Santiago 3:9 - Biblia Dc en Mixe de Quetzaltepec

⁹ Näy yë'ë n'aaw'ajt nyä'än'ajtëm mëët nmëjja'aw njaantyja'awëmëty ja Dios, ets nän yë'ë n'aaw'ajt nyä'än'ajtëm mëët nkajpxpojkmëty ja nmëku'uk'ajtëm mëti'ipë Dios të pyëjktä'äkyën tä yë'ë kë'ëmën.

Biblia Mixe de Quetzaltepec

⁹ Näy yë'ë n'aaw'ajt nyä'än'ajtëm mëët nmëjja'aw njaantyja'awëmëty ja Tios, ets nän yë'ë n'aaw'ajt nyä'än'ajtëm mëët nkajpxpojkmëty ja nmëku'uk'ajtëm mëti'ipë Tios të pyëjktä'äkyën tä yë'ë kë'ëmën.

Santiago 3:9 ပူးပေါင်းရင်းမြစ်များ

Génesis 5:1

Yaa jëtu'un kuja'ay myiny ja y'u'unk y'okëty yë Adán. Ko yë Dios ojts tyajkojy yë naaxwiinyëtë ja'ay. Jëtu'un ojts tyajkojy ijxtëm yë Dios kë'ëm y'ixëtyën.

Génesis 9:6

Pën yë myëku'uk yaj'o'kpy, nän ja'ay nëjkx yaj'ookyë. Jä'ä ko yë naaxwiinyëtë ja'ay jëtu'un yë të kyojy ijxtëm yë Dios kë'ëm y'ixëtyën.

2 Samuel 16:5

Ko yë David jyä'äjty ma jam ma Bahurim kopkën, jam nyipëtsëëmë tu'uk yë ja'ay jä'ä xyëëwajtyp Simí, yë'ë yë Saúl yë jyä'äy. Yë'ë ja myaank ja Guerá ets wiinkjaty jyänty ënë'ëmxëty, jyänty pyokyë,

2 Samuel 19:21

Ënet ja Abisai, ja Sarvia ja myaank ënätyë y'ënäny: ¿Këtii jëtäätën nyitëkëty y'ookëty yë Simeijë, mëët ko të tpoky ja yajkutujkpë mëti'ipë ja Wintsën kë'ëm wyin'ijxënë?

1 Crónicas 29:10

Ënet ja David ojts tkënu'kxy ja Wintsën ja xyëëw, ma ënety ja mayjyä'äy jam yajpaatën ni'amukë ets y'ënäny: Mëjwiin këjää xëmë nyaxëty ja Wintsën ja myëjxëëw, ja Dios mëti'ipë y'ëwtajtën ja n'ap'ajtëmë Israel.

1 Crónicas 29:20

Ok ja David ojts wiinkpë ja aaw ayuk t'ëxmatsy ma ja mayjyä'äy jam yajpaatën ets t'ënëmaay: Tyam win'ëw winya'axtë ja mWintsën Tiosëty. Ënet ja mayjyä'äy tu'ukmukyë tyëjkëtyë ëëpë xoontakpë ma ja Wintsënën, mëti'ipë ja y'aptëjk y'ëwtajtën, jëtu'un nyäkyoxtënaaytyakëtë ma ja Wintsënën ets ma ja yajkutujkpën.

Salmos 10:7

Ko kyäjpxy oy yajpojknë y'ënä'äny, aakyë'ë ka'apë myëtëyëtyën ets ëtsu'uxyaxp; ujts yajpaaty ja jyot wyinma'any mëët ja ëxëëkajtën.

Salmos 108:1

Dios mëti'ipës nTios'ajtypyën, yë njot nwinma'anyës janty a'ijxp janty jëjp'ijxp yajpaaty, janty jëtu'un tyim'ëwxity ets mwin'ëwa'any mwinya'axa'anyë. Jot anëmë mëti'ipës nmëët'ajtypyën, ëkwij ëkkäj;

Salmos 145:1

Nimëtya'akäämpyës yë mmëjajtën, mijts Dios, mëti'ipës nTios'ajtypyën ets mëti'ipës n'ënä'ämpë'ajtypyën. Xëmë yë mxëëw nmëjjawëja'any nkënu'kxyjyawëja'anyës.

Salmos 145:21

Ëjts nmëjpëjkta'akäämpyës yë Wintsën. Wä'än tëkokyë tmëjjaw tkënu'kxyjyawëtë yë Wintsën tyam ets xëmëkyëjxm.

Salmos 16:9

Paatykyëjxm jotkujk näjyawëtyës. Jotkujk yë njot nwinma'anyës yajpaaty.

Salmos 30:12

Paatyës n'ëna'any Wintsën, ko ka'apës njëkyepy amonyë n'itëty: mijts nkuuy'ëëwäämpy ets nmëjpëjkta'aka'any, xëmë nkukajpxëja'any winë.

Salmos 34:1

Kënu'kxyës yë Wintsën yë xyëëw njawëjanëyë oy tyimjëna'a xëëwëty, xëmës nikajpxa'any oy.

Salmos 35:28

Nikajpxäämpy nimëtya'akäämpyës ko mijts mëtëy winë xynyipaye'ey; tu'kxëëwpaaty mijts nmëjpëjkta'akany.

Salmos 51:14

Dios, yë nTiosës mëti'ipës xymyoopyën yë nitsokën, këtii xy'ëwa'atsëty etsës pën nyaj'ook nyajtëkoyëty, ets jëtu'un tjëkyäpëty nikajpx nimëtya'akëtyës ko mijts aak'oy aak mëtëy winë xytyuny.

Salmos 57:8

Mijts jot anëmë, mëti'ipës njot'ajtyp n'anëmë'ajtypyën, juukym xëmë m'itëty; ëjts ntsojkpyës ets xuxpë koopë xyu'uxtëty kyowtëty, ets xoontä'äky nkuxëënytya'ak nkujajta'akëtyës.

Salmos 59:12

Kë'ëm nyätyëkoyëtë ko nëkoo ëxaty y'ëna'antë; Wä'än ënät kë'ëm nätyuktëytyunëtë ko nyämyëjaw nyäjyääntyjyawëtë ets ko nëkoo tii tkajpxtë ka'apë myëtëyëtyën.

Salmos 62:4

Yi'iyë myääytyëp tyajtëp wi'ixës ëxëëk xytyuntëtyën; pën win'ë'ëntëp antaktëp ënät jotkujk nyäyjyawëtë. Winkë'ëy akë'ëy je'eyë oy xynyimëtya'aktës jap jyootjoty wyinma'anyjoty xypyojktëpës jap je'eyë.

Salmos 63:4

mapaatës njuuky'ätyën yaa naaxwiiny naaxkëjxy, jëtu'un mijts nikajpxa'any nimëtya'aka'any, ets nxajë'ëka'anyës ja nkë'ë ko ënety mijts npa'tmëkäjpxy.

Salmos 71:24

Näyjyëtu'unës xëmë nikajpxa'any ko jëtu'un winë xynyipaye'ey ijxtëm pyaat'atyën, jä'ä ko mëti'ipë ënety tsyojkën'ajtëpën etsës ëxëëk njatëty nkëpätëty, yë'ë të y'ëkwë'ëmtaaynyëtë tsëtyu'unmëët.

Eclesiastés 7:22

Mijts wa'ats xynyijawë ko nän mnikäjpxy mnimëtyäkpy yë mjëëky mëku'uk tëkatsy.

Isaías 29:13

Ëjts tëëjës yë Wintsën xy'ënëëmë: Ya'atë naax kajpn nëkoojës wiinkë'ëy akë'ëy xywyinkäjpxy xywyinmëtyä'äky yë jyot wyinma'any wiinktsow tyaj'ity, ets koos xytyukxoontä'äky, jëtu'un tä naaxwiinyëtë ja'ay kë'ëm të tuknipëjktaakën.

Mateo 26:74

Ënet ja Pedro kanaak ok y'ënäny: Ka'apës tääpë ja'ay n'ixy'äty. Ënet ojts tu'uk ja këtseynyë'aaw yaaxë'ëky,

Mateo 5:44

E ëjts jëtu'un miits n'ënëëmëtë, tsoktë ja mmëtsipëty ets tuknija'amyätsëtë Dios pën m'ixjëtijt mpajëtijtëtëp.

Hechos 2:26

Paatyës jotkujk näjyawëty etsës yë xoontakën nnikäjpxy; oyës n'ookëty, ka'ap tiijotmay, jyëjp'ixëp ëjts ni'kx nkopk ja juukyajtën,

Romanos 3:14

Kajpxpojktëp ets ëxëëkëty y'ëna'antë,

1 Corintios 11:7

Ye'eytyëjk ka'ap mëpaat nyäkyupe'enyë, jä'ä ko yë'ë ja Dios myëj'ajtën jyääntyajtën yajwinkëxë'këp ets ko nän yë'ë Dios yajmëjnajxyp. Ja to'oxytyëjk yë'ë ye'etyëjk myëj'ajtën jyääntyajtën yajwinkëxë'këp.

Efesios 1:3

Mëjjaw jaantyjawë nyäxy ja Dios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Santiago 1:27

Ja mëpëjkën oypyë ets wa'atspë Dios Teety wintumpë yë'ë ya'atë: yajputëjkëp ja ku'ooky u'unk ets ja ku'ooky tyo'oxytyëjk mëti'ipë maaytyëp tajtëpën, näjyëtu'un yajputëkëty ka'apë nyäyaj'ëxëëkëtyën mëët ja ëxëëkajtën yaapë naaxwiinyëtën.

Santiago 3:10

Aawjoty pyëtsimy ja ayuk ko ja'ay oy yajnikäjpxy ets ko ja'ay yajkajpxpoky. Mëku'uktëjkëty, ka'ap jëtu'un y'oyëty.

1 Pedro 1:3

Tsojk nmëjja'aw njaantyjya'awëm ja Dios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.

Jueces 9:27

Ënet ojts tsyoontë tsatsym tyujkpë ets ja tsatym nyëë tyaj'o'oyëtyë, mëj tnixëëwtuuntyë ets y'uktë myukëtë; kyääytyë pyëjktë ma ja Baal ja tsyajptëjkën ets tpojktë ja Abimélec.