Santiago 2:5 - Biblia Dc en Mixe de Quetzaltepec

⁵ Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

Biblia Mixe de Quetzaltepec

⁵ Mëku'uktëjkëty, mëtowtë ets ja'akyukëtë ya'atë: Tios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Tios të tukwinwanën ja ja'ay mëti'ipë tsojkëpën;

Santiago 2:5 ပူးပေါင်းရင်းမြစ်များ

1 Reyes 22:28

Yë Micaías ojts ja y'aaw y'ayuk tjaaknikäjpxy ets y'ënäny: Pën mijts oy mëk mwinpity, yë Wintsën ka'ap ënety yë'ëjëty y'aaw y'ayuk të nnikajpxës.

Job 34:10

E miitsëty, ixpëky jyä'äyëty, mëtowtë yajxon. Ka'ap mëpaat nma'ayëm ntajëm ko yë Dios, mëti'ipë maaytyääyëpën winë tuuntëkoopy kajpxtëkoopy ets ka'ap tii oy tnipaye'ey.

Job 34:19

Yë'ë ka'ap tpukajpxë yë yajkutujkpëtëjk ets ka'ap yë kumeenyjyä'äytyëjk ni'ik tputëkë këtiinëm yë ëyoowpëja'aytyëjk, jä'ä ko yë'ë yajkojtaay wä'än tpënëty.

Job 38:14

Ënet ja tun kopk kyëxë'kta'ay ets tsaptsëm jyajtä'äky tä tu'uk yë tsaptswitën;

Éxodo 20:6

E mëti'ipës xytsyojkp xyjya'apën ets tpatuny ja n'ënä'ämënës ntëyajtënës, mëj këjääjës yë ntsoky njawë ets winë xëëw winjëmëjt n'oyjyawëja'anyës.

Proverbios 13:7

Tää yë ja'ayëty ka'apë tii tmëët'atën ets jä'ä nyäyajnaxëtë kuwit kumeeny. Tää yë ja'ayëty mëti'ipë myëët'ajtëpën winë ets jä'ä nyäyajnaxëtë mëk ëyoowtë ja'ay.

Proverbios 7:24

Paaty tyam u'unk maay, mëtoow'ijtkës yë n'aaw n'ayuk ets mëtoow'it yë nmëtyä'äkyës.

Proverbios 8:32

E tyam, u'unkëty maayëty, mëtoow'ijtëkës. Jëtu'un winë xytyuntëty ijxtëm ëjts winë ntunyën, ënät jotkujk myajpaatëty.

Isaías 14:32

¿Wi'ix tääpë naax kajpn y'ëkyaj'ëtsoowinpitëty? Yë Wintsën tëë ja nyaax kyajpn ja jotkujk'ajtën tmo'oy jam Sión, aakjam ja ja'ay nyëjkxta'aja'antë mëti'ipë jëëytyëp yaxtëpën ets jam tsyo'oktëty.

Isaías 29:19

Ja ja'ayëty mëti'ipë yu'unk naxym yajpatëpën xoonta'akantëp jatëkok ma Wintsënën, mëti'ipë ëyoow jotëkooytyëpën jotkujk nyäjawëja'anëtë ma Tiosën mëti'ipë Israel ja'ayëty y'ëwtajtëpën.

Sofonías 3:12

Yë'ëjës nyaj'itäämpy ma mijtsën yë ja'ay mëti'ipë yu'unk naxym ja'ay'ajtpën, mëti'ipë nëjkx ëjts xytyuk'ijxpetyën.

Zacarías 11:11

Jä'ä xëëw ojts tyëkoy ja käjpxytyu'unën ets ja ajuupyëtëjkëty mëti'ipës ënety jam xy'ijxtëpën, ojts tja'akyukëtë, ko ja Wintsën jä'ä jyanikäjpxyp mëti'ipë tyunäämpyën maas ënety jam winë ntunyën nkäjpxyën.

Zacarías 11:7

Ënätës ojts mëk nkëwent'aty ja kupixyny mëti'ipë ënety të yajtuknipëjktaakëtën y'ookëty. Yë'ëkyëjxmës jëtu'un të ntuny jä'ä ko ajuupyëtëjkëty ka'ap ënety t'ëkpa'ëyoownëtë ja kupixyny. Ënätës të n'ixta'ay mäjtsk yë tajk: Tu'uk nxëëwmooyës Oypyë Juukyajtën, ets tu'uk nxëëwmooyës Tu'ukmukyëajtën.

Mateo 11:5

Tukmëmëtya'aktë ko ja ja'ay wiintspë y'ixë'ëktë, ko ja pajk ma'atpë ye'eytyë, ko ja pu'uts mëëtpë tsyo'oktë, ja natpë tëë myëtoowpëktë, ja o'kpë tëë jyuukpyëktë ets ko ja ëyoopëja'ay ja oy aaw oy ayuk yajtuk'ëwaanëtë.

Mateo 25:34

Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Dios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Dios tyajkojy ja naaxwiinyëtë.

Mateo 5:3

Jotkujk yë ja'ay yajpaatë mëti'ipë jyot wyinma'any jëtu'un yajmaay yajtajtëpën tä ëyoopëja'ayëtyën, jä'ä ko yë'ë jyä'ä'atantëp ja tsajpjotmëpë kuttujkën.

Marcos 7:14

Tääts jatëkok tmëkajpxmujky ja mayjyä'äy ets t'ënëmaay: Mëtoow'itë ni'ëmukë ets xyjyä'äkyukëtëty:

Lucas 12:21

Jëtu'un jyäty yë ja'ay mëti'ipë winë may nyipëjkpejtypyën, jam ma Tiosën, ëyoopëja'ay jam nyäxy.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Lucas 16:22

Ënet ojts y'o'knë ja Lázaro ets yajnëjkxë ja Dios ja y'anklës jam tsajpjotm ma ja Abraham yajpaatyën; ok ja kumeenyjyä'äy näjyëtu'un y'o'ky, tääts nyaaxtëjkëy.

Lucas 16:25

Tääts ja Abraham y'ënëmaayë: U'unk, yë'ë mja'amyätsëp ko mijts akujk jotkujk të mjuuky'äty naaxwiiny; yë Lázaro, tëë y'ëyoy; e tyam, tëë tpaaty ja jotkujk'ajtën; mijts tyam mtuka'ajëp ets mëk m'ëyowëty.

Lucas 22:29

Paaty miits nmo'otë tu'uk ja kuttujkën, ijxtëmës ja Dios Teety näjyëtu'un të xymyo'oyën,

Lucas 6:20

Ënet ja Jesús twin'ijxpejty ja y'ijxpëjkpëtëjk ets t'ënëmaay: Akujk jotkujk miitsëty myajpaatë mëti'ipë ëyoowtëpën, jä'ä ko miits mjä'ä'ajtëp ja Dios ja kyutujkën.

Juan 7:48

¿Ëkë tëë jää pën nitu'ukën yë wintsën ëkë fariseë ja'ay myëpëkyë?

Hechos 7:2

Tääts ja Esteban y'ëtsooy: Mëku'uktëjkëty, mëjja'aytyëjkëty, amëtoow'ijtëkës. Ko ja nteety'ajt n'ap'ajtëmë Abraham tsyënaay jam Mesopotamia, ka'anëm ënety nyijkx tsënääpyë ma ja it txëëwatyën Harán, ko ja Dios mëjpë jaantypë ojts nyänyikëxë'ëkyë ma yë'ëjën.

Romanos 8:17

Ets ko yë'ë xy'u'unk'ajtëmë, näjyëtu'un ja Kristë mëët xypyaat'ajtëmë ja kuma'ayën mëti'ipë ja Dios të xytyukwinwa'anëmën, jä'ä ko tu'ukyë ja Kristë mëët nyajpatëmë ja myëj'ajt jyääntyajtën, jä'ä ko tu'ukyë mëët n'ëyo'owëmë ets jam nyajpatmëty ma myëj'ajt y'oyajtënën.

1 Corintios 2:9

E jëtu'un të jyäty ijxtëm kuja'ay myinyën: Ni pën tka'ixy tkamëtoynyëm ets ni pën tkawinmaynyëm mëti'ipë ja Dios të tuknipëjktaakën.

2 Corintios 4:15

Tu'kë'ëyë ya'atë, paaty jëtu'un të tyuny të jyätyë ets miits xytyuk'oy'atëty; nyimayë'ëtë'ëtstëty ja ja'ay mëti'ipë Dios kënu'kxëtëpën, näjyëtu'un nyimay'atëty ja ja'ay mëti'ipë kyukajpxëtëpën ja Dios ets ja Dios yajmëjjaw yajjaantyjyawëty.

2 Corintios 6:10

Jëtu'unës nyaj'ixtë maaytyëp tajtëpës yowë, je'eyëp ko jotkujkës n'itë; ëyoowtëpës nyaj'ixtë, je'eyëp nyajjotkujktaktëpës may ja ja'ay; jëtu'un kyëxë'ëky ka'apës yowë tii nmëët'atë, e nmëët'ajtaaytyëpës winë.

2 Corintios 8:9

Jä'ä ko miitsëty tëë xynyijawëtë wi'ix ja Wintsën Jesukristë mëyajtën të tunyën. Jesús jam y'ity tsajpjotm, myëët'ajtääpy tu'kë'ëyë winë, je'eyëp ko ojts myiny yaa naaxwiiny; jëtu'un ojts nyäpyëjktä'äkyë ijxtëm tu'uk ja ëyoopëja'ayën mëët jä'äkyëjxm ko të xytsyojkëm ets npatmëty ja jotkujk'ajtën.

Efesios 1:18

N'amëtoopyës ja Dios ets mtukja'akyukëtëty ja oypyë mëti'ipë mjëjp'ijxtëpën, ja oypyë tsujpë kuma'ayën mëti'ipë ja Dios të mtukniwoowtsowëtën ets mmo'oja'anëtë ma mnaax'at mkajpn'atëtën,

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

1 Tesalonicenses 2:12

Tëë njotmëkwinkajpxëtë, tëë nyajjotkujk'atë ets tëë ntukmënu'kxta'aktë wi'ix mja'ay'atëty ijxtëm pyaat'atyën mëti'ipë jä'ä''ajtëtëpën ja Dios, mëti'ipë të myaxtsowëtë ma yajkutukyën ets ma ja myëj'ajt y'oyajtënën.

2 Tesalonicenses 1:5

Ya'atë yajknikëxë'kpy ko Dios pyaye'ey ijxtëm pyaat'atyën ets kopkpëky ko mtëkëtëty ma ja kyutujktaknën, jä'ä ko yë'ë tyam mku'ëyo'owëtëp.

1 Timoteo 6:18

Tuk'ënä'äm, wä'än tuntë ja oypyë, wä'än tjotkujkta'aktë ko tuntëty ja oypyë tuunk, pyutëkëtëp mëti'ipë tii ka'ijtxëtëp.

2 Timoteo 4:18

ets xyaj'ëwaatsëpëtsëmaanpnëmës maajaty ja ku'oypyën ets xyajnëjkxa'anyës jam tsajpjotm ma yë'ë yajkutukyën. Yë'ë jyä'ä'ajtyp ja mëj'ajtën jaanty'ajtën xëmëkyëjxm. Tëy jëtu'un.

2 Timoteo 4:8

Ets tyam, ja oyajtënës xy'owëxijtp mëti'ipës xypyatpën, mëti'ipë ja Wintsën, mëtëypyë pyaye'eyën xymyo'ojaanpës jä'ä xëëw. Ets ka'ap y'ëjtsëty je'eyë nätyu'uk, näjyëtu'un yajmo'oja'antë ni'ëmukë mëti'ipë tsyojktëpën ets myinëty mëët ja mëj'ajt oyajtën.

Hebreos 11:26

Paaty tyimwinmaay nikë oy ko ja Yajnitsokpë tku'ëyowëty ets këtii ko tukjotkujk'atëty ja mëj'ajtën jaanty'ajtën mëti'ipë japën Egiptë, jä'ä ko ja wyinma'any ojts tpëjktä'äky ma ja kuma'ayënën mëti'ipë ja Dios yakäämpyën.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

Santiago 1:16

Mëku'uktëjkëty, këtii myajwin'ëëntë;

Santiago 1:19

Ja'amyätstë ya'atë mëku'uktëjkëty, a'ijxp jëjp'ijxp miits itë ets xymyëtoowkukëtëty ja oypyë ja aaw ayuk; yë'ë tëy ka'ap ja tsip äkë ets ja joot'an xymyëët'atëty.

Santiago 1:9

Ja nmëku'uk'ajtëm mëti'ipë yaj'ëyow yaj'ama'atën, jotkujk mëpaat nyäjyawëty ko Dios yajmëjnaxyë;

1 Pedro 1:4

Paaty ëëts njëjp'ijxmëty ëmuumtu'ukjot ko ja Dios xymyo'oja'anëmë ja kuma'ayën mëti'ipë pëjkë'ëky yaj'ijtypyën jam tsajpjotm, mëti'ipë ka'p kyutëkoyën, y'ëxëëkën ets xyootsyën.

2 Pedro 1:11

Jëtu'un akujk jotkujk mtëkëtëty ma ja Wintsën Jesukristë Yajnitsokpë kyutujktaknën ets jam m'itëty xëmëkyëjxm.

Apocalipsis 2:9

Nija'apës wi'ix ëxëëk mjaty mkëpetyën ets wi'ix m'ëyoyën ko tii winë xyajmëyäty oy jam winë xyjyamëëtëty. Ets nija'apës wi'ix ëxëëkjaty ja'ay mnimëtyä'äkyën je'eyëp ko tääpë ja'ayëty paaty jëtu'un y'ëtë'ëtstë jä'ä ko ku'oypyë yajmëjnajxtëp.

Apocalipsis 21:7

Ya'atë kyuma'ayën'atëp pën ënety mëtakpën, etsës yë'ë xyTios'atëty ets yë'ëjës n'u'unk'atëty.

Apocalipsis 3:18

Paaty mijts nkajpxwijy ets xyjyuyëty ma ëjtsën ja pu'ts pujxn tëëpë wyinkë'ëyën jap jëënjoty ets myajtijëty kumeenyjyä'äy; ets ma ëjtsën xyjyuyëty yë poop wit ets mnätyukxoxëtëty këtiipë niwa'ats ëxwa'ats myajpaatëty, jëtu'un xywyitnijuuxëty mëti'ipë myajtsëtyuunëpën; ets näjyëtu'un xypaatëty ja wiin tsooy ets ka'ap m'ëk ijnëty wiintsën.

Jueces 9:7

Ko yë Jotán tnija'awëy ko yë Abimélec tëë yajnikajpxpety yajkutujkpë, ënät ojts ënätyë nyijkxy ja Guerizim ma ja it naaxwiinyëtën mëti'ipë kopkjotmën, jamts ojts tyëkë mëk yaxpë jojkpë jëtu'un ijxtëm mëpaat ja ja'ay tmëtoowta'atën. Mëtoow'itë ya'atë aaw ayuk miitsëty mëku'uktëjkëty jënu'un yaa Siquem m'itën mtsëënëtën. Jëtu'unts yë Wintsën näjyëtu'un tmëtowëty.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Dios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.

1 Samuel 2:8

Dios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm