Salmos 96:2 - Biblia Dc en Mixe de Quetzaltepec

² win'ëwtë yë Wintsën ets kënu'kxyjyawëtë yë xyëëw, nikajpx nimëtya'aktë yë nyitsokën winjëpom.

Biblia Mixe de Quetzaltepec

² win'ëwtë yë Wintsën ets kënu'kxyjyawëtë yë xyëëw, nikajpx nimëtya'aktë yë nyitsokën winjëpom.

Salmos 96:2 ပူးပေါင်းရင်းမြစ်များ

Marcos 16:15

Ets yaj'ënëmaaytyë: Nëjkxtë naaxwiinyëtë apëtsëmy ets ja oy aaw oy ayuk xykyajpxwa'kxtëty.

Salmos 71:15

jëtu'unës nyajnaxa'any yë xëëw jëmëjt, nikajpxa'any nnimëtya'aka'anyës koos mijts të xyajtso'oky ets koos të xynyipaye'ey ijxtëm tyim'ixë'atyën. E tëkokyë ya'atë mëti'ipë të xytyuny të xykyäjpxyën, ka'apës yajxon nja'akyukë wi'ix ko jyëtu'unëty.

Salmos 40:10

Ka'apës të ntuk'amony mijts ja mtëyajt m'oyajtën; tëës nikäjpxy nimëtyä'äky ko mijts aak'oy winë xytyuny ets myajnitsokp. Ka'apës nijëna'a të nkuyu'utsy yë mtsojkën mja'awën ets mtëyajt mjaantyajtën ma mnaax mkajpnën mëjpë këjääpë.

Isaías 40:9

Jam mpätëty Sión, tunkëjxm ets jam mëk mkukajpxnaxëty, jam xynyikajpxëty ja oykyäjpxy oymyëtyä'äky. Këtii mtsë'ëkë mijts Jerusalén, amëk jotmëk timkajpx, tukmëtoowta'a ja Judá y'itjot nyaaxjot: Tyaa ja Dios mëti'ipë miits mTiosajtëpën.

Salmos 145:1

Nimëtya'akäämpyës yë mmëjajtën, mijts Dios, mëti'ipës nTios'ajtypyën ets mëti'ipës n'ënä'ämpë'ajtypyën. Xëmë yë mxëëw nmëjjawëja'any nkënu'kxyjyawëja'anyës.

Apocalipsis 5:13

Ets nmëtooyës näjyëtu'un tëkokyë mëti'ipë ja Dios yajkojën, jam y'ëna'antë tsajpjotm, naaxwiiny, naaxpa'tkë'p ets mejyjoty: Mëti'ipë u'unyääpyën jam ma kutujktaknën ets mëti'ipë yajtijpën Kupixyny U'unk, yë'ë xëmëkyëjxm yajmo'ojëp ja mëjja'awën jaanty ja'awën, ja wintsë'kën, ja mëj'ajtën jaanty'ajtën ets ja mëk'ajtën.

Efesios 1:3

Mëjjaw jaantyjawë nyäxy ja Dios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Hechos 13:26

Tääts ja Pablo jyaak'ënany: Mëku'uktëjkëty, Abraham yë y'u'unk y'ok, ets miitsëty ka'apë jyutiis'atën je'eyëp ko mmëpëjktaktëp ja Dios: ëëts jëtu'un ojts nyajtuknikäjxëm ja aaw ayuk mëti'ipë yajknitsokpën.

Salmos 145:10

Wintsën, wä'än mkuuy'iy mkuuyä'äxyë mëti'ipë të xyajkojyën. Wä'än näjyëtu'un mtukxoontä'äkyë tëkokyë jënu'un oy mmëtunyën.

Salmos 103:20

Mëjjaw kënu'kxyjyawëtë yë Wintsën miitsëty Dios kukäjpxy ninu'un myaj'ënä'äm myajmëkajpxtën; ninu'un jëjp'ixy myajpaatën ets xymyëmëtowa'antë.

1 Crónicas 29:20

Ok ja David ojts wiinkpë ja aaw ayuk t'ëxmatsy ma ja mayjyä'äy jam yajpaatën ets t'ënëmaay: Tyam win'ëw winya'axtë ja mWintsën Tiosëty. Ënet ja mayjyä'äy tu'ukmukyë tyëjkëtyë ëëpë xoontakpë ma ja Wintsënën, mëti'ipë ja y'aptëjk y'ëwtajtën, jëtu'un nyäkyoxtënaaytyakëtë ma ja Wintsënën ets ma ja yajkutujkpën.

Salmos 145:2

Xëmë mijts oy njawëja'any, ets ntukxoonta'akäämpyës yë mxëëw xëmë.