Santiago 2:20 - Biblia Dc en Mixe de Quetzaltepec

²⁰ Këtii mtsuu'at xyajtunëty, ja'akyukë yajxon ko ka'ap tsyowpaaty ja mëpëjkën pën ka'ap tii yajtuny oy.

Biblia Mixe de Quetzaltepec

²⁰ Këtii mtsuu'at xyajtunëty, ja'akyukë yajxon ko ka'ap tsyowpaaty ja mëpëjkën pën ka'ap tii yajtuny oy.

Santiago 2:20 ပူးပေါင်းရင်းမြစ်များ

Santiago 2:26

Jëtu'un ijxtëm ja jot nini'kxën y'ooky ko ja ja'awën tyukpëtsëmy, näjyëtu'un jyäty ja mëpëjkën pën ka'ap tii oy yajtuny.

Santiago 2:17

Jëtu'un jyäty ja mëpëjkën; ko yi'iyë tu'ukyë yajtukjotkujk'aty, ets ka'ap tii oy yajtuny, ooky yë nyäxy.

Proverbios 12:11

Mëti'ipë ja'ay yajtuumpyën nyaax kyam, ka'ap tyëkoy'ajtxëty yë jyi'kxy pyiky; e yë ja'ay mëti'ipë tsuujën, yë'ë tyuunk'ajtyp mëti'ipë ka'ap nimaa tuk'oy'atëtyën.

Romanos 1:21

Oy ja Dios të tja'ixtë, ka'ap të tmëjjaw të tjaantyjyawëtë ijxtëm ja Dios mëpaat yajmëjpëjktä'äkyën, ni të tkamo'otë ja kukajpxën. Ni'ikyë jëëmpit winë të tuntë, aakjä'ä të tmëmay të tmëtajtë ka'apë tyuunëtyën, jëtu'un ja tsyuuwinma'any të yajwë'ëmëtë ijxtëm ja ja'ay kupi'its kukoots y'ityën.

Gálatas 6:3

Pën jää pën mëj nyäyajnaxyë ko nyäjyawëty mëj'äämpy y'ity ets ka'ap jyëtu'unëty, kë'ëm nyäwyin'ëënyë.

Santiago 1:26

Pën näjya'awëyëp ko Dios t'ëwtaty ets ka'ap ja y'aaw tmajts'ity, kë'ëm nyäwyin'ëënyë ets ko jya'ëna'any ko ja Dios tmëpëka'any ka'ap ja tyuny.

Tito 1:10

Jä'ä ko tää ja'ay jyatëtë mëti'ipë je'eyë käjpxy kyumëtoownajxtëpën, mëti'ipë judá ijxpëjkën winma'any tyuk'ijtëtëpën; mëti'ipë je'eyë tyäty mëtyaktëpën ets wyin'ëëntë.

1 Timoteo 1:6

Tëë jënaakën t'ëxmajtsnëtë ja mëpëjkën ets të tpatëjkënëtë ja aaw ayuk ka'apë tsyoowpaatyën.

Colosenses 2:8

Näkyëwent'atëtë këtiipë mwin'ëënëtëty mëti'ipë yaj'ijxpëjktëpën tëkatsy ets je'eyë mwin'ëënëtë; jä'ä ko yë'ëjëty ka'ap ja wyinma'any jam tpëjkta'aktë ma ja Kristën, jam ja wyinma'any tpëjkta'aktë ma ja ja'ay ja jyot wyinma'anyëtyën ets ma ja mëti'ipë mëj këjxm ijtëpën naaxwiiny.

Jeremias 2:5

Jëtu'un ja Wintsën m'ënë'ëmxëtë: ¿Tii jëtää ojts ëxëëk t'ixtë maas ëjtsën ja m'ap m'okëty koos xy'ëxmajtstë? Yë'ë ojts tpanëjkxtëkëtë wiinkëtypë tios ka'apë tii mëj'ajtën tmëëtëtyën, yë'ëjëty ka'ap tii tpatë t'ijxtë.

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Romanos 3:28

Jëtu'un yajnijawë ko mëpëjkën mëët ja ja'ay oy wyë'ëmtë mëët ja Dios ets ka'ap yë'ëkyëjxmëty ko ja ja'ay tpatuntë ja ënä'ämën.

Romanos 9:20

Mijts naaxwiinyëtë ja'ay ¿tiikutujkën mëët'ajtyp ets ja Dios xyajtëwëty tii tyuunpyën oy ka'oy? ¿Wä'än jëtää ja tu'ts nëëmëty ja mëti'ipë yajkojëpën tiijës ko jëtu'un të xyajkojyë?