Santiago 3:15 - Biblia Dc en Mixe de Quetzaltepec

¹⁵ Jä'ä ko ya'atë wijyajtën, ka'ap yë Dios tjä'äjëty, naaxwiinyëtë ja'ay yë wyinma'any ko ja ku'oypyë jëtu'un tyunëtë.

Biblia Mixe de Quetzaltepec

¹⁵ Jä'ä ko ya'atë wijyajtën, ka'ap yë Tios tjä'äjëty, naaxwiinyëtë ja'ay yë wyinma'any ko ja ku'oypyë jëtu'un tyunëtë.

Santiago 3:15 ပူးပေါင်းရင်းမြစ်များ

Santiago 3:17

pën myëët'ajtyp ja wijyajtën kejyajtën mëti'ipë tso'onpën ma Tiosën, wa'ats yajpaatë ma jyuuky'ajtënëtyën; ka'ap maa pën mëët yë tsip tmëët'atë, tëtä'äky jyuuky'atë, yaj'ijxëtëp ja y'oyjyot y'oywyinma'anyëty. Pa'ëyoow najts'ëyo'owëtëp, pyutëjkëtyëp yë ja'ay xim yam, ëmuumtu'ukjot winë tuntë ets oy myäytyë tyajtë.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

1 Corintios 3:19

Yë naaxwiinyëtë ixpëkyajtën tsuuwinma'any yë Dios tyajnaxy, jëtu'un ja Dios ja y'aaw y'ayuk kyëxja'ayëty: Näy yë'ë kyë'ëm wijyajtën nëjkx ja ixpëkyjyä'äy Dios tyu'u'ëtukëtë ijxtëm tu'uk ja jëyujk yajtu'u'ëtukyën, jä'äkyëjxm ko tkanijawëtë ko ja y'o'kën t'anëjkxëtë.

Filipenses 3:19

yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.

1 Corintios 2:14

Pën ja Kënu'kxymyëkajtën ka'ap tmëëtëtyën, ka'ap tkupëky mëti'ipë ja Kënu'kxymyëkajtën jyä'ä'ajtypyën, jä'ä ko tsuuwinma'any tijy ets ka'ap tja'akyukë; ya'atë yë'ë mëët yajnijawë Kënu'kxymyëkajtën.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Dios yë mëyajtën të tuny etsës oy njuuky'atëty.

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Dios ets mmo'ojëtëty. Aak Dios yäjkpy oy tyimtiijëty, ka'ap tii tukwintuk'ooky.

1 Timoteo 4:1

Wa'ats ja Kënu'kxymyëkajtën tnikäjpxy ko ja ja'ay t'ëxmatsa'antë ja mëpëjkën ko ënety ja tiempo kyëxanë, yë'ë pyatunantëp ja ijxpëjkën ka'apë myëtëyëtyën mëti'ipë ku'oypyë jyä'ä'ajtypyën.

Judas 1:19

Je'eyë tyajnäwya'kxa'anëtë ja mëpëjkpëtëjk, yi'iyë tyunantëp ja ëxëëkajtën, ka'ap ja Kënu'kxymyëkajtën tmëët'atë.

1 Corintios 3:3

jä'ä ko miitsëty ëmuumnëm xymyëët'atë ja naaxwiinyëtë winma'any. Ko tii mkanätyukmë'ixëtë, ko mtsiptuntë ets ko mnäy'ëxëëk'ixëtë nixim niyam, mmëët'ajtëpnëm ja naaxwiinyëtë winma'any ëmuumnëm ets jëtu'un mtu'uye'eytyë ijxtëm ja ja'ay tyu'uye'eytyën mëti'ipë ja naaxwiinyëtë winma'any yajtuuntëpën.

Juan 3:17

Jä'ä ko yë Dios ka'ap yë'ëkyëjxmëty tkejxy ja y'U'unk naaxwiiny ets tyajnitukëja'any ja naaxwiinyëtë ja'ay, yë'ëkyëjxm të tkexy ets tyaj'ëwaatsëpëtsëmëty ja ja'ay.

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Apocalipsis 9:11

Jam tu'uk ja tsajpjotmëtë kukäjpxy mëti'ipë tso'onpën ëyoowtaknjotm, yë'ë nyiwintsën'ajtyp ja maymyu'u. Abadón yajtijy ma hebreo ayukën ets ma griego ayukën, Apolion.

Apocalipsis 2:24

E miitsëty, mëti'ipë jam ijtëpën Tiatira, pën ka'ap yë'ë xypyanëjkxtë ja jëtu'unpë ijxpëjkën ets ni xykyanijawëtë ja mëjku'u ja y'ijxpëjkën mëti'ipë tyijtëpën ja Mëjku'u ja yu'utsypë ja y'ijxpëjkën, tyam n'ënëëmëtë ko ka'ap tii tuunk njaaktimtyuknipëka'antë.

2 Tesalonicenses 2:9

Ko ya'atë ëxëëkajtën myinëty, mëjku'u nëjkx pyutëkëty ets mëj nëjkx winë tuny mëët ja mëj'ajtën ets ja ijxpäjtën ka'apë tyiyëtyën.

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

1 Corintios 1:27

E tëë ja Dios wyinwitsëtë mëti'ipë yajtijtëpën tsuuja'ay yaa naaxwiiny ets tyajtsëtyu'unpaata'any ja ja'ayëty mëti'ipë nätyijëtëpën wijy kejy; ets tëë ja Dios twinwitsy ja mëti'ipë yajtijtëpën ëmaay paki'ix ets tyajtsëtyu'unpaata'any ja mëti'ipë nätyijëtëpën amëk jotmëk.

Romanos 1:22

Jëtu'un ijty y'ëna'antë ko wyijy'at kyejy'atë, je'eyëp ko tsuu yë'ë të y'awinpitë,

Hechos 13:10

ets t'ënëmaay: Mijts, win'ë'ënpë, mëjku'u y'u'unk. Mmëtsip'ajtyp tu'kë'ëyë mëti'ipë mëtëyën. ¿Tii ko xëmë xyajma'ata'any ja Wintsën ja nyë'ë tyu'u tëypyë?

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Lucas 16:8

Tääts ja wintsën tnija'awëy ko ja tuunpë ka'apë oy myëtunyën, tëë oy tniwijy'äty wi'ix tii tunëtyën. Jëtu'un yë ja'ayëty y'ëtë'ëtstë nyiwijy'ajtëp ja kyë'ëmtuunkëty, ets ni'ik mëti'ipë akootstuuy yajpatëpën këtiinëm mëti'ipë tëë ja të'kxën jajën tpaatën.

2 Samuel 16:23

jä'ä xëëw, ko ijty yë ja'ay tii tyajtëwtë ja Ahitófel, jëtu'un ijty nyäxy tä pën tii yë Dios tyajtëyën; jä'ä ko yë Ahitófel mëj'äämpy yë ja'ay jyëkyepyë, paaty yë David mëj'äämpy muum nyäxy ets Absalón mëët yë'ëkyëjxm ko ja Ahitófel jyamëty.

2 Samuel 15:31

E ko ja David yajtukmëmëtyäky ko ja Ahitófel jä'ä ënety mëët ja Absalón jëtu'unpë ja winma'any të tpaaty ko tnikäjpxytyunëtë ja yajkutujkpë, ënät ja David ënätyë ja Wintsën tmënu'kxtäky ets ja Ahitófel jëtu'unyë wyinma'anytyëkoyëty.

2 Samuel 13:3

E jamts ënety yë Amnón tu'uk yë myëku'uk, ëxëëkwin'ätspë, jä'ä xyëëwajtyp Jonadab, yë'ë yë myaank yë Simea, David yë myëkä'äx.