Santiago 4:14 - Biblia Dc en Mixe de Quetzaltepec

¹⁴ Nijënu'un xykyanijawëtë mëti'ipë jëpom tunan jatanëpën. Jëtu'un miitsëty ijxtëm ja maanikën, wäänë y'ity ets tyëkoy.

Biblia Mixe de Quetzaltepec

¹⁴ Nijënu'un xykyanijawëtë mëti'ipë jëpom tunan jatanëpën. Jëtu'un miitsëty ijxtëm ja maanikën, wäänë y'ity ets tyëkoy.

Santiago 4:14 ပူးပေါင်းရင်းမြစ်များ

2 Samuel 19:34

E ja Barzilai tyaa y'ëtsooy: Ëjts jawäänës njaakjuuky'ata'any, nëkoopës njaaknëjkxëty jam Jerusalén mëët yë yajkutujkpë,

Salmos 102:3

Yë njuukyajtënës jëtu'unës njawë pyojtëkoy tä jëënjokën, ets nwaay npajkës jëtu'unës njawë tyoy jyemy tä jëënpajkën;

Salmos 144:4

Yë naaxwiinyëtë ja'ay jëtu'un yë'ë tä yë ja'ay myëkxejy y'o'kxejyën; ets jyuukyajtën jëtu'un nyäxy tä yë äpkën.

Salmos 39:5

Janty wäänës yë njuukyajtën të xytyimmooynyë; yë njuukyajtënës mijts mwintuuy ka'ap nijënu'un tii tkëjxmëty. Tëkokyë yë ja'ayëty jëtu'un yaa naaxwiiny jyuuky'ajtkojtë tä yë ja'ay myëkxejyën.

Salmos 78:39

Dios ojts twinjawë ko yë'ëjëty atón amatsë yajpaatë; ets ko poj'am nyaxtë, ko nyëjkxtë ka'ap y'ëkwinpijnëtë.

Salmos 89:47

Wintsën, mëmay mëtaj koos janty wäänës yë njuukyajtën jyaak wë'ëmy; yë ja'ay mëti'ipë të xyajkojyën wäänë jyuuky'äty.

Proverbios 27:1

Këtii xynyikajpx xynyimëtya'akëty tii jëpom mtunäämpyën, jä'ä ko ka'ap xynyijawë tii jëpom tunan jatanëp.

Isaías 2:22

Këtii yë naaxwiinyëtë ja'ay xytyuk'ijxpätëty, nitii tkakëjxmëty, wäänë jyuuky'ajtkojy.

Isaías 38:12

Tëës ja ntsënaaytyakn xyajma'ta'atë, tëëjës xypyëjkëtë tä tsajppax këwent'ajtpën kupixyny këwent'ajtpën yajpëjkëtën yë y'ijt taknëty. Ëjts jëtu'unës ënety ja njuukyajtën yajpatnë tä tu'uk wit të yajpukëëtsyën. Xëëny kootsës nyajtëytyuunë.

Santiago 1:10

ets ja nmëku'uk'ajtëm kumeenypë, wä'än naxym näpyëjktä'äkyë ko Dios yajkumeeny'ätyë, jä'ä ko jëtu'un yë kumeenyjyä'äy ijxtëm ja ujts pëjyën mëti'ipë ka'ap jeky y'ityën.

1 Pedro 1:24

Jä'ä ko jëtu'un ja Dios ja y'aaw y'ayuk këxja'aypyë y'ënä'äny: Tëkokyëty yë ja'ay aakjëtu'un ijxtëm ja aay ujtsën, ets ja myëj'ajtën jëtu'un ijxtëm ja pëjyën. Tëtsp ja aay ujts ets ja nyipëjy kyatska'ay;

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

1 Juan 2:17

Yë naaxwiinyëtë winma'any këjxnëp najxnëp yë'ënë mëët tëkokyë winë mëti'ipë ja'ay tsyojkën'ajtëpën; e pën ja Dios ja jyä'ä pyatuunëp xëmëkyëjxm jyuuky'ata'any.