Santiago 3:2 - Biblia Dc en Mixe de Quetzaltepec

² Oy tyimpënëty aak tuuntëkoopy yë ja'ay; pën jää pën ka'ap pyokytyuny ko tii tkäjpxy, wa'ats ja'ay tääpë, ets jyäjtyp wi'ix tmajts'itëtyën yë nyi'kx kyopk.

Biblia Mixe de Quetzaltepec

² Oy tyimpënëty aak tuuntëkoopy yë ja'ay; pën jää pën ka'ap pyokytyuny ko tii tkäjpxy, wa'ats ja'ay tääpë, ets jyäjtyp wi'ix tmajts'itëtyën yë nyi'kx kyopk.

Santiago 3:2 ပူးပေါင်းရင်းမြစ်များ

1 Reyes 8:46

Ko ënety pën mëtëkoyë, jä'ä ko aak tëkoopyë ja'ay y'ity ets mjoot'anpëkëty, xykyë'ëyakëty ma ja myëtsipëtyën ets ja myëtsip ëxëëk tyunëtëty, yajnëjkxëtëty tsumy matsy wiink naax wiink kajpn, ma ja mëtsip ja kyajpnën, ëkë ma ja kajpn tmëwinkon'atën,

2 Crónicas 6:36

Ko ënety muum tii tëkatsy tuntë ëkë y'ëëwtëkoy kyajpxtëkoytyë, jä'ä ko aak pokytyuunpë ja'ay ëëts yaa nyajpaatë ets ënety xytyukjoot'anpëky ets xykyë'ëyakëty ma ja myëtsipëtyën ets yajnëjkxëtëty ja myëtsiptëjk wiink naax wiink kajpn muum jëkäm ëkë muum winkon,

Job 15:13

¿Wi'ix ko yë Dios yë'ë xytyukjoot'anpëky ets m'a'ëy m'akäjpxy nëkoo?

Salmos 34:13

Këtii ëxëëkpë aaw ayuk xykyajpxëty, ets nijëna'a mka''anta'akëty.

Salmos 39:1

Ëjts jëtu'unës ënety të nmay të ntajy koos oy njuuky'ata'any, ka'apës nëkoo nëë poky ntuna'any nkajpxa'any, mëkës yë n'aaw nyä'än nkëwent'ata'any ko ënety ja ëxëëkja'aytyëjk nwintuuyës yajpaatë.

Proverbios 10:19

Mëti'ipë ëxëëk y'amëtyä'äkyëtyën ka'ap tjawë jëna'a kyajpxtëkoy; wijyjyä'äy nyäxy mëti'ipë amonyë ijtpën.

Proverbios 13:3

Ko ja'ay y'aaw yyä'än tmajts'ity, kë'ëm nyäkyëwent'atyë. E mëti'ipë tyäty myëtyakpën, kë'ëm nyäyajkujo'opyë.

Proverbios 20:9

Ni pën tkajëkyepy y'ëna'anëty: Ëjts wa'atsës yë njot nwinma'any ets ka'apës yë nëë poky nmëëtëty.

Proverbios 21:23

Mëti'ipë ja'ay wyiin y'aaw kyëwent'ajtypyën, ko tii t'ëy tkäjpxy, nijëna'a ëxëëk kyajjat kyakëpätëty.

Eclesiastés 7:20

Je'eyëp ko ka'ap maa naaxwiiny naaxkëjxy ja'ay janty wa'atspë tyimjuuky'ätyën ets aak'oy winë timy tyuunta'ay ets nijëna'a kyapokytyuny.

Isaías 64:6

Tëkokyë ëëtsajtëm aak ëxëëk ja'ay nyajpatëmë; oy njanäjya'awëmëty oy yowë winë ntu'unëmë ma yë'ëjën, jëtu'un nyaj'ijxëmë tukwit tukpatsyën; aakjëtu'un ëëts'ajtëmë tä aaykyëta'akën poj'ampë xyëëwtsa'ayën, mëët ko je'eyë xëmë njëëky'ajt nmëku'uk'ajtëm nyaj'o'këmë, tä ënät ëëtsajtëm jëtu'un njajt nkëpäjtëmë tä jeexyë je'eyë nwinpapojëmën.

Mateo 12:34

Tsa'any miits mteety'ajt m'ap'ajtëp, ¿wi'ix tii oy xy'ëkkajpxtëty pën ëxëëk ja mjot mwinma'anyëty?, jä'ä ko aawjoty jootjoty ja ayuk pyëtsimy mëti'ipë yajkajpxpën.

Mateo 12:37

Jä'ä ko mkë'ëm'aaw mkë'ëm ayuk nëjkx myajtukpaye'eytyë; oytyuuy mwë'ëma'antë pën oy ënety winë të xytyuntë; ëxëëktum pën ëxëëk ënety winë të xytyuntë.

Romanos 3:10

Jëtu'un ijxtëm ja Dios ja y'aaw y'ayuk y'ënä'änyën: Ka'ap pën, nitu'ukën mëti'ipë ja'ay wa'atsën.

Romanos 7:21

Jëtu'unës njaty nkëpety: koos njatuna'any ja oypyë, poky ënätyë tim nawinkëxë'kp ma ëjtsën.

1 Corintios 9:27

Ni'ikyës ja ni'kx nkopk ntëytyuny etsës winë mëtëy ntuny ijxtëm pyaat'atyën, këtiipës nwë'ëmtëty tukxi'iky ma ja ja'ayëtyën mëti'ipës të nyaj'ijxpëktën.

Gálatas 3:22

E ja Dios ja y'aaw y'ayuk jëtu'un y'ënä'äny ko ni'ëmukë ja ja'ay pokyjotm y'ijta'atë ets tpaatëty mëti'ipë ja Dios të twinwanën ko ja Jesukristë të tmëpëktë.

Gálatas 5:17

Jä'ä ko ja ja'ay mëti'ipë yajtuumpyën ja kyë'ëm winma'any, myëtsip'ajtyp ja Kënu'kxymyëkajtën ets ja Kënu'kxymyëkajtën myëtsip'ajtyp ja ja'ay mëti'ipë yajtuumpyën ja kyë'ëm winma'any. Jä'ä ko aak nämyëtsip'ajtëtëp yë'ë winpity atëjy, paaty ka'ap y'oypëtsimy mëti'ipë miits mjatsojkën'ajtëpën.

Colosenses 1:28

Yë'ëjës nikajpx nimëtyaktëp ja Kristë ets nyaj'ijxpëktës ntukmëkajpx ntukmëmëtya'aktës ni'ëmukë ja ja'ayëty ja wijyajtën, ets yajpaatëty oy wa'ats ma ja Kristën.

Colosenses 4:12

Mtuknikäjxëtëp näjyëtu'un ja kajpxpo'kxën ja Epafras, mëti'ipë ja Jesukristë myëtuumpyën, miits yë mja'ayëty. Xëmë yë'ë mninu'kxta'akëtë ko ja Dios tja'amyetsy ets oy m'ittëty ijxtëm ja Dios tsokyën.

Hebreos 13:21

wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

Santiago 1:26

Pën näjya'awëyëp ko Dios t'ëwtaty ets ka'ap ja y'aaw tmajts'ity, kë'ëm nyäwyin'ëënyë ets ko jya'ëna'any ko ja Dios tmëpëka'any ka'ap ja tyuny.

Santiago 1:4

Yë'ë tsojkëp ets xyjyatëty wi'ix winë xymyëtänëtëty, jëtu'unts m'itëty këxy kä'pxy ijxtëm ja Dios tsokyën ets këtiipë tii mtëkoy'ajtxëtëty.

Santiago 2:10

Ko ja ja'ay tpatuunta'ay ja ënä'ämën ets tu'uk ja ënä'ämën tkapatuny, pokyjotm wyi'im; jëtu'un ja nyäxy ijxtëm jeexyë nitu'uk ja ënä'ämën tkapatunyën.

1 Pedro 3:10

Jëtu'un ijxtëm ja Dios ja y'aaw y'ayuk y'ënä'änyën: Pën ja juukyajtën tsyojkpy ets ja juukyajtën oy tsuj tyajnaxëty, kyëwent'atëp ja y'aaw yä'än, ka'ap y'ëxëëk kajpxëty ets ka'ap wyin'ëënëty,

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.