Santiago 5:20 - Biblia Dc en Mixe de Quetzaltepec

²⁰ nijawëtë ko pën ja pokyjyä'äy tyajwinpityp ma pokyjotm yajpaatyën, jap ënety të tyajpëtsëmy o'ktujk ets yë'ëkyëjxm ja ja'ay may ja pyoky yajnimä'kxa'antë.

Biblia Mixe de Quetzaltepec

²⁰ nijawëtë ko pën ja pokyjyä'äy tyajwinpityp ma pokyjotm yajpaatyën, jap ënäty të tyajpëtsëmy o'ktujk ets yë'ëkyëjxm ja ja'ay may ja pyoky yajnimä'kxa'antë.

Santiago 5:20 ပူးပေါင်းရင်းမြစ်များ

1 Pedro 4:8

Yë'ë tim kopkpëky ko ni'ik mnätsyokëtëty nixim niyam, jä'ä ko yë nätsyokë myä'kxtääpy yë poky.

Proverbios 10:12

Yë näy'ëxëëk'ixë je'eyë yajtsiptuny, e yë tsojkën ja'awën myä'kxtääpy yë nëë poky.

1 Timoteo 4:16

Mnäkyëwent'atëtëp kë'ëm ets mëk xykyëwent'atëty mëti'ipë ja'ay mtuk'ijxpëjkpyën ets jotkujk myajpaatëty. Pën mtuumpy jëtu'un, mpaatëp ja nitsokën ets myajnitso'okëp ja mëti'ipë ënety mëtoow'ijtëpën.

Romanos 11:14

Njatsojkpyës ets jeexyë ja jutiis ja'ayëty wiink tjawëtë ko miits ja Dios të xymyëpëktë, jëtu'un tjëkyäpëty wi'ix tpaatëty ja nitsokën.

Proverbios 11:30

Yë tëypyë nipaye'eyën, juukyajtën yäjkpy; e tsiptu'un tsipkajpxën yë'ë yaj'atëkoopy.

Santiago 5:19

Mëku'uktëjkëty, pën jam ma miitsëtyën nitu'uk ja mëku'ukëty nyë'ëtëkoy tyu'utëkoy ets jam pën ja wiinkpë mëti'ipë wyijtswinpijtypyën,

Santiago 1:15

Ets ko ja ëxëëk atsojkën nyätyukmëmëtä'äkyë, ënät pyokytyuny; ets ko pyokytyuny, ënät ja o'kën tyukpaatyë.

1 Corintios 9:22

Koos të nyajpaaty ma ja ja'ayëtyën mëti'ipë ka'ap oy myëpëktën, jëtu'unës të näpyëjktä'äkyë ijxtëm yë'ëjëtyën ets nmëmëta'aka'antës ets tmëjjaw tjaantyjawëtëty ja Kristë. Paatyës jëtu'un të näpyëjktä'äkyë ijxtëm yë'ëjëtyën, ets oy tyimtu'uk tyimmäjtskëty tpaatëty ja nyitsokën.

Proverbios 11:4

Yë wit meeny nijënu'un kyatuna'any ko ënety ja poky yajnipaye'ey, je'eyëp ko jyää'aty ja nipaye'eyën, mayjyä'äy tpaatë nitsokën.

Salmos 32:1

Xoontä'äky yë ja'ay yajpaaty mëti'ipë nyëë pyoky tëë yajme'kxyën tu'kë'ëyë.

Juan 5:24

Tëy miits nëëmëtë, pën xy'amëtoow'ijtpës ets tmëpëky mëti'ipës xykyäjxpën, pyaatëp y'ixëp ja juukyajtën xëmëkyëjxmëpë ets ka'ap yajpoky'ixëty, tëë ënety tu'knax ja o'kën ets tëë ënety tpaaty ja juukyajtën.

Proverbios 10:2

Yë wit meeny mëti'ipë yajpatpën mëët yë ëxëëk jot ëxëëk winma'any, ka'ap pën oy tyajtuny; e ko yë wit meeny ja'ay oy tnitun tniye'eyë, yajpëtsëëmp o'këntum.

Filemón 1:19

Ëjts Pablo, kë'ëmës yam nja'ay ya'atë noky. Ëjts nkëpätäämpy yë nu'kxy. Ka'apës yam n'ëna'any ets mijts xykëpätëty, jä'ä ko tamës mijts xymyënu'kxy'äty ko të ntukmëmëtyä'äky ja nitsokën ets ja Kristë të mpokymye'kxyë.

Apocalipsis 20:6

Akujk jotkujk jyuuky'atë mëti'ipë jëwyiin juukpyëjktëpën. Yë'ë jëtu'un ja Dios jä'ä''ajtëtëp ets ka'ap ja ëyo'on tpaata'antë mëti'ipë xëmëkyëjxm ijtpën. Teety y'itëty mëti'ipë Dios myëtuuntëpën ets ja Kristë mëët yajkutuktëty tu'uk mil jëmëjt.

Proverbios 17:9

Mëti'ipë ja'ay ka'ap tmëjpëjktä'äkyën ko yajmëtëkoy, tsojkën ja'awën yajmëjnajxyp; e mëti'ipë ja'ay xëmë jyä'ämyejtsypyën ko pën myëtëkoyë, ni'ikyë tyajkëjääjë jotmay.

1 Corintios 1:21

Ja Dios ja wyijy'ajtën, ka'ap ojts ja naaxwiinyëtë ja'ay tja'akyyukëtë mëët ja wyijy'ajtën kyejy'ajtënëty, tëë ja Dios tuknipëjktaakë ko tyajnitso'oka'any mëët ja y'aaw y'ayuk mëti'ipë mmëpëjkëpën, oy ya'atë jëtu'un jyayajmëtoy ijxtëm ja tsuuwinma'anyën.

Santiago 1:21

Ixmajtsta'atë ja ëxëëk winma'any ets ja ëxëëkajtën mëti'ipë tëë nyipäjnën. Ëxajëtë wintsë'kën mëët ja aaw ayuk mëti'ipë të yajpëjktä'äkyën ma ja mjot mwinma'anyëtyën. Ya'atë aaw ayuk myëët'ajtyp ja mëk'ajtën ets xyajnitsokmëty.

Santiago 5:15

Ko ëmuumtu'uk ja Dios tja'amyätstëty, tso'okaanp ja pa'amja'ay, yajmëkpëkëtëp ja Wintsën; ets pën tëë pyokytyuny, yajpokmyä'kxaanp jä'ä.