Santiago 5:14 - Biblia Dc en Mixe de Quetzaltepec

¹⁴ Pën pëjkëp, wä'än ja mëjja'aytyëjk twoy ets ja Dios tyuknija'amyätsëtëty ets tyukjaaxëtëty ja olivë on Wintsën xyëëwkyëjxm.

Biblia Mixe de Quetzaltepec

¹⁴ Pën pëjkëp, wä'än ja mëjja'aytyëjk twoy ets ja Tios tyuknija'amyätsëtëty ets tyukjaaxëtëty ja olivë on Wintsën xyëëwkyëjxm.

Santiago 5:14 ပူးပေါင်းရင်းမြစ်များ

Marcos 6:13

May ja ku'oypyë t'ixkäjxtë tyajtsoktë ja pa'amja'ay ko ja on olivë tukjaaxtë.

Hechos 28:8

Ja Publio ja tyeety jëënpa'am ets ja ne'pnypya'am ënety jam pëjkëp. Ënet ja Pablo ojts tkukajpxë. Ko ja Dios ojts tuknija'amyätsë ets ojts tkë'ënixajy, ënätyë tsyoky.

Marcos 16:18

myatstëp ja tsa'any ets ka'ap tsyu'utsëtëty; ko ajotkumonë t'uuktëty ja ëxëëk nëë, ka'ap wi'ix jyatëty; näjyëtu'un ko ja pa'amja'ay tkë'ënixajtëty, yajtso'oktëp.

2 Reyes 5:11

Naamán ko jëtu'un tmëtooy, tä tyimwinpijty, yajxon jyoot'anpëjky, tä y'ënäny: Ëjts tyaajës të n'ënaanpë ko ntijën xynyiminëtyës kë'ëm tääts ja Wintsën tmëkajpxëty ets tonëty ja npu'utsës täätsës jeexyë jëtu'un ntso'oky.

Tito 1:5

Ko mijts ojts nyajwë'ëmy jam Creta, yë'ëkyëjxm ets xyaj'apaatëty ja tuunk mëti'ipë ënety jam apaatëjaanpën ets xypyëjkta'akëty mëti'ipë nyimëjja'ay'atëpën ja mëpëjkpëtëjk ma ye'eymyuktën, jëtu'un ijxtëm ënety të ntuknipëkyën.

Hechos 15:4

Ko jyajtë jam Jerusalén, oy kyupëjkëtë ja ijxpëjkpëtëjk, ja mëjja'aytyëjkëty ets ja mëpëjkpëtëjkëty. Ënet ja Pablo ets ja Bernabé tuk'ëwa'anëtyääytyë wi'ix ënety ja Dios të tyunyën ma yë'ëjëtyën.

Hechos 14:23

Ojts ja Pablo ets ja Bernabé tnikajpxpätë ja mëjja'aytyëjk maajëty ja mëpëjkpëtëjk ye'eymyuktën, ets ja Dios tuknija'amyäjtsëtë ets y'ayuu'ajtë, ets tukë'ëtëjkëtyë ja Wintsën mëti'ipë ënety të tmëpëktën.

Hechos 9:40

Tääts ja Pedro tkäjxpëtsëëmtaay ja ja'ayëty ets nyäkyoxtënaaytyakë ets ja Dios ojts tmëkäjpxy ets ja o'kpë tniwa'akwinpijty ets y'ënäny: Tabitá, pëtë'ëk. Ënet ja o'kpë ojts y'ijxwä'kxy ets ja Pedro yajwintë'kxy ets wyä'tskujkëy.

2 Reyes 4:33

Tä tyëjkëy jap tëkoty, je'eyë ja tëjk yajxon tyaj'ëtujky ets tyëjkëy jëëytyak nu'kxtakpë ma ja Wyintsënën, je'eyë ojts nimäjtsk jap wyë'ëmtë tëkoty, yë'ë ets ja pi'k ëna'k.

1 Reyes 17:21

Tääts tëkëëk'ok jam nyäkyëxmëtakë ma ja pi'k ëna'k ja nyini'kxën ets tmëpëjktsooy ja Wintsën ëmuumtu'ukjot: Wintsën, ëjts yë nTiosës mëti'ipës n'ëwtajtypyën, tyam mijts nmëpëjktsoy ets ya'atë pi'k ëna'k jatëkok xymyo'ojëty ja jyuukyajtën.

Hechos 11:30

Ojts tyajmuktë ja näypyutëkë ets ja Bernabé tmënëjkxëty ja putëjkën mëët ja Saulo ets tmo'otëty ja mëjja'aytyëjk jam Judea.