'ipë winë yajmëyäjtypyën.

Ezequiel 39:17

Ojtsës yë Wintsën näjyëtu'un xy'ënëëmë: Ënëmaaytya'a yë joonëty ets kaa jëyujkëty wä'än tu'ukmuktë na'ëwtityë ma Israel yë kyopkën ets t'ixtëty wi'ix ja o'kën tëko'oyën nyaj'ita'anyës. Jyëkyäpëp tsu'utstëty tjë'kxtëty ja tsu'utsy ets t'uuktëty ja ne'pny;

Amós 6:1

Janty mon janty tuk ja'ay yajpaatë mëti'ipë jotkujk'ajtëpën jam Sión. Janty mon janty tuk ja'ay yajpaatë mëti'ipë ka'ap tiijotmay tmëët'atën jam Samaria, ja kopktëjkëty mëj'äämpyë y'itën ma ja naax kajpnën, ma Israel ja'ayëty poj'am nyëjkxtën ko tiijotmay tpaatë.

Lucas 16:19

Jam ijty tu'uk ja kumeenyjyä'äy, xoxy pëky, oytyuny, aak winjemy nyäxyoxyë ets xëmë ka'ayën ukën mëj nipëjktaakë.

Lucas 16:25

Tääts ja Abraham y'ënëmaayë: U'unk, yë'ë mja'amyätsëp ko mijts akujk jotkujk të mjuuky'äty naaxwiiny; yë Lázaro, tëë y'ëyoy; e tyam, tëë tpaaty ja jotkujk'ajtën; mijts tyam mtuka'ajëp ets mëk m'ëyowëty.

Romanos 13:13

Tsojk winë oy ntu'unëm ijxtëm xëëny tii yajtunyën. Ka'ap je'eyë xëmë n'ukmëty nmukëmëty, ka'ap xim yam yë ye'etyëjk t'ixëty yë to'oxytyëjk ëkë yë to'oxytyëjk xim yam yë ye'etyëjk, ëkë xim yam pën mëët ntsiptu'unmëty.

1 Timoteo 5:6

E ja ku'ooky tyo'oxytyëjk mëti'ipë ukp mukëpën ëkë äjtsp pujtpën, jëtu'un ja nyäxy tä jeexyë y'ooky'ityën ma jyuuky'ätyën.

2 Timoteo 3:4

Kyë'ëyakantëp ja myëku'ukëty, tyimtuna'antëp winë ijxtëm ja jyot wyinma'anyëtyën, jëtu'un winë tuna'antë ijxtëm tsojkën'atën ets ka'ap ja Dios t'ixta'aja'antë.

2 Pedro 2:13

Tukupätëtëp ja Dios ijxtëm ja myëku'uktëjk tmëtëkoytyën, akujk jotkujk nyätyijëtë ko ja y'ëxëëk winma'any tyajnikëxë'ëktë. Je'eyë yajtsëtyuntë ko jam yajpaatë ma miits mxëëtuntën ets y'ëtë'ëtstë y'ëna'antë wiinkjaty.

Judas 1:12

Je'eyë yajtsëtyuntë ko jam kyäytyë y'uuktë ma miits mxëëwtuntën, ko jam y'ätstë xyoonta'aktë ets ka'ap ninu'un wyinkutsë'ëkëtë. Jëtu'un y'ëtë'ëtstë ijxtëm jënaakën ja kupixyny këwent'ajtpë kë'ëm je'eyë nyäkyëwent'atyë. Jëtu'un yë'ëjëty ijxtëm yootsën ka'apë nyëëmëëtëtyën mëti'ipë pojjëtijtpën. Ijxtëm yë kepyën ka'apë tyëëmpetyën ma jyapaatyën, nikë oy ko tyimyajwijxë'ëkëty tyiktspaat ets tyimtë'ëtsëty.

Apocalipsis 18:7

Tëytyuntë tsaatyuntë ijxtëm pyaat'atyën, jä'ä ko tëë tuntë winë ëxëëk. Jëtu'un y'ënä'äny jyootjoty wyinma'anyjoty: Tyaajës n'u'unyë ijxtëm tu'uk yë yajkutujkpën to'oxytyëjkpë. Ka'apës nku'ooky tyo'oxyëty ets ka'apës n'ëyowa'any.

1 Samuel 25:36

Ko ja Abigail jyä'äjty ma tyëjkën, tä t'ijxy ko ja Nabal tyäty xyëëwtuump ënety jam, jëtu'un tä tu'uk yë yajkutujkpë xyëëwtunyën. Janty jotkujk nyäjyawëty ets yajxon myukënë. Paatykyëjxm ka'ap wi'ix t'ënëmaay koonëm ojts wyijy.

1 Samuel 25:6

Näyjyëtu'un ja ayuk tmo'otëty: Jëëky mëku'uk ëxajë kupëk ya'atë nkajpxpo'kxënës ets ya'atë oy'aaw oy'ayuk yam ntuknikejxyp ma mijtsën ets ma ja mjëëky mëku'ukën.