Santiago 4:10 - Biblia Dc en Mixe de Quetzaltepec

¹⁰ Näypyëjkta'akëtë yujy tëtä'äky ma Tiosën ets yë'ë mëj mpëjkta'akëtëty.

Biblia Mixe de Quetzaltepec

¹⁰ Näypyëjkta'akëtë yujy tëtä'äky ma Tiosën ets yë'ë mëj mpëjkta'akëtëty.

Santiago 4:10 ပူးပေါင်းရင်းမြစ်များ

2 Crónicas 7:14

ets ja nkajpnës, maas ja nxëëw y'ityën, tyaj'oyëty ja jyot wyinma'any, tmëët'atëty ja naxym'aaw naxymjyot, tyëkëty jëëytyak nu'kxtakpë, t'ixta'ajëty ja näpyutëjkën ets t'ëxmatsëty ja ëxëëktu'un ëxëëkajpxën; ëjts nmëtowäämpyës jam tsajpjotm, mpokymyä'kxäämpyës ets jatëkok nmo'oja'antës ja jotkujk'ajtën ma ja nyaax kyajpnëtyën.

Job 22:29

Jä'ä ko yë Dios nyaaxkutij nyaaxkumajtsëp mëti'ipë amëj akëjxm näjya'awëyëpën ets yajtsokpy mëti'ipë yu'unk naxym yajpatpën.

Job 5:11

yajmëjnajxyp yë ja'ay mëti'ipë yu'unk naxym yajpatpën, yajjotkujkëp yë ja'ay mëti'ipë moonp tujkpën;

Salmos 113:7

Yë Wintsën yajjotkujktäkpy yë ëyoopëja'ay ets jyu'typ jap ëyo'onjoty yë ja'ay mëti'ipë winë yajmëyäjtypyën

Salmos 147:6

Yë'ë yajjotkujktäkpy yë ja'ay mëti'ipë yu'unk naxym juuky'ajtëpën, e yë ëxëëkja'aytyëjk yu'unk naxym tpëjktä'äky.

Salmos 27:6

Täänëm ënät tjëkyäpëty wi'ixës yë nmëtsiptëjk, nwinkuwa'akëty amëk jotmëk; ënät nëjkx yë Wintsën nmo'oyës yë wintsë'kën jap tsajptëkoty, etsës mëk nya'axa'any njoka'any koos ënety nyajpaaty xoontä'äky, etsës nwin'ëwa'any nwinya'axa'any yë Wintsën.

Salmos 28:9

Wintsën yajtso'ok mnaax mkajpn; kënu'kxy mëti'ipë mjä'ä'ajtypyën. Kwent'at jëtu'un tä ja'ay yë kupixyny këwent'atyën. Jam xëmë xymyëët'atëty ma mkë'ëjotmën.

Salmos 30:1

Wintsën tyam mijts nkuuy'iy nkuuyä'äxy, jä'ä ko mijtsës të xyajtso'oky ets ka'ap të xy'ëwa'atsy etsës yë nmëtsiptëjk xynyëxi'ik xytyukxi'iktëty.

Éxodo 10:3

Moisés ets ja Aarón ojts jam nyëjkxtë ma ja yajkutujkpën ets t'ënëmaaytyë: Jëtu'un y'ënä'äny ja Wintsën mëti'ipë yë hebreo ja'ayëty Tyios'ajtëpën ¿jëna'a jëtää miitsëty yu'unk naxym m'ëk näpyëjkta'akëtëty maas ëjtsën? Ëxmajtskës yë nnaax nkajpn wä'änës min xy'ëwtaty.

Proverbios 29:23

Mëti'ipë ja'ay mëj këjxm näjya'awëyëpën, o'ktëy muum jyäty; e mëti'ipë yu'unk naxym näpyëjktakëp;, oyjya'awëyëp ja'ay.

Ezequiel 21:26

Ëjts Wintsën jëtu'unës n'ëna'any: Myajpëjkëjaanp yë mkupit, ja mkujän mëti'ipë më'ëne'emypyën ets nëjkxëp winë tyëkajtsta'ay. Nëjkxëp mëj'äämpy nyäxy mëti'ipë yu'unk naxym yajpatpën ets yu'unk naxym mëti'ipë mëj'äämpy yajpatpën.

Mateo 23:12

Jä'ä ko mëti'ipë kë'ëm nämyëjpëjktakëpën naxym nëjkx yajpëjktä'äky, e mëti'ipë yu'unk naxym näpyëjktakëpën, mëj nëjkx nyäxy.

Lucas 1:52

Tëë tpëjkë ja yajkutujkpëtëjk ja kyutujkën, ets të tyajmëjnaxy ja ayoopë ja'aytyëjk.

Lucas 14:11

Pën nämyëjpëjktakëp kë'ëm, yë Dios mutsk yajnaxa'anyë, pën yu'unk naxym näpyëjktakëp, mëj'äämpy yë Dios yajnaxa'anyë.

Lucas 18:14

Tääts ja Jesús y'ënäny: Jëtu'un miits nëëmëtë ko ja yajkukëpäjtpë ojts ja Dios kyupëkyë ijxtëm tu'uk ja wa'ats ja'ayën, e ja fariseë ja'ay ka'ap yajkupëjky. Jä'ä ko mëti'ipë ja ja'ay kë'ëm näkyumaayëpën naxym yajpëjkta'aka'any; e mëti'ipë naxym näpyëjktakëpën, yë'ë mëj'äämpy naxaanp.

1 Pedro 5:6

Yujy tëtä'äky näpyëjkta'akëtë Dios kyë'ë'am ets ja Dios mmëjpëjkta'akëtëty ko ënety ja tiempo tpaaty.

1 Samuel 2:7

Yë Wintsën yë yaj'ëyoop ets yë'ë yajkumeeny'ajtp, yë'ë yajkutujkpy ets nkëta'amëty nkëpijpmëty, ets yë'ë jatëkok xyajpëtë'kmëp.

1 Samuel 2:9

Yë ja'ay mëti'ipë oy mëtuunpën Kyëwent'ajtyp yë'ë oy maa tyimnëjkxy, E yë ëxëëkja'aytyëjkëty jëtu'unyë muum kyupi'its kyukootsëtë ets y'o'knëtë tyëkooynyëtë. Jä'ä ko atsip jyamëta'akantë ka'ap myëta'aktë.