Santiago 4:1 - Biblia Dc en Mixe de Quetzaltepec

¹ ¿Ma jëtää ja tsip tsyoony mëti'ipë miits mtuuntëpën? Jap tsyoony ma ja mjot mwinma'anyëtyën ko winë xytyätytsyojkën'atë.

Biblia Mixe de Quetzaltepec

¹ ¿Ma jëtää ja tsip tsyoony mëti'ipë miits mtuuntëpën? Jap tsyoony ma ja mjot mwinma'anyëtyën ko winë xytyätytsyojkën'atë.

Santiago 4:1 ပူးပေါင်းရင်းမြစ်များ

1 Pedro 2:11

Mëku'uktëjkëty jëtu'un yam miits nmënu'kxta'aktë tääjës jeexyë ëjts njaaypyo'kxyjyä'äyëtyën tëyëpë nyäxyën yaa naaxwiiny; ko ka'ap xyajmëta'aktëty ja yääyëpë naaxwiiny yajxoontä'äkyën mëti'ipë ja n'anëmë'ajtëm ka'ap tkupëkyën.

Gálatas 5:17

Jä'ä ko ja ja'ay mëti'ipë yajtuumpyën ja kyë'ëm winma'any, myëtsip'ajtyp ja Kënu'kxymyëkajtën ets ja Kënu'kxymyëkajtën myëtsip'ajtyp ja ja'ay mëti'ipë yajtuumpyën ja kyë'ëm winma'any. Jä'ä ko aak nämyëtsip'ajtëtëp yë'ë winpity atëjy, paaty ka'ap y'oypëtsimy mëti'ipë miits mjatsojkën'ajtëpën.

Romanos 7:23

je'eyëp ko tamës nmëëtëty mëti'ipës ka'ap xy'ëxmatsyën ets ja oypyë ntunëtyës, yë'ë ja ënä'ämën mëti'ipë yajnikëxë'kpyën ja poky, mëti'ipë yajpatpën ma ëjtsën ijxtëm jeexyë tsum matsy xyaj'ityënës.

Romanos 8:7

Pën myääytyëp tyajtëp mëti'ipë ja ni'kx kopk tsyojkpyën, myëtsip'ajtëp ja Dios, jä'ä ko ka'ap ja Dios ja y'ënä'ämën tsojkëtë ets ka'ap tpatuunëtë.

Santiago 1:14

Yë'ëkyëjxm yë ja'ay pyokytyuny ko je'eyë y'atsoky ets ko ja ëxëëkpë nyätyukwin'ëënyë.

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?

1 Pedro 1:14

Jëtu'un m'itëty ijxtëm ja pi'k ëna'kën mëti'ipë tyeety myëmëtoowtëpën. Këtii jëtu'un mjuuky'atëty ijxtëm të m'itën ko ja Dios ijty xykyanijawëtë.

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

2 Pedro 3:3

Kopkpëky ko xynyijawëtëty, ma ënety ja naaxwiinyëtë kyëxanën, jää'atantëp ja ja'ayëty mëti'ipë ja Dios nyëxi'ikan tyukxi'ikantëpën, mëti'ipë ja y'ëxëëk winma'any yajtunantëpën,

Santiago 4:3

Ets ko xy'amëtowtë, ka'ap myajmo'otë, jä'ä ko ka'ap oy xy'amëtowtë ets jä'ä ko jam xyajtuna'antë ma ka'ap pyaat'atyën.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënety jemnyëm t'ëxmatstë ja ëxëëk juukyajtën.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

Tito 3:9

Këtii xykyupëkëty ets ja ja'ay nëkoo atsuu apoj tii tyajkäjpxykyojtëty, ëkë nëkoo tii apmëtyä'äky tnanimëtya'aktëty, ma ja ja'ay ka'ap nyäjyä'äkyukëtën wi'ix ja Moisés ja tyiyajtën y'ënä'änyën. Ya'atë jëtu'unpë näkyäjpxytsyiikë nëkoopë je'eyë xëëw tiempë tyajtëkoy.

Romanos 7:5

Ko ijty ëëts njuuky'ajtëmë ijxtëm kë'ëm ntsojkëmën, ja ënä'ämën je'eyë ojts xytyuknija'awëmë ko tii ëxëëk ntu'unëmë, ets ojts mpëjkmujk ntuunmujkëmë ja o'kën.

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

2 Timoteo 2:23

Këtii xymyëjpëjkta'akëty yë näkyäjpxytsyiikë mëti'ipë ka'ap tsyoowpaatyën; jä'ä ko jëtu'unpë jä'ä y'awinpity tsip.