Santiago 5:10 - Biblia Dc en Mixe de Quetzaltepec

¹⁰ Mëku'uktëjkëty, ni''ijxtu'utë wi'ix ja Dios ja kyäjpxynyajxpëtëjk tmëtënaaytyën ja ëyo'on jotmay ets näjyëtu'un xytyuntëty.

Biblia Mixe de Quetzaltepec

¹⁰ Mëku'uktëjkëty, ni''ijxtu'utë wi'ix ja Tios ja kyäjpxynyajxpëtëjk tmëtënaaytyën ja ëyo'on jotmay ets näjyëtu'un xytyuntëty.

Santiago 5:10 ပူးပေါင်းရင်းမြစ်များ

2 Crónicas 36:16

Yë'ëjëty ka'ap tmëjpëjktaktë ja aaw ayuk, je'eyë tnëxik tukxiktë mëti'ipë ja Wintsën jyakajpxën; koonëm ja Wintsën yajxon tyajjoot'anpëjktë ets ka'ap ojts t'ëkjëkyäjpnë wi'ix jyotxäämëtyën.

Isaías 39:8

Ezequías yë'ë tyukjotkujk'atëp ko yë'ë oy yajpaata'any mapaat jyuuky'ätyën, paaty t'ëtsooy ja Jeséas: Ja Wintsën ja y'aaw y'ayuk mëti'ipës mijts xytyuknimiimpën oy yë'ë.

Jeremias 2:30

Nëkoopë ntëytyuuntës m'u'unk m'ëna'këty, ka'ap tja'akyujkëtyë mëti'ipës njatsojkën jeexyë tja'akyukëtën. Miitsëty kë'ëm, jëtu'un tä kaajën ojts xyaj'ooktë ja nkäjpxynyajxpës.

Jeremias 23:22

Ko jeexyë të tnijawëtë yë n'aaw n'ayukës yu'utsypë, tëë jeexyë tnikäjpxy tnimëtya'aktë yë n'aaw n'ayukës maas yë nnaax nkajpnën; ojts jeexyë tjëwowtë ma ëxëëk tu'ujën ets jeexyë t'ëxmajtstë ja y'ëxëëk juukyajtënëty.

Jeremias 26:16

Ënet ja kopktëjkëty ets ja mayjyä'äyëty t'ënëmaaytyë ja teetytyëjkëty ets ja käjpxynyajxpëtëjkëty: Ka'ap tyaapë ja'ay tii poky tjantymyëëtëty wi'ix ko nyaj'o'kmëty; yë'ë të tnikäjpxy yë Wintsën yë y'aaw y'ayuk mëti'ipë nTios'ajtëmën.

Lucas 13:34

Ets ja Jesús jyaak'ënany: Miits, Jerusalenkëtë ja'ayëty, Jerusalenkëtë ja'ayëty, myaj'o'ktëp ja Dios ja kyäjpxynyajxpë ets tëë xykyuka'atstë mëti'ipë të myajtuknikäxtën. Kanaak'okës miits të njawoowmuka'antë ijxtëm ja këtseytyaak y'u'unk tmu'uxyën ets ka'ap të xykyupëktë.

Lucas 6:23

Jotkujk itë ets xoonta'aktë ko jëtu'un myajtun myaj'ënëëmëtëty, jä'ä ko mëj myajkumaya'antë tsajpjotm; jä'ä ko ja y'aptëjkëty tääpë ja'ayëty mëti'ipë tyam juuky'ajtëpën näjyëtu'un ojts ëxëëk tuntë ja Dios ja kyäjpxynyajxpëtëjk.

Hechos 3:21

Yë Jesús tëë nyijkxy jam tsajpjotm ets jam tyam yajpaata'any koonëm ja Dios tyaj'o'oyëtya'ajëty winë, ijxtëm y'ënantën ja kyäjpxynyajxpëtëjk mëti'ipë tëëyëp juuky'ajtëpën.

Hechos 7:52

Ja m'aptëjkëty ojts tpajëtijta'aktë ja Dios ja kyäjpxynyajxpë ets tyaj'o'ktë mëti'ipë nyikajpxtën ko myina'any mëti'ipë ka'ap pyokymyëëtëtyën. Ko të myiny, miits të xyaj'ooktë.

Hebreos 13:7

Ja'amyätstë mëti'ipë të mkajpxwijëtën ets të m'ëwa'anxëtën ja Dios ja y'aaw y'ayuk. Mëmay mëtajtë wi'ix ja jyuuky'ajtënëty të kyukëxëtë ets patuntë ijxtëm ja mëpëjkën të tmëët'atën.

Santiago 4:11

Mëku'uktëjkëty, këtii mnanyi'ojëtëty nixim niyam. Pën ja myëku'uk nyi'ojëp ets pyoky'ijxyp ja Dios ja y'ënä'ämën ënety kyamëj'ijxëp; ko pën tkamëj'ixy ja ënä'ämën, tëytyuunpë ets paye'epyë ënety nyäpyëjktä'äkyë ets ni yë'ë tkapatuny ja ënä'ämën.

Santiago 5:13

Pën jam pën myony tyuk ma miitsëtyën, wä'än ja Dios tja'amyetsy. Pën jam pën akujk jotkujk yajpaaty, wä'än ja Dios tkuuy'iy.

Santiago 5:7

Miits mëku'uktëjkëty mëët'atë ja mä'kxtujkën koonëm ja Wintsën myinëty, ijxtëm ja kam tuunpëtëjk mëët ja mä'kxtujkën t'ëwxitë ja nëë tuu koonëm tyajpëtë'ëky ja pyëjktä'äky.

Santiago 5:9

Mëku'uktëjkëty, ka'ap mnämyëkajpx mnäpya'tkajpxëtëty, këtiipë ja Dios mtëytyunëtëty ets mpaye'eyëtëty, jä'ä ko ja Dios, ja tëytyuunpë paye'epyë, tim winkon jä'änë.