Santiago 3:6 - Biblia Dc en Mixe de Quetzaltepec

⁶ Näyjyëtu'un yë aaw yä'än ijxtëm yë jëënën, ëxëëktuump ko tii oy tkakäjpxy. Yä'änkëjxm ja ja'ay ja nyi'kx kyopk myä'äty. Jëtu'un ja aaw yä'än ijxtëm jeexyë tyooypyikyën ja jëën mëti'ipë ëyoowtaknjoty tso'onpën ets tyooytyä'äy ja ja'ay jënu'un jyuuky'atën.

Biblia Mixe de Quetzaltepec

⁶ Näyjyëtu'un yë aaw yä'än ijxtëm yë jëënën, ëxëëktuump ko tii oy tkakäjpxy. Yä'änkëjxm ja ja'ay ja nyi'kx kyopk myä'äty. Jëtu'un ja aaw yä'än ijxtëm jeexyë tyooypyikyën ja jëën mëti'ipë ëyoowtaknjoty tso'onpën ets tyooytyä'äy ja ja'ay jënu'un jyuuky'atën.

Santiago 3:6 ပူးပေါင်းရင်းမြစ်များ

Proverbios 16:27

Yë ëxëëk ja'ay jëtu'un tä tu'uk yë tsijtkën ma tsajpkääky kyi'iyën mëti'ipë ujtsën mëët ja ëxëëkpë. Yë'ëpaat ko y'iy kyäjpxy no'kpëm yajjawë tä jëënyä'änkën.

Marcos 7:15

Mëti'ipë aawjoty jootjoty tëjkëpën, ka'ap yë'ëjëty yaj'ëxëëktëkë. Yë'ë tëy mëti'ipë pëtsëëmpën aawjoty jootjoty yë'ë ni'ik ëxëëktuump.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

Lucas 16:24

Tääts jap mëk yujk'ënany: Tatë Abraham, pa'ëyoowkës. Tun mëyajtën, käx yë Lázaro, wä'än yë kyë'ëjëjp tyajxooky ets tmëminëty, wä'änës yë nyä'än tyajxooky. Mëkës yap jëënjoty n'ëyoy.

Proverbios 6:19

Ko ja'ay nipi'tskäjpxy myëku'uk, ets ko ja'ay yajtsiptuny.

Salmos 140:3

Yë yä'änëty jëtu'un jyëjpku'pnyëty tä tsa'any yä'änën; yë y'aaw y'ayukëty jëtu'un jyëmumy tä tsa'any nyixëwätën.

Salmos 64:3

Jëtu'un yë y'aaw yä'än tyajjëjpëtë tä yë tëypyujxnën ets ënät yë y'aaw y'ayuk tkajpxtë tsaaty ma'at ets yajtsëtyuty jëtu'un tä ti'pxnën mëti'ipë yaj'o'kpën.

3 Juan 1:10

Paaty koos ënety ëjts nnëjkxy ntukmatsäämpyës wi'ixës xynyimëtyä'äkyën ets ka'ap yi'iyëty, näjyëtu'un ko ka'ap tkupëky ets tyajjajta'akëty ja nmëku'uk'ajtëmë ets nän y'akajpxtujkpy ko ja nmëku'uk'ajtëm jëtu'un tuntë ets tyim'ëxwojpy tyim'ixkejxyp ma ye'eymyuktën.

Santiago 2:7

¿ets këtii yë'ëjëty ëxëëkjaty nimëtya'aktë ja Wintsën ja xyëëw tsujpë mëti'ipë miits të myajtukmëmëtya'aktënë?

Hechos 6:13

Näy ojts t'ixta'atë ja ja'ayëty mëti'ipë nyi'antaakëtëpën ja Esteban, ets y'ëna'antëty: Ya'atë ja'ay, xëmë tni'ojë yë mëjtsajptëjk ets Moisés yë y'ënä'ämën.

Hechos 5:3

Tääts ja Pedro t'ënëmaay ja Ananías: Ananías, ¿tii ko ja mëjku'u të mnätyuk'ëne'emyë ets xywyin'ëënëty ja kënu'kxymyëk'ajtën ko të xymyëwë'ëmy tu'kpëky ja naaxtsow?

Mateo 12:24

Ko ja fariseë ja'ayëty jëtu'un tmëtoowtë, ënät y'ënantë: Yë ku'oypyë wintsën ya'atë ja'ay mooyëp yë myëk'ajtën, paaty yë ku'oypyë t'ixkexy.

Mateo 5:22

E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

2 Samuel 19:43

Tä ja Israel ja'ayëty y'ëtsoowtë: Ëëtsëty xypyatëp ni'ik etsës yë yajkutujkpë nmëtuntëty këtiinëm miitsëty ets ko mpatëkëja'anmëty ma tikts aats yajmëët'atyën, ëëts kä'äxkopk yë nteety'ajt n'ap'ajtëpës, miitsëty utymyës yë'ëjëty. E paaty ënät, ¿tii ko miitsëty ëxkexy ëxwa'any xyaj'itës? ¿Ëk ja'amyätstë tii këtii y'ëëts'atë ojts jëyëjp n'ëna'antë ets yajkutujkpë wyimpitëty jatëkok ma ja nyaax kyajpnënë? E ko jyëtu'un'ajnë, ja Judá ja jyä'äyëty ni'ik ojts yaj'ijxnëtë y'ëwa'antaknëtë ka'ap jyëtu'unëty ja Israel ja'ayëty.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Apocalipsis 18:23

Ka'ap y'ëkjaj y'ëktë'kxnëty ja kutë'kxn, nijëna'a kya'ëkyajmëtoownëty ja xëëwtu'unën, ja pëjkën ukën, oy ja m'ajuuy m'ato'kpë mëkja'ay të jya'itë yaa naaxwiiny. Tëë nëkoo xywin'ëëny ja naaxwiiny ja'ay mëët ja mpanajxën.

Apocalipsis 13:14

Jëtu'un'äämpy ja ja'ay twin'ëëny twinxajy ko ja myëk'ajtën tyaj'ixyë. Tääts twin'ë'ëny ja naaxwiinyëtë ja'ay ets t'ënëmaay ets t'oytyuntëty tu'uk ja awinax ijxtëm ja mëjëwyiinpë ja mëj jëyujkën mëti'ipë ka'ap të y'ookyën, oy të jyayajpuxy.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

2 Pedro 3:3

Kopkpëky ko xynyijawëtëty, ma ënety ja naaxwiinyëtë kyëxanën, jää'atantëp ja ja'ayëty mëti'ipë ja Dios nyëxi'ikan tyukxi'ikantëpën, mëti'ipë ja y'ëxëëk winma'any yajtunantëpën,

Tito 1:11

Ya'atë ja'ayëty, ka'ap mëpaat nyajkajpxëmë, yajma'tëp ja ja'ay tu'kjëën tu'ktëjkpë ets tyuk'ijxpëjktëp mëti'ipë ka'ap pyaat'atyën ets tpaatëty ja meeny.

Hechos 20:30

Näy tam jënaakën ma miitsëtyën mëti'ipë nëjkx wyin'ëënyën ets jëtu'un yaj'ixpëka'any ets ja mëpëjkpë pyanëjkxëtëty.

Jeremias 28:16

Paaty yë Wintsën y'ënä'äny: Oy nkäxëty naaxwiiny, je'eyëp ko tu'ukyë nyajtëkoyä'äny. Ya'atë jëmëjt m'ooka'any, jä'ä ko je'eyë naax kajpn të xy'akajpxë etsës xymyëtsiptsoontëty.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënet y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Isaías 30:27

Ëk'ixtë, yë Wintsën jëtu'un kë'ëm tyimminy tä ja'ayën mëti'ipë jëkäm tso'onpën; Ja jyoot'an yëkëm je'eyë wyinjojknë, ko kyäjpxy, aakjä'ä nyikäjpxyp ja o'kën tëko'oyën.

2 Crónicas 13:17

Abiam mëët yë jyä'äy may myëtsip tyaj'o'ktë, jä'ä nyiwinë'ajtë mëkoxk mëko'px mil aakyë'ë win'ixyëtypë ja tsiptuunpëtëjk Israel ja'ayëty.

2 Samuel 16:20

Ok ja Absalón tyajtëëy ja Ahitófel: ¿Wi'ix miitsëty m'ëna'antë tii mëpaat ntu'unëm?

Deuteronomio 13:6

Pën yë mëkä'äx, ëkë m'u'unk, ëkë mnëëx, ëkë mto'oxytyëjk mëti'ipë oy mtsojkpy mja'apën, ëkë mjëëky mëku'uk, ni'ikyë mjanty'ënë'ëmxëty ets wiinkpë wintsën xy'ëwtatëty, mëti'ipë miitsëty ets m'ap m'ok ka'ap t'ixy'atën,

Proverbios 7:5

Yë'ë mtuk'awoowtu'utëtëp ja to'oxytyëjk mëti'ipë wiink ye'etyëjk y'ijxypyën ets tam nyiye'etyëjk, mëti'ipë janty'oy yajmëtoopën kyäjpxy myëtyä'äky.

Isaías 50:11

E tëkokyë ja ja'ayëty mëti'ipë je'eyë tsip y'ixkujkëtyëpën ets tnipëjktaakëtë wi'ix tii tuuntëkoytyëtyën, kë'ëm nëjkx ëxëëk jyatë tsipjoty, ma ja tsipën mëti'ipë ënety kë'ëm të xy'ixkukëtën. Yë Wintsën kyäxäämpy ya'atë ëyo'on ets jam nëjkx m'ooktë.

Santiago 3:7

Yë ja'ay myëmëtaktääpy ja oymyëti'ipë jëyujkëty ëwa'anpë, wä'än tjoonëty, tsa'anyëty ets tjëyujkëty mëti'ipë tsënaaytyëpën mejyjoty,