Salmos 9:6 - Biblia Dc en Mixe de Quetzaltepec

⁶ Tëë ja mëtsip y'ooky, tëë ja nyaax kyajpn mëët y'ooky; mijts të xyaj'atëkoy ets nitii të kyawë'ëmy mëti'ipë jeexyë yajtukja'amyäjtspën.

Biblia Mixe de Quetzaltepec

⁶ Tëë ja mëtsip y'ooky, tëë ja nyaax kyajpn mëët y'ooky; mijts të xyaj'atëkoy ets nitii të kyawë'ëmy mëti'ipë jeexyë yajtukja'amyäjtspën.

Salmos 9:6 ပူးပေါင်းရင်းမြစ်များ

Miqueas 7:8

Naax kajpn mëti'ipës mëët nämyëtsip'atyën, këtii xytyukxoontä'äkyës koos o'ktëy njatëty, jä'ä ko tëëjës nkëtay je'eyëp ko pëtë'ëkaanpës jatëkok; oyës yë kootsajtën xyajnatuky, yë Wintsën yë'ëjës nkutë'kxën'ajtyp.

Éxodo 14:13

Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Dios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Apocalipsis 20:2

Tyaapë tsajpjotmëtë kukäjpxy myajts ja mëj tsa'any mëti'ipë yajtijpën mëjku'u ets Satanás ets tkë'ëtsuumy tekytsyuumy mëët ja mëj pujxntejpxy ets jëtu'un tu'uk mil jëmëjt y'itëty tsumy matsy.

1 Corintios 15:26

Ok nëjkx tjaak mëmëtä'äky ja o'kën.

Miqueas 7:10

Y'ixäämpy näjyëtu'un yë nmëtsipës ets tsëtyu'unmëët wyë'ëma'any. Jëtu'unës ijty xy'ënëëmë: ¿Maa ja mWintsën, mëti'ipë mTios'ajtypyën?, e tyam n'ijxypyës ko jëtu'un jyajnë tä mo'onts yajtukteenyën tu'ujoty.

Jeremias 51:25

Ëjts mëtsipës nnaxy ma mijtsën. Jëtu'un mijts tä yë tun kopkën mëti'ipë yajkutëkoopyën, mëti'ipë tu'kë'ëyë yë naaxwiinyëtë yajkutëkoopyën. Ëjts Wintsën, ëjts ënaanp. Nxajtëwäämpyës yë nkë'ë ets mijts ntëytyuna'any, nyajwinkëpipäämpy tsaakäätswiiny ets nyaj'awinpita'any tä kopkën tëëpë nyitooytyu'utyën.

Isaías 37:26

¿E mijts ka'ap të xynyijawë ko ëjts Wintsënajtp, ëjts winë ntuknipëjktakëp ko tii tyunyë jyätyë? Ëjts tëëyëpës jëtu'un ntuknipëjktaakë ijxtëm tyam winë tyunyë jyätyën; paatykyëjxm mijts may ja naax kajpn të xyajkutëkoy ets je'eyë xit ko'ow të xytyuunta'ay.

Isaías 14:17

mëti'ipë ja naax kajpn ijty tyuktsëëmtutypyën, mëti'ipë ja naax kajpn ijty yajkutëkoopyën, ets mëti'ipë ijty ka'ap nitu'uk ja'ay juuky y'ëxmajtsypyën.

Salmos 46:9

tëë tyajkëxy tyajnaxy yë tsip käjpxy naaxwiinyëtë apëtsëmy, tëë tëjtakta'ay yë ti'pxn, tëë piw nuuk tyajjajta'ay yë ku'umën. Të tyajnitooytyä'äy yë kepy wintëkäämpë mëti'ipë ja'ay myëtsiptuuntëpën.

Salmos 34:16

Yë Wintsën mëtsip nyäyajnaxyë ma ja'ayën mëti'ipë ëxëëk ëtëtstëp ënantëpën, ets jëtu'un tpo'otan tjo'otsanë yë xyëëw yaa naaxwiiny.

Salmos 8:2

Mëët ja y'aaw y'ayuk ja pi'k ëna'këty mëti'ipë tsi'tspnëmën, yë'ë mëët të xykyojy tu'uk ja ijtakn ma ja mëtsip ka'ap mnitëkëtëty ets jëtu'un kyutëkooytya'atëty ja ëxëëkja'aytyëjk ets ja ëxëëk ijxpë.

Salmos 7:5

Pën tëës ja jëtu'unpë ntuny nkäjpxy, jyëkyejpy ja nmëtsipës xy'ixjëtit xypyajëtitëty; xynyajtspaatëtyës etsës xywyitsëty xyjyëtutëty, etsës xypyëjkëtya'ajëty mëti'ipës ënety mëj'äämpy të xyaj'ityën.

2 Reyes 19:25

¿E mijts ka'ap xynyijawë, ko ëjts jëtu'un mëti'ipë të tyajkutukyën ets mmëta'akëty ets xytyunëty tëkokyë mëti'ipë të xytyunyën? Ëjts tëëyëpës ntuknipëjktaakë ets tëëjës jëtu'un nyajtuny nyajjatyë; paatykyëjxm mijts may ja naax kajpn të xyaj'atëkoy mëti'ipë ënety mëk ets ta'tspëky të nyätyijyën, tä të y'awinpijta'atë je'eyë potsykyopkën.

1 Samuel 31:7

Ko jëtu'un t'ijxtë ja Israel ja'ayëty mëti'ipë ënety jam tsënaaytyëpën awinmtsow ma ja joyjyot yajtuknajxtaaynyën, ënät ojts kyäkpëtsëëmta'atë jam kyajpnjotmëty, jä'ä ko ja Saúl tëë ënety nya'o'knë mëët ja myaank. Tääts ojts myiinëtë ja filistejë ja'ayëty jam tsyënaaytyaknpëjknëtë.

1 Samuel 30:1

Kom tëkëëk xëëw yë David jam jyajtë Siclag, ënät tuk'ijxpäjtë ko ja Amalec ja'ayëty tëëtëm ja Négueb kajpn tniwa'kta'atë ets ja Siclag tëë tnitëkëtë ets të tno'oktë.

Éxodo 15:16

Wintsën, wä'än tsë'ëkëtë, wä'än tsë'ëkëtë tjawëtë. Wä'än jëtu'unyë twë'ëmta'atë tä tsaajën mëët ja mëk'ajtën mkutujkën, koonëm ënety ja mnaax mkajpn të nyajxta'atë, ja mëti'ipë të xyjyä'äniwa'anyën.

Job 18:17

Nëjkxëp y'atëkooytyä'äy mëti'ipë jeexyë yajtukja'amyäjtspën naaxwiiny naaxkëjxy ets ka'ap nëjkx ni pën tkajpxpaaty yë xyëëw.

Salmos 34:17

Yë Wintsën kyëwentëpëjkpy yë wa'ats ja'ay ko wyanë tsyowë ets yajjotkujktäkpy ko jë'ë ya'ax yajpaaty.

Isaías 26:14

Yë'ëjëty tëë ja y'o'ktaaynyëtë, ka'ap nimaa y'ëkyajpatnëtë; jëtu'un të nyaxtë tä äpkën, ets ka'ap nijëna'a y'ëkyaj'ixanëtë; jä'ä ko tëë xytyiytyuny, tëë xyajkutëkoy, tëë xyjyëpëjkta'ay mëti'ipë jeexyë yajtukja'amyäjtstëpën.