Santiago 2:25 - Biblia Dc en Mixe de Quetzaltepec

²⁵ Näyjyëtu'un tyuunë jyajtë mëët ja ku'into'oxy Rahab; ojts ja Dios wa'ats yajnaxyë ko oy winë tuuny; jä'ä ko ojts tyajja'ajtä'äky ja yajkäjpxye'epyë ets wiink tu'u tukni''ijxëy ma ja myëtsip ka'ap pyaatëtëtyën.

Biblia Mixe de Quetzaltepec

²⁵ Näyjyëtu'un tyuunë jyajtë mëët ja ku'into'oxy Rahab; ojts ja Tios wa'ats yajnaxyë ko oy winë tuuny; jä'ä ko ojts tyajja'ajtä'äky ja yajkäjpxye'epyë ets wiink tu'u tukni''ijxëy ma ja myëtsip ka'ap pyaatëtëtyën.

Santiago 2:25 ပူးပေါင်းရင်းမြစ်များ

Hebreos 11:31

Ets ko myëpëjky ja ku'into'oxy Rahab ka'ap ojts y'ooky mëët mëti'ipë ja Dios kyamëmëtoowtëpën, jä'ä ko tëë ënety oy tsuj tyajjajtä'äky mëti'ipë ja Israel ja'ay kyäjxtën ijxpë tuunpë.

Josue 2:15

Yë Rahab jam ënety yë tyëjk tmëëtëty winkon ma ja mëjpotsyën mëti'ipë kajpn yajnatujkpyën, paaty ojts oy tjëkyepy wi'ix ja ja'ayëty nimäjtskpë tyajkä'äkëtyën, yë'ë mëët tkutëëynyäjxy tu'uk yë tejpxy jap tëjk'ëjxy, kajpn jëxkë'p.

Josue 2:4

Ko yë Rahab jëtu'unpë aaw ayuk nyimiinë, ënät ojts poj'am tyu'utsy ja nimäjtskpë ja Israel ja'ayëty jam tëjkëjxm ets yaj'ëtsoowtë ja ja'ayëty mëti'ipë ënety ja aaw ayuk myëmiintëpën: Tëyajtën, tëëjës yë ja'ay xyjyänty nyimintë ya'atë xëëw, ëjts tiijës n'ëktuknijawëp maa tsyoontë.

Josue 6:17

Ja kajpn ets tëkokyë jënu'un winë yajpaatyën ma yë'ëjën nëjkxëp kyutëkooytyä'äy, jä'ä ko yë Wintsën tëë tni'ënä'ämë ets tëë kë'ëm ëpëky timpyëjktä'äky. Yi'iyë nëjkx wyi'imy yë Rahab mëti'ipë jyot nyini'kx tyo'kpyën, mëët yë jyiiky myëku'uk tyaak tyeety ets tëkokyë jënu'un jap yajpaatën ma tyëjkën, jä'ä ko ojts tyu'utsy ja mëti'ipë ojts jam ja kajpn t'ixtën tuntën, mëti'ipë yajkäjxtën.

Josue 2:1

Jam ënety yajpaatë Sitim ko ojts yë Josué tkexy nimäjtsk yë ja'ay jam Jericó ets nëjkx y'ixtë tyuntë ma ja naax kajpnën, jëtu'un t'ënëmaay: Nëjkxtë ixtë tuntë tääpë it naaxwiinyëtë ets xykyëwentëpëktëty wi'ix yajpaatyën yë Jericó kajpn. Ënet ojts nyëjkxtë ets jyajtë jam ma tu'uk ja to'oxytyëjk ja tyëjkën mëti'ipë ja jyot nyini'kx nyimeenypyijkpyën, jä'ä txëëwaty Rahab, jam ojts ja tsuu tyajnaxtë.

Mateo 21:31

¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kuttujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.

Mateo 1:5

Salmón yë'ë teety'ajtë Booz, yë Booz yë'ë Rahab tyaak'ajt, Booz yë'ë teety'ajtë Obed ets Obed, yë'ë Ruth tyaak'ajt. Obed yë'ë teety'ajtë Jesé,

Santiago 2:22

Ets jyëkyejpy jam xynyi''ijxtu'utëty ma ja Abrahamën, ko yë'ë ojts tyajnikëxë'ëky ja myëpëjkën ko winë oy tuuny, jëtu'unts ja myëpëjkën ojts nyäxy wa'ats.

Santiago 2:18

Wä'än jëtää tu'uk yë ja'ay tyajtëwëty ets y'ëna'anëty: Mijts, mjamëpëjkpy yë Dios je'eyëp ko ka'ap xyajtuny; ëjts ntuumpyës winë oy. Ëktuk'ijxkës ja mmëpëjkën ma ka'ap tii oy xytyunyën; e ëjts tyam mijts ntuk'ixëty maas tii oy ntunyën, oyës nkamëpëky.

Josue 2:6

E ja to'oxytyëjk nëkoopë ojts je'eyë wyin'ëëny, jä'ä ko ja nimäjtskpë ja Israel ja'ayëty jap ënety tëjkëjxy të tyu'utsy ets të tnipe'eny mëët yë ujtstë'ëts mëti'ipë ja'ay yajwitkojpyën.

Josue 2:16

Ets t'ënëmaay: Jäätsow nëjkxtë kopkjoty këtiipë mpaatëtëty mëti'ipë m'ixtaayëtëpën. Jam yu'utsy mnäyaj'itëtëty, tëkëëk xëëw, koonëm yë'ë wyimpitëty kajpnjoty. Täänëm mtsoontëty ets mnëjkxtëty.

Hechos 17:7

ets ya'atë Jasón tëë tyajjajtä'äky jam ma tyëjkën. Tëkokyë yë'ëjëty ka'ap tmëjpëjkta'aktë ja yajkutujkpë kopk César ja y'ënä'ämën, jä'ä ko jëtu'un y'ëna'antë ko tää wiinkpë yajkutujkpë mëti'ipë xyëëwajtypyën Jesús.

Santiago 2:24

Tëë xyjyä'äkyukëtë ko Dios wa'ats yë ja'ay tyajnaxy ko tii oy ttuny, ets ka'ap yi'iyëty ko myëpëky.