Santiago 4:9 - Biblia Dc en Mixe de Quetzaltepec

⁹ Maytyë tajtë, mëjë'ë mëya'axtë ja mpokyëty, wä'än yë mxikënëty t'awinpity yä'äxy ets m'ijtën mxo'onënëty, ma'ayën tajën.

Biblia Mixe de Quetzaltepec

⁹ Maytyë tajtë, mëjë'ë mëya'axtë ja mpokyëty, wä'än yë mxikënëty t'awinpity yä'äxy ets m'ijtën mxo'onënëty, ma'ayën tajën.

Santiago 4:9 ပူးပေါင်းရင်းမြစ်များ

Nehemías 8:9

Ko ja ja'ay tmëtoow'ijtë ja ënä'ämën ets tja'akyujkëtyë wi'ixjaty y'ënä'änyën tä tyëjkëtyë jëëpyë yaxpë, ko jëtu'un t'ijxy ja yajkutujkpë Nehemías ets ja yaj'ijxpëjkpë Esdras ënät t'ënëmaaytyë ja naax kajpn ko këtii myontëty tyuktëty jä'ä ko ja xëëw po'o jä'ä ënety ja Wintsën të yajtuknipëjktaakë ets jää yajmëjjaw yajaantyjyawëty.

Job 30:31

Yë ëëpë koopë ets xuxën wojpën, jë'ëyën yaxën të y'awinpijnë maas ëjtsën.

Salmos 119:136

Komkomëty yë nwiinnëëjës pyëtsimy tä yë mëjnëë pyëyi'ikyën mëët ko ja naaxwiinyëtë ja'ay ka'ap tpatuny ja m'ijxpëjkën.

Salmos 119:67

Maanëmës ënety ka'ap ëxëëk njaty nkëpetynyëmën, ojtsës wiinkjaty winë ntuny, e tyam yë'ëjës nmëmëtoopy yë m'aaw m'ayuk.

Salmos 119:71

Nikë tëë tyim'oyë koos ëxëëk të njaty, jëtu'un'äämpyës të nja'akyukë etsës të nnijawë yë m'ënä'ämën mtëyajtën.

Proverbios 14:13

Yë'ëpaat ko ja'ay xyi'iky atoonp joot'ëjx ma jyëjpkëxyën yë xoontakën yä'äxy y'awinpity.

Eclesiastés 2:2

Etsës të npaaty yë winma'any ko yë xikën ëwë'kën nëkoopë yë'ë ets ko nyätyijyë ntukxo'onmëty yë juukyajtën natëkë'ajtp yë'ë.

Jeremias 31:13

Akujk jotkujk nëjkx ja to'oxy'ëna'k y'ätstë, näjyëtu'un ja yä'äy'ëna'këty ets ja mëjja'aytyëjkëty. Ëjts nyajjotkujkëjantëp: xikën ëwë'kën nyaj'awinpita'anyës yë jyi'iyënëty yaxënëty, mëj këjää nëjkx nyajjotkujkta'aktës, këtiinëm ko të y'ëyowtë.

Jeremias 31:9

Tam mëti'ipë minaanpën kajpxtakp, tam mëti'ipë minaanpën jëëpy yaxp. Jamës nyajnëjkxa'antë ma nëë ka'ap y'ëmaayëtyën ets Joytyuuyës nyajye'eya'antë këtiipë y'anäp y'atä'pxëtëty, jä'ä ko ëjts yë Israel kajpn xytyeety'ajtp ets Efraín yë'ëjës nkä'äxkopk'ajtyp.

Lamentaciones 5:15

Ka'ap yë xoontakën; y'ëkyajpatnë maas yë n'aaw njotëtyën; ja ety puty monyëtukyë të y'awinpijnë.

Ezequiel 16:63

Ko xyjyä'äymyätsëty mëk nëjkx mtsëtyuny ets ëxëëkëm nëjkx mnäjyawëty, ka'ap xy'ëknimëtya'akanëty ja mtuuntëko'oy mkajpxtëko'oyën ko ënety të nmä'äkxta'ayës ja mpoky. Ëjts Wintsën, ëjts ënaanp.

Ezequiel 7:16

Wä'än jëtää jam pën kopkkëjxm nyajtskääkëty, tä muuxyën mëti'ipë tsë'ëkëkäkpën; tëkokyë y'o'kta'aja'antë mëët ja nyëë pyokyëty.

Mateo 21:41

Tääts y'ëtsoowtë: Yaj'o'kta'ajëp tääpë ëxëëkja'aytyëjkëty ets ja wiinkpë tuunpëtëjk nëjkx tmo'oy ënu'kxy ja kam mëti'ipë yaktëpën ja pëjktä'äky ënätyë mëti'ipë ja wintsën patëpën.

Mateo 5:4

Jotkujk yë ja'ay yajpaatë mëti'ipë jëëytyëp yaxtëpën, jä'ä ko yë'ë Dios yajjotkujk'atanëtëp.

Lucas 16:25

Tääts ja Abraham y'ënëmaayë: U'unk, yë'ë mja'amyätsëp ko mijts akujk jotkujk të mjuuky'äty naaxwiiny; yë Lázaro, tëë y'ëyoy; e tyam, tëë tpaaty ja jotkujk'ajtën; mijts tyam mtuka'ajëp ets mëk m'ëyowëty.

Lucas 6:21

Akujk jotkujk miitsëty myajpaatë mëti'ipë tyam yuu'o'këtëpën, jä'ä ko m'itantëp ku'uxyë jotkëtä'äky. Akujk jotkujk miitsëty myajpaatë mëti'ipë tyam jëëytyëp yaxtëpën, jä'ä ko m'itantëp xi'iky xony.

Lucas 6:25

Mon tuk myajpaatë miitsëty, mëti'ipë tyam ku'uxyë jotkëtä'äky kaaytyëp uktëpën, jä'ä ko m'ayuu'atantëp miitsëty ok. Mon tuk miits myajpaatë, mëti'ipë tyam xiktëp xoontëpën; jä'ä ko mjë'ëjan mya'axantëp miitsëty ok mëët ja jotmay.