Santiago 2:4 - Biblia Dc en Mixe de Quetzaltepec

⁴ miitsëty win'ixy wiinkexy ënety ja ja'ay xytsyoktë ets ëxëëk winma'any ënety jëtu'un mpatëp.

Biblia Mixe de Quetzaltepec

⁴ miitsëty win'ixy wiinkexy ënäty ja ja'ay xytsyoktë ets ëxëëk winma'any ënäty jëtu'un mpatëp.

Santiago 2:4 ပူးပေါင်းရင်းမြစ်များ

Job 21:27

Ëjts wa'atsës nijawë wi'ix maytyën mtajtën mëët ëjts ets wi'ix m'ëna'antën ëxëëkjaty.

Job 34:19

Yë'ë ka'ap tpukajpxë yë yajkutujkpëtëjk ets ka'ap yë kumeenyjyä'äytyëjk ni'ik tputëkë këtiinëm yë ëyoowpëja'aytyëjk, jä'ä ko yë'ë yajkojtaay wä'än tpënëty.

Salmos 109:31

Jä'ä ko yë'ë pyutëjkëp yë ëyoopëja'ay ets yaj'ëwaatsëpëtsëëmpy mëti'ipë ja tëytyu'unën jyëjp'ijxypyën.

Salmos 58:1

Miitsëty jënu'un mëj'äämpy m'itën, ¿jaanty mëtëy ja nëë poky xynyipaye'eytyë ets yë'ë mëtëypyë mtuuntëp ko ja naaxwiinyëtë ja'ay ja nyëë pyoky xytyukwinmëtowtë?

Salmos 82:2

¿Jëna'apaat miitsëty aak tëkatsy winë xynyipaye'eya'antë, ets jä'ä mputëkäjantëp ja ja'ayëty ëxëëkpë winë tuntën tkajpxtën?

Malaquías 2:9

Paaty n'ëna'anyës, mëët yë'ëkyëjxm ko ka'ap të xymyëmëtowtës ets mëët yë'ëkyëjxm ko ka'ap tu'knax yë ja'ay të xyaj'ijxpëktë, ëjts nyajkutukäämpyës ets naax kajpn m'ëxëëk ixëtëty ets ka'ap mtsokëtëty. Yë Wintsën mëti'ipë maaytyääyëpën winë yë'ë jëtu'un ënaanp.

Lucas 18:6

Tääts ja Wintsën jyaak'ënany: Jëtu'un ojts y'ënä'äny ja ëxëëk ja'ay ka'apë oy pyaye'eyën.

Juan 7:24

Ka'ap tii nitsuu nipoj xypyaye'eytyëty. Mëtëy winë xypyaye'eytyëty.

Santiago 3:17

pën myëët'ajtyp ja wijyajtën kejyajtën mëti'ipë tso'onpën ma Tiosën, wa'ats yajpaatë ma jyuuky'ajtënëtyën; ka'ap maa pën mëët yë tsip tmëët'atë, tëtä'äky jyuuky'atë, yaj'ijxëtëp ja y'oyjyot y'oywyinma'anyëty. Pa'ëyoow najts'ëyo'owëtëp, pyutëjkëtyëp yë ja'ay xim yam, ëmuumtu'ukjot winë tuntë ets oy myäytyë tyajtë.

Santiago 4:11

Mëku'uktëjkëty, këtii mnanyi'ojëtëty nixim niyam. Pën ja myëku'uk nyi'ojëp ets pyoky'ijxyp ja Dios ja y'ënä'ämën ënety kyamëj'ijxëp; ko pën tkamëj'ixy ja ënä'ämën, tëytyuunpë ets paye'epyë ënety nyäpyëjktä'äkyë ets ni yë'ë tkapatuny ja ënä'ämën.