Santiago 1:12 - Biblia Dc en Mixe de Quetzaltepec

¹² Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

Biblia Mixe de Quetzaltepec

¹² Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Tios të tukwinwanën ja mëti'ipë tsojkëpën.

Santiago 1:12 ပူးပေါင်းရင်းမြစ်များ

Génesis 22:1

Tëkok yë Dios ojts yë Abraham twinma'any'ixy ets ojts tukmëkäjpxy yë xyëëw ets y'ëtsooy: Tyaajës jä'ä.

Nehemías 1:5

Ënätës n'ënëmaay: Dios mëti'ipë ijtpën tsajpjotm, ja mëjpë jaantypë ets kutsë'ëkëpë, ko xypyatuny ja mkäjxytyu'unën ma ja ja'ayën mëti'ipë mtsojkëpën ets pyatuumpyën ja m'ënä'ämën mtëyajtën;

Job 2:10

Ënet ja Job y'ëtsooy: Mijts to'oxytyëjk, këtii nëkoo ëxëëkjaty m'ëna'any. Pën ëëtsajtëm nkupëjkëm mëti'ipë Dios xymyo'oyëmën, ¿wi'ix ko ënät ka'ap nkupëjkmëty ko ëxëëk xytyu'unmëty? Ëxëëk ojts jyäty kyëpety yë Job, e yë'ë kä'äpyëm tmëtëkooy yë Wintsën mëët yë myä'äyën tyajën ets mëët yë y'aaw y'ayuk.

Job 5:17

Jotkujk ets xoontä'äky yë ja'ay yajpaaty mëti'ipë Dios ojëpën; këtii xy'ëxëëkjawëty ko m'ojëtëty yë Dios mëti'ipë maaytyääyëpën winë.

Salmos 11:5

Yë Wintsën nyija'ap pën oyjyä'äy ka'oyjyä'äy ets ëxëëk t'ixy yë ëxëëkja'aytyëjk.

Salmos 119:67

Maanëmës ënety ka'ap ëxëëk njaty nkëpetynyëmën, ojtsës wiinkjaty winë ntuny, e tyam yë'ëjës nmëmëtoopy yë m'aaw m'ayuk.

Salmos 119:71

Nikë tëë tyim'oyë koos ëxëëk të njaty, jëtu'un'äämpyës të nja'akyukë etsës të nnijawë yë m'ënä'ämën mtëyajtën.

Salmos 119:75

Wintsën, ëjts wa'atsës nnijawë ko yë m'aaw m'ayuk mëti'ipë të xyajwë'ëmyën, wa'ats yë'ë ets mëtëy; mijts tap ja winma'any xymyëëtëty tiikyëjxm koos xyajmony xyajtuky.

Salmos 5:11

Wä'än txoonta'aktë yë ja'ayëty mëti'ipë mijts mkuwäämpyën: wä'än xëmë t'ëwtë tya'axtë jä'ä ko mijts mkuwäämpy. Mtukxoontakëp mëti'ipë mtsojkëpën mja'awëpën,

Salmos 94:12

Wintsën, janty jotkujk yë ja'ay yajpaaty ko xytyukmëkäjpxy ënätyë ko tii oy tkatuny, jëtu'un ja ijxpëjkën ni'ikyë xymyo'oy,

Éxodo 20:6

E mëti'ipës xytsyojkp xyjya'apën ets tpatuny ja n'ënä'ämënës ntëyajtënës, mëj këjääjës yë ntsoky njawë ets winë xëëw winjëmëjt n'oyjyawëja'anyës.

Proverbios 17:3

Yë pu'ts pujxn ets poop pujxn yë'ë mëët yë jëën yaj'ijxmatsy; e yë jot winma'any yë'ë Dios nyija'ap wi'ix yajpaaty.

Isaías 64:4

Ni ma kyayajmëtoy'äty wiinkpë Dios jëtu'unpë tä mijtsën, mëti'ipë jëtu'un winë tyuunpyën tä mijtsën ma ja y'u'unk y'ëna'kën mëti'ipë tukjotkujk'ajtëpën.

Mateo 10:22

Aak mmëtsip'atanëtëp ja ja'ay mëët ëjtskyëjxm; pën myëtënääpy mapaat kyukëxën, jä'ä nëjkx tsyo'oky.

Mateo 25:34

Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Dios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Dios tyajkojy ja naaxwiinyëtë.

Lucas 6:22

Akujk jotkujk miitsëty myajpaatëty ko ja ja'ay m'ëxëëk'ixëtëty, m'ëxwopëtëty, m'ojëtëty ets jëtu'un myaj'ixtëty m'ëxëëkja'ay'ajtëp yowë, mëët ko yë'ë xymyëjwa'kpätë ja naaxwiinyëtë ja'ay ja y'U'unk.

Romanos 5:4

Ko mëk nyajpatmëty ma mëpëjkënën, yë'ë xyajnaxa'anëm oy, ets ko ntuknajxmëty ja tsipë jotkujk näjya'awëmëty.

Romanos 8:28

Nnija'awëm ëëtsajtëm ko ja Dios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

1 Corintios 2:9

E jëtu'un të jyäty ijxtëm kuja'ay myinyën: Ni pën tka'ixy tkamëtoynyëm ets ni pën tkawinmaynyëm mëti'ipë ja Dios të tuknipëjktaakën.

1 Corintios 8:3

Pën ja Dios tsyojkpy jya'ap, nija'awëyëp ja Dios.

1 Corintios 9:25

Mëti'ipë näjyëjp'ijxëtëpën ko y'ëyë'ëka'antë, ka'ap nëkooyë tii tjë'kxtë mëti'ipë pa'amtuunëtëpën. E paaty miitsëty jëtu'un winë tuntë jä'ä ko yë'ë pyaatantëp ja kuma'ayën mëti'ipë tëtspën mëti'ipë xo'tspën; e ëëtsajtëm yë'ë nitsiptu'unemë ko n'ëxajëja'anëm ja kuma'ayën mëti'ipë ka'ap tsyi'itsyën ets ka'ap xyootsyën.

Deuteronomio 13:3

Këtii nëkoo xymyëpëktëty, jä'ä ko yë Wintsën mëti'ipë mTiosajtëpën je'eyë nëkoo mwinma'any'ixëtë ets t'ëkjanty'ixa'any pën mjantytsyojk mjantyjya'awëtëp winë aaw winëjot.

Deuteronomio 7:9

E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

Deuteronomio 8:2

Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

2 Timoteo 2:15

Tun tu'kë'ëyë mëti'ipë Dios y'oyjya'apën mapaat mmëtä'äkyën, jëtu'un ijxtëm tu'uk yë ja'ayën tëëpë Dios y'ëxajëtyën, ijxtëm tu'uk yë mëtuunpën ka'apë tii tmëët'atyën tii nyatuktsëtyunëp, mëti'ipë ja tëyajtën nyikäjpxyp nyimëtyäkpyën.

2 Timoteo 4:8

Ets tyam, ja oyajtënës xy'owëxijtp mëti'ipës xypyatpën, mëti'ipë ja Wintsën, mëtëypyë pyaye'eyën xymyo'ojaanpës jä'ä xëëw. Ets ka'ap y'ëjtsëty je'eyë nätyu'uk, näjyëtu'un yajmo'oja'antë ni'ëmukë mëti'ipë tsyojktëpën ets myinëty mëët ja mëj'ajt oyajtën.

Hebreos 10:32

Këtii xyjyä'ätyëkoytyë ja xëës jëmëjt mëti'ipë të nyäxyën ma të xymyëpëktën ja Dios ja y'aaw y'ayuk, amëk jotmëk ojts xymyënax xyajnaxtë ja ëyo'on jotmay.

Hebreos 11:17

Ja Abraham, ko ja Dios wyinma'any'ixanë, mëët ko myëpëjky, yajk ja y'u'unk Isaac ets wyintsë'kën'atëty. Oy ënety jyajä'äjëty mëti'ipë ja Dios ojts tyukwinwanëtyën ko y'ënëmaayë:

Hebreos 12:5

Miitsëty tëë xyjyä'ätyëkoytyë ja ayuk mëti'ipë Dios mtukmëkajpxëtëpën, ko mkajpxwijëtë ma m'u'unk'atëtën. Jëtu'un ja Dios ja y'aaw y'ayuk y'ënä'äny: Mijts, u'unk, mëjpëjkta'ak ko ja Wintsën tii mtukmëkajpxëtëty ets ko mjëjpwijtswinpitëtëty, ka'ap xy'ëxëëkjawëty ko m'ojëtëty.

Hebreos 6:15

Abraham mëët ja mä'kxtujkën ojts y'ëwxity ets t'ëxajëy mëti'ipë ënety ja Dios të tyukwinwanëtyën.

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

Santiago 5:11

Ëëtsëty jä'äs ntijtë ko akujk jotkujk yë ja'ay yajpaatë mëti'ipë myëmëtaktëpën ja ëyo'on jotmay. Miitsëty tëë xymyëtoy'atë wi'ix ja Job tmëtënaayën ja ëyo'on jotmay, ets mnija'awëtëp näjyëtu'un wi'ix ojts ja Dios myo'oyë ja oyajtën ok, jä'ä ko yë Dios myëët'ajtyp yë pa'ëyo'owën najts'ëyo'owën.

1 Pedro 3:14

E pën jamts xykyu'ëyowëtë ko ja oypyë xytyuntë, akujk jotkujk itë. Këtii mtsë'ëkëtëty mjawëtëty, ni mkatsëtyuytyëty.

1 Pedro 4:13

Ni'ikyë mëpaat jotkujk myajpaatë ko xymyënax xyajnaxtëty ja ëyo'on jotmay mëti'ipë ja Kristë näjyëtu'un myënajx yajnajxën, ets näjyëtu'un mxoonta'aktëty ko ënety nyikëxë'ëky ja mëj'ajtën oyajtën ko Kristë myinëty.

1 Pedro 4:14

Xoonta'aktë pën jää pën ëxëëk mnikajpx mnimëtya'akëtë ko ja Kristë xymyëpëktë, jä'ä ko ja Dios Jya'awën ijtëëp jam ma miits ja mjot mwinma'anyëtyën.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

1 Pedro 5:4

Jëtu'un ko ënety ja Wintsën Jesukristë myiny, ënät miits xy'ëxajëtëty ja kuttujkën ka'apë kyixy nyäxyën.

1 Juan 4:19

Paaty ja Dios ntsojkëm, jä'äkyëjxm ko yë'ë jëwyiin të xytsyojkëm.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Apocalipsis 3:19

N'ojpyës ets ntsaatytyuunpyës mëti'ipës ntsojkpyën. Paaty mijts pëjkta'ak mëk ja mwinma'any ets niwinpit ja Dios.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.