Santiago 2:15 - Biblia Dc en Mixe de Quetzaltepec

¹⁵ N'ëkpëjktakëm ko tu'uk ja nmëku'uk'ajtëm ye'etyëjk ëkë to'oxytyëjk kya'ijtxëtëty ja wyit xyox ëkë ja kyä'äyën y'ukën winjëpom;

Biblia Mixe de Quetzaltepec

¹⁵ N'ëkpëjktakëm ko tu'uk ja nmëku'uk'ajtëm ye'etyëjk ëkë to'oxytyëjk kya'ijtxëtëty ja wyit xyox ëkë ja kyä'äyën y'ukën winjëpom;

Santiago 2:15 ပူးပေါင်းရင်းမြစ်များ

Lucas 3:11

Ets ja Juan y'ëtsoowëtë: Pën mäjtsk myëët'ajtyp ja wyit xyox, wä'än tmo'oy tu'uk mëti'ipë jyä'ä ka'ijtpën; pën myëët'ajtyp ja jyi'kxy pyiky, wä'än tmo'oy mëti'ipë jyä'ä kaka'atpën.

Isaías 58:7

ko xy'akaaytyukëty ja mmëku'uk mëti'ipë yuu'o'këpën ko xytyëjkmo'ojëty ka'ap ja jyëën tyëjkën, ko xymyo'ojëty ja ja'ay ja wyit tyujkxy mëti'ipë nikëëts ixkëëtsën ets xypyutëkëty xëmë ja mjëëky mmëku'uk.

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

Isaías 58:10

Ko xyajkay xyaj'uukëty ja ja'ay mëti'ipë yuu'o'këpën, ko xypyutëkëty ja ja'ay mëti'ipë amaayjoty jotmayjoty yajpatpën, ja mjuukyajtën jëtu'un yaj'ixa'any tä jëën koots tyi'kxyën ets tä xëëw y'aantä'äkyën ko wyintuky'äty.

Hebreos 11:37

Wiinkpë ojts y'ooktë kuka'atsy ets ojts yajjë'ëtwa'ktë kujkm, ëkë kupuxy mëët ja mëtyäät. Tam mëti'ipë ja wyit xyox kakaajtën, tsajppax ak kupixyny jyaak wit'ajtëp ets yaj'ëyow yaj'ama'at jyëtijtë wyimpäjtë jyëjptaktë.

Marcos 14:7

Yë ëyoopëja'ay xëmë miits xymyëët'ata'antë, jyëkyejpy xypyutëkëtëty oyjyëna'ajëty; e ëjts ka'apës jeky xymyëët'ata'antë.

Ezequiel 18:7

ka'ap jyiiky myëku'uk tyaj'ëyoy, myoopy jatëkok ja myëku'uk mëti'ipë të t'amëtoyën ko të tyajnu'kxy; ka'ap pën tmeetsy; yajwä'kxyp yë kyääky y'uuky ma ja'ayën mëti'ipë yuu'o'këpën ets xyojxyp mëti'ipë niwa'ats ëxwa'atsën.

Hechos 9:29

ets kyäjpxy myëtyäky mëët ja jutiis ja'ayëty mëti'ipë griego ayuk kyajpxtëpën; e yë'ëjëty yaj'ookantëp ënety ja Saulo.

1 Juan 3:17

Ko pën jam tii tmëëtëty winë ets ka'ap tmo'oy ja myëku'uk, oy tjatim'ixy ko ja myëku'uk tii tyajm'ëmaatyä'äky, ¿wi'ix y'ëna'ana'any ko ja Dios tsoky?