Salmos 96:9 - Biblia Dc en Mixe de Quetzaltepec

⁹ Ëwtatë ets wiinkajpxta'aktë yë Wintsën ma tsyajptëjkën, tëkokyë yë naaxwiinyëtë ja'ayëty wä'än twinkutsë'ëkëtë.

Biblia Mixe de Quetzaltepec

⁹ Ëwtatë ets wiinkajpxta'aktë yë Wintsën ma tsyajptëjkën, tëkokyë yë naaxwiinyëtë ja'ayëty wä'än twinkutsë'ëkëtë.

Salmos 96:9 ပူးပေါင်းရင်းမြစ်များ

Salmos 29:2

Mëjpëjkta'aktë yë Wintsën yë xyëëw mëti'ipë myëët'ajtypyën mëj'ajt oyajtën, ëwtatë yë Wintsën ma tsyajptëjkën mëti'ipë oy tsujën.

Salmos 114:7

Tsëtyuy mijts naaxwiinyëtë Dios wintum, mëti'ipë Jacob y'ëwtajtypyën.

Salmos 110:3

Yë mnaax mkajpn mëj'äämpy mpëjkta'aka'anyë jä'ä xëëw ma ënety ja mmëtsip xymyëmëtä'äkyën jam tsipjotm. Jëtu'un xëmë mnäjyawëtëty tä jeexyë m'ëna'kën winjëpom tä yë maanik kyä'äyën jopyëp jam tunkëjxm.

Daniel 11:45

Jam nëjkx nyäpyëjktä'äkyë itkujky ma ja mejyën mëët nyäpyäätyë ja kopk wa'atspë ets oypyë tsujpë. Je'eyëp ko tëë ënety tyukja'tyë ja xëëw jëmëjt ma y'ookanën ets jämyë nëjkx y'ooky ets ka'ap ni pën maa y'ëknimëtyakënë.

Salmos 33:8

Mëjjawëtë kënukxyjyawëtë yë Wintsën tëkokyë jënu'un naaxwiinyëtë myajpaatën; kënukxyjyawëtë miitsëty naaxtsënääpyë kajpntsënääpyë.

Ezequiel 7:20

Ko të t'oy'ixtë kë'ëjiits kë'ëjän tääts mëj këjxm të nyäpyëjkta'akëtë ets yë'ë të tuk'oytyuntë ëxëëkpë y'awinaxëty. Paatykyëjxm nyaj'awinpitanëtës yë kyë'ëjän kyë'ëjiitsëty tä pu'uxmën.

Salmos 76:11

Tuntë yë waantakën ma Tiosën, mëti'ipë m'ëwtajtëpën, je'eyëp ko mkuuytyuntëp jëtu'un. Miitsëty, jënu'un xynyatänëtën mëti'ipë patëpën yajwinkutsë'ëkëty, yë'ë tukmëyoxtë winë.

Esdras 7:27

Ënet ja Esdras tmëpëjktsooy ja Wintsën ets t'ënëmaay: Kënu'kxy mëjjawë mijts Wintsën teety m'ity mëj këjää, mëët ko të xy'atëk të xytyuktëkë ja yajkutujkpë ets tmëmay tmëtajëty ja mtsajptëjk jampë yajpaatyën Jerusalén,

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

2 Crónicas 29:28

Ja naax kajpn aak koxtänë kya'ataaytyë, tam ja ja'ay y'ëwtë xyu'uxtë. Jëtu'un ojts y'ity koonëm ja wintsë'kën yajyajktaay.

2 Crónicas 29:29

Ko jyëjpkuwatsëy tä ja yajkutujkpë mëët ja tyuunpëtëjk tyëjkëtyë kajpxtakpë, tja'awëkyëta'aktë ja Wintsën ja y'oyjyot y'oywyinma'any.

2 Crónicas 29:30

Ja yajkutujkpë ets ja kutuunktëjkëty ojts t'amëtowtë ja xuxpë ets ja ëëwpë ets y'ëwtëty ya'axtëty, mëti'ipë ja David yaj'o'oyëyën ets Asaf. Yë'ë ënätyë tyëjkëtyë ëëwpë yaxpë ets t'ëwtajt tmëja'awëtyë ja Wintsën.

Salmos 99:1

Yë Wintsën yë'ë yajkutujkp. Yë y'ënyääytyakn ma yajkutukyën jam yajpaaty kyukäjpxy akujky. Yë naax kajpn jëtu'un jyänty tsyëtyuytyë, ets tëkokyë yë naaxwiinyëtë mapaat y'ëwtityën.