Salmos 9:9 - Biblia Dc en Mixe de Quetzaltepec

⁹ Yë Wintsën y'akëëytyujkpy y'axajtujkpy yë ja'ay mëti'ipë ëxëëk yajtuunpën, myajts'ijtyp Kyëwent'ajtyp ko mon tuk yajpaaty.

Biblia Mixe de Quetzaltepec

⁹ Yë Wintsën y'akëëytyujkpy y'axajtujkpy yë ja'ay mëti'ipë ëxëëk yajtuunpën, myajts'ijtyp Kyëwent'ajtyp ko mon tuk yajpaaty.

Salmos 9:9 ပူးပေါင်းရင်းမြစ်များ

Proverbios 18:10

Yë Dios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Nahúm 1:7

Yë Wintsën oy yë jot winma'any tmëëtëty; mpatmëp yë tsoktakn ma yë'ëjën ko mon tuk nyajpatmëty: Nyikëëpy nyixäjpy mëti'ipë tuk'ijxpäjtëpën.

Salmos 32:7

Mijts ntsoktakn'ajtyp, jä'ä ko mijtsës xykyëwent'ajtp ma kyutsë'ëkëtyën, etsës xytyukna'ëwtita'any yë xoontakën koos ënety ëwaatsëtuuy nwë'ëmy.

Salmos 46:1

Dios yë'ë xykyuwa'anëm xyajtsokëm ets yë'ë xymyëkmo'oy xymyëjaawmo'oyëm; mëti'ipë putëjkëpën ko mon tuk nyajpatmëty.

Salmos 62:8

Miitsëty, jënu'unës nnaax'aty nkajpn'atyën jam xëmë yë mjot mwinma'any xyaj'itëty ma Tiosën. Mëkajpxtë winë aaw winëjot. Jä'ä ko Dios yë'ë ntsoktakn'ajtëm.

Salmos 37:39

Yë putëjkën mëti'ipë oyjyä'äytyëjk yajmo'ojantëpën jam tsyoony ma Wintsënën, mëti'ipë tsoktakn wyantëpën ko tii ëyo'on tpaatë.

Salmos 18:2

Mijts xykyuwaanp xynyixajpës, mijts ntsoktakn'ajtyp, mijts xyaj'ëwaatsëpëtsëëmpës, mijts nTios'ajtyp, ja tsaa mëti'ipës xy'akëëytyujkp xy'axajtujkpën, ja n'kuwaanpës, ja mëk'ajtën mëti'ipës xyajtsokpën, ets ja ntsoktaknës ni'ik këjxmëpë.

Lucas 13:34

Ets ja Jesús jyaak'ënany: Miits, Jerusalenkëtë ja'ayëty, Jerusalenkëtë ja'ayëty, myaj'o'ktëp ja Dios ja kyäjpxynyajxpë ets tëë xykyuka'atstë mëti'ipë të myajtuknikäxtën. Kanaak'okës miits të njawoowmuka'antë ijxtëm ja këtseytyaak y'u'unk tmu'uxyën ets ka'ap të xykyupëktë.

Isaías 8:14

Tä tu'uk ja o'ktaknën yu'utsypë jëtu'un nëjkx yajpaaty; tä tu'uk tsaajën mëti'ipë yajkunäjpëpën, jëtu'un nëjkx ja Israel ja'ayëty nyaxtë, jam nëjkx kya'atë ets y'ooktë yë Judá ja'ayëty.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Salmos 46:7

Yë Wintsën mëti'ipë maaytyääyëpën winë, yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë Jacob y'ëwtajtën.

Salmos 20:1

Wintsën myëtowëp yë m'aaw m'ayuk ko ënety mon tuk myajpaaty; Dios mkuwa'anëtëp mëti'ipë Jacob y'ëwtajtën.

Deuteronomio 33:27

Yë Tiosën xëmëpë y'ityën yë'ë mtsoktakn'ajtyp, yë myëk'ajtën yë'ë mnätyukputëkëtëp. Jä'ä ko yë'ë ojts tyajke'eky tyajputy yë mmëtsip, ets mnëmaayë ets xytyimyajkutëkooytya'ajëty.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Dios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Dios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

Isaías 32:2

Nitu'ukjaty jëtu'un të yajpëjkta'aktë tä tu'uk tsoktaknën, oy mëkpoj myinëty, oy mëk tuu myinëty; jëtu'un nëjkx nyaxtë tä yë nëë ntuk'yajxo'kmëtyën aay ujts, tä muum të'ëts'itum nyinikën yë mëjtsaa.

Salmos 108:12

Putëjk pupäjtëk ëëtsëty ets ja nmëtsiptëjkëtyës nmëmëta'aktëty, jä'ä ko yë naaxwiinyëtë ja'ay oy jënu'un jyaputëk jyapupätëty, ka'ap nimaa tsyowpaaty.

Salmos 142:4

Koos nja'ijxwinpity ni pën maa nka'ixyës mëti'ipës jeexyë xypyutëjkëpën. Ni pën maa kyakëxë'ëky mëti'ipës jeexyë xynyiwaantutpën. Ka'ap maa kyëxë'ëky pën mëti'ipës xymyëmääpy xymyëtajpën.

Salmos 48:3

Dios yë'ë jam yajpatp ma akujktëjkën jam Jerusalén tëë Dios nyänyikäjpxyë ko yë'ë tsoktakn'ajtp xëmëpë y'ityën.

1 Crónicas 16:33

Wä'än ja mëto'owën ja oypyë xoontä'äkpyë tyajmëtoy ma ja yukjotmën Wintsën wyintuuy, mëti'ipë ënä'ämpën ets yajkutujkpën naaxwiiny.

Salmos 7:9

Wintsën mëtëypyë nyipaye'eyën, mëti'ipë y'ijxypyën ja jot winma'any ets ja jot ja'awën këkpaat. Mijts myajkëx myajnaxëp ja y'ëxëëktu'unën ja ëxëëkja'aytyëjkëty, e ja ja'ay mëti'ipë mëtëy winë tyuunpyën jotmëk xyaj'itëty.

Salmos 67:5

Mijts Dios, wä'än yë naax kajpn mwin'ëy mwinyä'äxyë, wä'än tëkokyë yë naax kajpn mwin'ëy mwinyä'äxyë.

Salmos 96:10

Ënëëmëtë yë naax kajpn: Yë Wintsën, yë'ë tyam mëj ënä'ämpë'ajtp. Yë'ë ojts ta'tspëky tpëjktä'äky yë naaxwiinyëtë këtiipë yu'kxëty, yë'ë y'ënä'ämtääpy tëkokyë yë naax kajpn tu'knax.

Salmos 98:9

jam Wintsën wintum mëti'ipë yajkutukaanpën yaa naaxwiiny. Yë'ë jä'ä t'ënä'äma'any yë naax kajpn mëët ja tëyajtën ets ja tu'knaxajtën.