Santiago 3:18 - Biblia Dc en Mixe de Quetzaltepec

¹⁸ Mëti'ipë tsyojktëpën ets jyää'atëty ja jotkujk'ajtën, yë'ë nyiptëp kyojtëp ja jotkujk'ajtën ets tuk'oy'ata'antë ja oypyë ja nipaye'eyën.

Biblia Mixe de Quetzaltepec

¹⁸ Mëti'ipë tsyojktëpën ets jyää'atëty ja jotkujk'ajtën, yë'ë nyiptëp kyojtëp ja jotkujk'ajtën ets tuk'oy'ata'antë ja oypyë ja nipaye'eyën.

Santiago 3:18 ပူးပေါင်းရင်းမြစ်များ

Salmos 92:14

Oy ënety tëë jyamëjja'ayënëtë, yë'ëjëty je'eyëm tyëëmpäta'antë ets oy mëk xëmë yajpaata'antë.

Proverbios 11:18

Yë ëxëëk ja'ay ko nyätyijyë yajmëjuy, je'eyë yajtukwin'ëëny yë myëju'uny; yë ja'ay mëti'ipë winë oy tyuunpyën, kä'pxy t'ëxajë myëju'uny.

Proverbios 11:28

Mëti'ipë ja'ay yi'iyë tyuk'ijxpejtypyën yë wyit myeeny, jëtu'un nëjkx jyäty tä aaytyë'ëts ujtstë'ëtsën; e yë oyjyä'äytyëjk jëtu'un xëmë yajpaata'antë tä yë aay ujts tsyuxk'ityën.

Proverbios 11:30

Yë tëypyë nipaye'eyën, juukyajtën yäjkpy; e tsiptu'un tsipkajpxën yë'ë yaj'atëkoopy.

Oseas 10:12

Tëë n'ënëëmëtës: Yë'ë oypyë nipaye'eyën ni'iptë ets xyajmuktëty yë nätsyok näjyawë. Nipëjktaakëtë yë naax ets xynyi'iptëty jemypyë tëëmt, jä'ä ko yë'ë nyixëëw'ajtyp ets Wintsën yaj'ijxta'ajëty, koonëm tyajminëty ja nitsokën ma miitsëtyën tä nëë tuujën.

Amós 6:12

¿Wä'än jëtää yë kwaay tsaakëjxy ye'eytyëtyë? ¿Wä'än jëtää yë tsajpkaa nyajyu'umëty nëëjotyë? Miitsëty, të xyaj'awinpitë ja oypyë ja nipaye'eyën tä xëwätën ets ta'amëm të jya'awëkyëtä'äky ma tëkatsy winë të xypyaye'eytyën.

Mateo 5:9

Jotkujk yë ja'ay yajpaatë mëti'ipë tsyojktëp ets jyää'atëty ja jotkujk'ajtën, jä'ä ko yë'ë Dios u'unkniwa'ananëtëp.

Juan 4:36

Pën ja pëjktä'äky yajpëtë'ktëpën, yajmëjuupy jä'ä; ets ja pëjktä'äky mëti'ipë pëtë'kpën, yë'ë ets tyunëty ma ja juukyajtën xëmëkyëjxmëpë ets y'itëty xyontëty ja ja'ayëty tu'ukyë mëti'ipë niptëpën ets mëti'ipë yajpëtë'ktëpën ja pëjktä'äky.

Gálatas 6:8

Pën nyipy kyojpën ja ëxëëk winma'any, yë'ë pyatäämpy ja o'kën tëko'oyën. Pën nip kojpën ijxtëm ja Kënu'kxymyëkajtën tsokyën, yë'ë pyëjmukäämpy ja juukyajtën xëmëkyëjxmëpë.

Filipenses 1:11

Myaj'ixëtëp ja oypyë ja tuunk mëti'ipë ja Jesukristë mtukmëtuuntëpën; jëtu'un ja Dios wintsë'ëkë ets mëjjaw jaantyjawë y'itëty.

Hebreos 12:11

Ko pën tii yajtuk'ojy ëkë yajtuk'ënëëmë ka'ap oy nyäjyawëty, ni'ikyë yajmëkjawë; e ko oy yajja'akyukë, oy ja ja'ay tukjuuky'äty ets mëtëy winë tuny.

Santiago 1:20

Jä'ä ko ja ja'ay win'äkëpë, ka'ap yë'ë tuny mëti'ipë Dios tsyojkpyën.