Santiago 2:8 - Biblia Dc en Mixe de Quetzaltepec

⁸ Oy ënety xytyuntë ko ja Dios ja kyutujkën xypyatuunëtëty ijxtëm ja y'aaw y'ayuk y'ënä'änyën: Tsok ja mmëku'uk ijxtëm kë'ëm mnätsyokyën.

Biblia Mixe de Quetzaltepec

⁸ Oy ënäty xytyuntë ko ja Tios ja kyutujkën xypyatuunëtëty ijxtëm ja y'aaw y'ayuk y'ënä'änyën: Tsok ja mmëku'uk ijxtëm kë'ëm mnätsyokyën.

Santiago 2:8 ပူးပေါင်းရင်းမြစ်များ

Gálatas 5:14

Jëtu'un ja ënä'ämën tu'kë'ëyë yajpatuunta'ay: Tsok ja mmëku'uk ijxtëm kë'ëm mnätsyokyën.

Santiago 2:12

Jëtu'un mkajpxtëty mmëtya'aktëty ets jëtu'un mja'ay'atëty ijxtëm ja ja'ayën mëti'ipë yajpaye'epyën mëët ja ënä'ämën mëti'ipë yaj'ëwaatsëpëtsëëmpën.

Mateo 22:39

E ja mëmäjtskpë yë'ë mëti'ipë ënaanpën: Tsok ja mmëku'uk ijxtëm kë'ëm mnätsyokyën.

Gálatas 6:2

Neypyutëkëtë nixim niyam ma ja ëyo'on jotmayën, jëtu'un'äämpy xypyatuntëty ja Kristë ja y'ënä'ämën.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Santiago 1:25

E ja ja'ay mëti'ipë ka'ap tja'atyëkoyën mëti'ipë të tmëtoyën, tu'ukyë ja wyinma'any tpëjktä'äky wi'ix y'ënä'änyën ja ënä'ämën tëyajtën mëti'ipë yajnitsokpën ets xëmë tpatun, jotkujk xëmë y'ita'any.

Jonás 4:4

E ja Wintsën jëtu'un y'ëtsooy: ¿Wi'ix? ¿Oyën mnäjyawëty ko mjoot'anpëkyë?

2 Reyes 7:9

E tyaa nyäy'ënanëtë: Ka'ap yowë myëtëyëty tä yam winë ntu'unëmën. Tyam yë'ë ja paatë'ajtëp jeexyë ja oypyë ja nija'awën nyajtu'u ye'eyëmë; e ëëtsajtëm ni'ikyë yowë n'amo'onëmë. Ko n'ëna'anmëty jopynyëm nikajpxmëty, tsojk mpoky'ajtmëty. Nikë tsojk ntimyjya'amëm ma jam yë kutujkëntëjkën ets ja nija'awën nyajkmëty.

1 Tesalonicenses 4:9

E ja tsojkën ja'awën mëti'ipë ja mëpëjkpëtëjk myëët'ajtëpën nixim niyam, ka'ap kyopkpëkyëty ets miits ntuknijayëtëty, jä'ä ko tëë ja Dios kë'ëm mtuknijawëtë wi'ix mnätsyok mnäjyawëtëty nixim niyam.

Filipenses 4:14

Oy jyajëtu'unëty, miitsëty tëë oy mwinma'anypyaatë ko të xypyutëkëtës ma amaayjoty jotmayjoty të nyajpaatyënës.

Mateo 25:23

Oy jëtu'un, oy ets tëy tëtä'äky winë të xytyuny të xykyäjpxy. Jä'ä ko oy tii yiin wään të myajtukë'ëtëkë, tëë oy mtuny mkäjpxy, jyëkyejpy winë mëjpë këjääpë myajtukmë'ëxmatsëty. Tëkë ma ja xoontakën yajpaatyën ets mjuuky'atëty akujk jotkujk mëët ëjts.

Jonás 4:9

E ja Dios, ojts y'ëtsoyë: ¿Oyëtën mnäjyawëty ko mjoot'anpëkyë ko të tsyi'itsy ja tsi'iw aatsë? Tääts y'ëtsooy ja Jonás. Jëtu'un, oyës näjyawëty. ¿Ti këtii xy'ixyë? Ko mëpaatëpës n'o'knë.

1 Reyes 8:18

Je'eyëp ko yë Wintsën jëtu'un t'ënëmaay: Ka'ap tääpë wyi'ixëty ko mja'ëna'any tu'uk yë ntsajptëjkës xykyojanë,

Santiago 2:19

Mijts mmëpëjkpy ko ja Dios tu'ukyë yë'ë, oy ko xymyëpëky; je'eyëp ko yë ku'oypyë myëpëjktëp näjyëtu'un ets tsëtyuuytyëp ko tsë'ëkëtë ja Dios.

Mateo 25:21

Tääts ja wyintsën y'ënëmaayë: Oy jëtu'un, oy ets tëy tëtä'äky winë të xytyuny të xykyäjpxy. Jä'ä ko oy tii yiin wään të myajtukë'ëtëkë, tëë oy mtuny mkäjpxy, jyëkyejpy winë mëjpë këjääpë myajtukmë'ëxmatsëty. Tëkë ma ja xoontakën yajpaatyën ets mjuuky'atëty akujk jotkujk mëët ëjts.

Mateo 7:12

Ijxtëm miits xytsyoktë ja'ay mëtunëtëty, jëtu'un ja mmëku'uk mmëtuntë, yë'ë jëtu'unpë tuunk ojts t'antijtë ja käjpxynyajxpëtëjkëty ets ja ënä'ämën tëyajtën.

Romanos 13:10

Mëti'ipë ja'ay tsojkp ja'apën, ka'ap yë myëku'uk t'ëxëëktuny, ma ja nätsyok näjyawën jam ja ënä'ämën yajpatuunta'ay.

Santiago 4:11

Mëku'uktëjkëty, këtii mnanyi'ojëtëty nixim niyam. Pën ja myëku'uk nyi'ojëp ets pyoky'ijxyp ja Dios ja y'ënä'ämën ënety kyamëj'ijxëp; ko pën tkamëj'ixy ja ënä'ämën, tëytyuunpë ets paye'epyë ënety nyäpyëjktä'äkyë ets ni yë'ë tkapatuny ja ënä'ämën.